ჩვენს ოჯახში არც ერთ დღესასწაულს არ ჩაუვლია გულუხვად გაშლილი სუფრის გარეშე. ყოველ ჯერზე გვსტუმრობენ მეგობრები და ნათესავები და მათთვის სხვადასხვა კერძებს ვამზადებთ. მე მიყვარს ახალი კერძების მომზადება, სტუმრების გაოცება გემოების სიუხვით. მაგრამ არის კერძები, რომლებსაც ყოველ ჯერზე ვამზადებ, რადგან ისინი არასოდეს რჩება სუფრაზე. ერთ-ერთი მათგანია პომიდორი ორაგულის შიგთავსით.
ეს მარტივი რეცეპტი, რამდენიმე წლის წინ, ჩემმა კოლეგამ გამიზიარა. მას შემდეგ არც ერთ დღესასწაულს არ ჩაუვლია ამ ორიგინალური და მარტივი კერძის გარეშე. სცადეთ და გაახარეთ თქვენი საყვარელი ადამიანები ამ გემრიელი კერძით.
პომიდორი ორაგულის შიგთავსით
ამ კერძს ორი ვერსიით ვამზადებ. ისინი განსხვავდებიან პროდუქტების ნაკრებით – ერთი მათგანი მსუბუქია, მეორე უფრო ნოყიერი. თუმცა ორივე კერძის გემო უბრალოდ შესანიშნავია.
ყვითელი პომიდორი შიგთავსით
ინგრედიენტები
- 5 საშუალო ზომის პომიდორი;
- 100 გ მსუბუქად დამარილებული ორაგული;
- 100 გრ კრემ-ყველი;
- ოხრახუში.
მომზადება:
1. ამ ვერსიისთვის, ჩვეულებრივ, ყვითელ პომიდორს ვიყენებ. მიუხედავად იმისა, რომ წითელი და ვარდისფერიც არ გააფუჭებს გემოს. პომიდორი გარეცხეთ და სიგრძეზე გაჭერით ნახევრებად.
2. ამოიღეთ რბილობი და თესლი ჩაის კოვზით. რეცეპტისთვის მხოლოდ პომიდვრის „ნავები“ დაგჭირდებათ, რომლებშიც უნდა მოათავსოთ შიგთავსი.
3. ახლა დაიწყეთ შიგთავსის მომზადება. ორაგული დაჭერით პატარა კუბებად, დაამატეთ კრემ-ყველი და კარგად აურიეთ. თევზში მარილის არსებობის გამო, შიგთავსს დამატებით მარილი არ დასჭირდება. თუ უმარილო მოგეჩვენებათ, მაშინ ჯობია ცოტა მარილი დაუმატოთ. ზოგჯერ შიგთავსს ჩემი განწყობის მიხედვით ვამატებ საყვარელ სანელებლებსა და მწვანილებს.
4. პომიდვრის ნახევრები შეავსეთ შიგთავსით და მორთეთ ოხრახუშით. პომიდვრის ხემსი მზად არის.
პომიდორი ყველით და ორაგულით
ინგრედიენტები
- 8 ცალი პატარა პომიდორი;
- 100 გ მსუბუქად დამარილებული ორაგული;
- 100 გ მყარი ყველი;
- 3 კვერცხი;
- 4 ს.კ. მაიონეზი.
- მომზადება:
1. პირველ რიგში, მოამზადეთ პომიდვრის ფორმები. ამისთვის, საუკეთესოდ გამოდგება მრგვალი, მკვრივი პომიდვრები. პომიდორს მოაჭერით ზედა ნაწილი. ჩაის კოვზით ამოიღეთ პომიდვრის რბილობი. რბილობის ნაწილი დაგჭირდებათ შიგთავსისთვის.
2. კვერცხები მოხარშოთ, გააციეთ და დაჭერით კუბებად.
3. მყარი ყველი დაჭერით კუბებად. შეეცადეთ ინგრედიენტები დაჭრათ თანაბარი ზომის ნაჭრებად, რათა შიგთავსი ერთგვაროვანი გამოვიდეს.
4. ასევე დაჭერით მსუბუქად დამარილებული თევზი.
5. დიდ თასში გადაიტანეთ თევზი, ყველი, კვერცხი და აურიეთ. შიგთავსს დაამატეთ რამდენიმე კოვზი პომიდვრის რბილობი. ეს შიგთავსის უფრო წვნიანს და არომატულს გახდის.
6. ბოლოს შიგთავსს დაუმატეთ მაიონეზი და კარგად აურიეთ.
7. შეავსეთ პომიდვრის ფორმები შიგთავსით. კერძის გაფორმება შეგიძლიათ სურვილისამებრ მწვანე ხახვით, ოხრახუშით ან კამით. გემრიელად მიირთვით!
