ალუჩის სეზონზე უამრავი დიასახლისი მოამზადებდა მისგან მურაბას, კომპოტს, ჯემს და “ტყემალს”. ყველა ეს რეცეპტი ჩვენთვის დიდი ხანია ნაცნობია და მათი გემო ნაცნობი და გასაგებია. მაგრამ რას იტყვით, თუ გეტყვით, რომ უბრალო ალუჩისგან ძლიერი სასმლის მომზადებაც შეიძლება, რომელიც არ განსხვავდება მაღაზიაში ნაყიდისგან? პაპარაცის დღევანდელ სტატიაში გეტყვით, როგორ უნდა გააკეთოთ შამპანური სახლის პირობებში.
ალუჩის შამპანური სახლის პირობებში
საახალწლო არდადეგებზე ბიძაჩემს ვესტუმრე ოჯახთან ერთად. ერთ საღამოს მან მაგიდაზე ჩვეულებრივი ბოთლი დადგა, რომლის შიგნით ოდნავ მუქი ფერის შამპანური იყო. მე და ჩემი ქმარი სასიამოვნოდ გავოცდით ოდნავ მჟავე გემოთი და ალუჩის უჩვეულო არომატით. რა თქმა უნდა, მინდოდა გამეგო, რა ბრენდის იყო ეს შესანიშნავი სასმელი და სად შეიძლებოდა მისი შეძენა. მაგრამ ბიძაჩემმა გამაოცა! ეს შამპანური, თურმე ბიძაჩემს სახლში გაეკეთებინა. და ეს თურმე იყო არა შამპანური, არამედ ალუჩის ნაყენი. სასწრაფოდ მოვითხოვეთ რეცეპტი.
ინგრედიენტები
- 1 კგ ალუჩა;
- 0,5ლ გამოხდილი წყალი;
- 0,5ლ არაყი;
- 2 ჭიქა შაქარი.
- მომზადება
1. პირველ რიგში, მწიფე ალუჩა კარგად გარეცხეთ და კურკები ამოიღოთ. შემდეგ გადაიტანეთ 3 ლიტრიან ქილაში.
2. ქილაში ჩაყარეთ შაქარი და დაასხით არაყი. იქვე დაამატეთ გამოხდილი წყალი.
3. ამის შემდეგ, ქილა უნდა დაიხუროს ჩვეულებრივი კაპრონის თავსახურით. აუცილებლად უნდა შეამოწმოთ, რომ კარგად იხურება. ქილიდან ჰაერი არ უნდა გამოდიოდეს. წინააღმდეგ შემთხვევაში, ნაყენს არ ექნება ბუშტები, როგორც შამპანურს. შემდეგ კარგად უნდა შეანჯღრიოთ ქილა, რათა ყველა ინგრედიენტი კარგად შეერიოს ერთმანეთს. ეს უნდა გაკეთდეს მანამ, სანამ შაქარი არ დადნება.
4. შამპანური თითქმის მზად არის. უბრალოდ უნდა მოათავსოთ ქილა მომავალი სასმლით ბნელ ადგილას სტაბილურ ოთახის ტემპერატურაზე. 3-4 თვეში თქვენ მიიღებთ შესანიშნავ შამპანურს. ნაყენის მომზადებისთვის საჭირო პერიოდის ამოწურვის შემდეგ, აუცილებლად გადაწურეთ სითხე ორ ფენად გადაკეცილი მარლის მეშვეობით. ახლა უკვე შესაძლებელია შამპანურის ჩამოსხმა და სადღესასწაულო სუფრაზე მოთავსება.
ნამდვილად არ ინანებთ, თუ ამ რეცეპტით სახლში შამპანურის დამზადებას შეეცდებით. ამ ნაყენის გემო ძალიან ძნელია განასხვაოთ მაღაზიაში შეძენილი ძვირადღირებული სასმელებისგან. რომ იცოდეთ, როგორ გაოცდებიან თქვენი სტუმრები, როდესაც გაიგებენ, რომ ეს შამპანური საკუთარი ხელით გააკეთეთ. თავად მომზადების პროცესი სულ რამდენიმე წუთს წაგართმევთ, ნაყენი კი მართლაც შესანიშნავი გამოვა!
