ჩინური მედიცინა მთელ მსოფლიოში ცნობილია თავისი არასტანდარტული მეთოდებით. საუბარია არა მხოლოდ სხვადასხვა დაავადების მკურნალობაზე, არამედ ადამიანის ჯანმრთელობაზე ზრუნვაზე. ჩინელები მკურნალობისას ხშირად ირჩევენ ხელის მასაჟს დამატებით საშუალებად. სჯერათ, რომ არსებობს განსაკუთრებული წერტილები ხელის თითებზე, რომლებიც შინაგან ორგანოებზე გავლენას ახდენენ.
რომელ ორგანოებზე არიან პასუხისმგებელნი წერტილები ხელის თითებზე?
ჩინელი ექიმების თქმით, უმცირესი დისკომფორტიც, რომელიც ცხოვრების დონეზე გავლენას ახდენს, უნდა მოიშოროთ. არ უნდა მოითმინოთ. განსაკუთრებით პოპულარული პრაქტიკაა ხელის თითების წერტილებზე მასაჟი, რომელიც მდგომარეობას აუმჯობესებს. ამასთან, თითოეული თითი კონკრეტულ ორგანოებზე პასუხისმგებელია. უნდა იცოდეთ, რომელ წერტილებზე იმოქმედოთ.
ცერა თითი
ითვლება, რომ ცერა თითი ფილტვების და გულის მუშაობაზე პასუხისმგებელია. თუ მოულოდნელად გულისცემა გახშირდა, ხელის ცერა თითზე წერტილები დაიმასაჟეთ, რომ გულისცემა შეანელოთ. ასევე, ამ მეთოდით სუნთქვის დამშვიდებას შეძლებთ, თუ უძილობა გაწუხებთ. შესაბამისად, სწრაფად დაიძინებთ.
საჩვენებელი თითი
ჩინელი პრაქტიკოსების თქმით, წერტილები ამ თითზე გავლენას ახდენს კუჭ-ნაწლავის ტრაქტის მუშაობაზე. საჩვენებელი თითის მასაჟი აუმჯობესებს მდგომარეობას დისკომფორტის და შებერილობის დროს.
შუა თითი
შუა თითზე მდებარე წერტილები უნდა იცოდეს მათ, ვისაც წნევის პრობლემები აწუხებს. სწორედ შუა თითის წერტილები არის პასუხისმგებელი სისხლის სწორ მიმოქცევაზე. რა თქმა უნდა, წნევის გაზრდაზე ან შემცირებაზე არ ვსაუბრობთ. მოულოდნელი თავბრუსხვევის დროს შუა თითის მასაჟით მალე მოხვალთ გონს და მდგომარეობას ოდნავ დაასტაბილურებთ.
არათითი
ამ თითის წერტილები უფრო მენტალურ ჯანმრთელობაზე არის პასუხისმგებელი. მასაჟით შეძლებთ სტრესთან გამკლავებას, განწყობის ამაღლებას და მდგომარეობის გაუმჯობესებას. ეს ზემოქმედება ორგანიზმს მელანქოლიური მდგომარეობისგან აღვიძებს.
ნეკა თითი
ნეკა თითზე მასაჟური ზემოქმედება ააქტიურებს თირკმლების და ღვიძლის მუშაობას. ამ თითზე წერტილები თავის ტკივილის შემსუბუქებაზეც პასუხისმგებელია. ჩინურ პრაქტიკაში, მსგავსი თერაპია სწორედ ნეკა თითიდან იწყება. ექიმები გირჩევენ, რეგულარულად დაიმასაჟოთ ნეკა თითის წერტილები, თუნდაც არაფერი გაწუხებდეთ. ამბობენ, რომ ისინი ადამიანის იმუნიტეტზე პასუხისმგებელნი არიან.
ხელის თითების წერტილებზე ზემოქმედება ჯანმრთელობის პრობლემის სამკურნალო საშუალება არაა. ისინი ადამიანის ზოგად მდგომარეობას ამსუბუქებენ. თუ გაწუხებთ შინაგანი ორგანოები, სპეციალისტს აუცილებლად მიმართეთ. ამის შემდეგ შეგიძლიათ გამოიყენოთ მასაჟით ან აკუპუნქტურის სხვა მეთოდი, როგორც დამატებითი საშუალება. გახსოვდეთ ამის შესახებ.
