რეზინის ჩუსტები არც ისე საიმედო ფეხსაცმელია. განსაკუთრებით მათთვის, ვინც ზაფხულს აქტიურად ატარებს. ეს ფეხსაცმელი სწრაფად იხევა. რა თქმა უნდა, უმეტესობა ჩვენგანი უბრალოდ აგდებს გაფუჭებულ ჩუსტებს. თუმცა, ჩვენ გირჩევთ, არ იჩქაროთ ამის გაკეთება. ძველი ჩუსტები მარტივად შეგიძლიათ გადააქციოთ ახალ ფეხსაცმლად. ამავდროულად, არც ერთ თეთრს არ დახარჯავთ, რადგან ყველაფერი, რაც დაგჭირდებათ სახლშივე გაქვთ!
როგორ გადავაქციოთ ძველი ჩუსტები ახალ ფეხსაცმლად
დაგჭირდებათ
- ძველი რეზინის ჩუსტები;
- მაკრატელი;
- ძველი ჯინსი;
- ქინძისთავები;
- ძაფი და ნემსი;
- მარკერი;
- რამდენიმე ფურცელი;
- სანტიმეტრის ლენტი.
რა უნდა გაკეთდეს
1. უპირველეს ყოვლისა, ძველი ჩუსტებს ზედა ნაწილი მოაჭრით. დატოვეთ მხოლოდ ძირი.
2. მოათავსეთ ქაღალდის ნაჭერი ტერფზე ზემოდან. ეს აუცილებელია თარგის შესაქმნელად. შემოახვიეთ ფურცელი ტერფს და მარკერის მეშვეობით მონიშნეთ კიდეები.
3. იმავე გზით გააკეთეთ ქუსლის თარგი. აიღეთ ფურცელი და დადეთ ტერფის უკანა მხარეს. ის უნდა შეეხოს წინა თარგის ფურცელს.
4. ამოჭერით მონიშნული ფორმა. შემდეგ მოათავსეთ ნიმუში ჯინსის ნაჭერზე და დაამაგრეთ ქინძისთავებით. ამის შემდეგ, ამოჭერით მომავალი ჩუსტების ზედა ნაწილი. უნდა მიიღოთ ორი დეტალი თითოეული ფეხისთვის. ანალოგიურად დაამზადეთ ჩუსტების უკანა ნაწილი.
5. ფეხსაცმლის საფენების გასაკეთებლად, ძველი ჩუსტების ძირებს დააფინეთ ჯინსის ნაჭერი. შემოსაზღვრეთ მარკერით და ამოჭერით მაკრატლის გამოყენებით.
6. ახლა აიღეთ ჩუსტების ზედა ნაწილის დეტალები. მოათავსეთ ქსოვილის ორი ნაწილი ერთმანეთზე სწორი პირით და შემოკერეთ. ამის შემდეგ, მოაბრუნეთ და დარჩენილი მხარეები შეკერეთ. არ დაადოთ ნაკერი პირდაპირ კიდეზე, არამედ დაახლოებით 1 სმ-ის დაშორებით.
7. ახლა მოათავსეთ ორივე დეტალი ფეხზე და დაამაგრეთ ქინძისთავებით, რომ მიიღოთ მომავალი ფეხსაცმლის სავარაუდო ფორმა.
8. შემდეგ ორივე ნაწილი შეაერთეთ ორივე მხრიდან, უკვე არსებული ნაკერის ხაზის გასწვრივ.
9. ამის შემდეგ აიღეთ ძველი ჩუსტები და დაადეთ საზომი ლენტი რეზინის ძირის კიდეზე. მარკერით დასვით პატარა წერტილები ყოველ ერთ სანტიმეტრში.
10. ჩაიცვით მზა დეტალი ფეხზე და მოათავსეთ იგი რეზინის ძირზე. მიამაგრეთ ფეხსაცმლის ზედა ნაწილი ქვედა ნაწილს ქინძისთავების გამოყენებით.
11. შემდეგ გაიხადეთ ფეხიდან, რათა უფრო მოსახერხებელი იყოს. მონაცვლეობით მოხსენით ქინძისთავები და ჩაკეცეთ ქსოვილის კიდე ნაკერის გარედან შიგნით. შემდეგ კვლავ დაამაგრეთ ქინძისთავებით. მოათავსეთ შიგნით ფეხსაცმლის საფენები.
12. რჩება მხოლოდ ფეხსაცმლის ზედა ნაწილის ძირზე მიკერება. ამისათვის გააკეთეთ დეკორატიული ნაკერი უხეში ძაფით. დაიწყეთ კერვა ქუსლის შუა ნაწილიდან, გახვრიტეთ ძირი მარკერით მითითებულ წერტილებში.
13. გამოიყენეთ იგივე ნაკერი ხელნაკეთი ფეხსაცმლის ზედა ნაწილის გასაფორმებლად. მზადაა!
როგორც ხედავთ, ძველი ჩუსტები უპრობლემოდ გადაიქცა ახალ კომფორტულ ფეხსაცმლად. ვერავინ იფიქრებს, რომ საკუთარი ხელით შეკერეთ. გარდა ამისა, ფეხსაცმელი საკმარისად კარგად გამოიყურება. ასე რომ, თქვენ შეგიძლიათ ატაროთ ისინი არა მხოლოდ აგარაკზე, არამედ ქალაქშიც.
