ყოველ სეზონზე ყველა დიასახლისი თავს იმტვრევს იმაზე ფიქრით, თუ როგორ შეინახოს პომიდორი ზამთრისთვის. რა თქმა უნდა, პირველი რაც გვახსენდება არის კონსერვაცია. პაპარაცის დღევანდელ სტატიაში შემოგთავაზებთ კიდევ რამდენიმე საინტერესო მეთოდს, არჩევანის გასაკეთებლად. აუცილებლად სცადეთ!
4 მეთოდი ზამთრისთვის პომიდვრის შესანახად
ეჭვგარეშეა, რომ პომიდვრის დაკონსერვება მისი შენახვის შესანიშნავი ვარიანტია. თუმცა შედეგად, ფაქტობრივად ვიღებთ მარინადს, რომელსაც აღარ აქვს ორიგინალური გემო და არომატი. მაგრამ, მეთოდები, რომლებსაც აქ წარმოგიდგენთ, ხელს შეუწყობს პროდუქტის ამ თვისებების შენარჩუნებას.
1. პირველ რიგში, ამ მეთოდისთვის, გარეცხილი პომიდორი უნდა დაჭრათ პატარა ნაჭრებად. შემდეგ უნდა გამოიყენოთ ბლენდერი, რათა პომიდორი მიიყვანოთ პიურეს კონსისტენციამდე.
მიღებული პომიდვრის მასა უნდა ჩაასხათ ფორმებში. იდეალური იქნება სილიკონის მაფინის ფორმები. გადააფარეთ საკვები ცელოფანი და შედგით საყინულეში სრულ გაყინვამდე. როცა ტომატის პიურე მთლიანად გამაგრდება, ამოიღეთ ფორმიდან. შეინახეთ ასე მომზადებული პომიდორი საყინულეში. მოხერხებულობისთვის მათი შეფუთვა შესაძლებელია ცალკეულ პორციებად.
2. Zip ცელოფნები კულინარიისთვის ნამდვილ საჩუქრებად ითვლება. მათ აქვთ სპეციალური შესაკრავი, რომელიც არ იძლევა ტენიანობის დაკარგვის საშუალებას. თუ ასეთი ჩანთიდან ჰაერს ამოტუმბავთ, პროდუქტი მასში დიდხანს შეინახება. ამიტომ, ის შეიძლება გამოყენებულ იქნას ზამთრისთვის პომიდვრის შესანახად. ამისათვის უბრალოდ დაჭერით პომიდორი ნაჭრებად და მჭიდროდ მოათავსეთ ჩანთაში. დახურეთ სამაგრი, ღიად დატოვეთ პატარა ხვრელი. მოათავსეთ მასში ჩვეულებრივი საწრუპი ჩხირი და ამოტუმბეთ მთელი ჰაერი. შეინახეთ პომიდორი მაცივარში ან საყინულეში.
3. ზამთრისთვის პომიდვრის შენახვის ეს მეთოდი ითვალისწინებს პომიდვრის დაბლენდერებას, პიურეს კონსისტენციის მასის მისაღებად. ტაფაზე 2-3 წუთის განმავლობაში მოშუშეთ დაჭრილი ნიორი და დაუმატეთ ტომატის პიურე. დააფარეთ თავსახური და დატოვეთ მოსახარშად საშუალო ცეცხლზე 10-15 წუთის განმავლობაში. როდესაც გაცივდება, მიღებული პასტა ჩაასხით ერთჯერადი ჭიქებში. გადააკარით საკვები ცელოფანი და დაამაგრეთ საკანცელარიო რეზინით. ამ გზით მომზადებული პომიდორი შეინახეთ საყინულეში.
4. მსხვილი პომიდვრები გარეცხეთ და თითოეულზე გააკეთეთ ჯვარედინი ჭრილები. ეს აუცილებელია კანის მოსაშორებლად. ამის გაკეთება შეგიძლიათ პომიდვრის რამდენიმე წუთის განმავლობაში მდუღარე წყალში მოთავსებით. კანის მოცილების შემდეგ პომიდორი დაჭერით ნაჭრებად და მოათავსეთ ზიპ-ცელოფანში. როგორც მეორე მეთოდის შემთხვევაში, ამოტუმბეთ ჰაერი ხანგრძლივი შენახვისთვის.
ახლა თქვენ იცით უფრო მეტი გზა ზამთრისთვის პომიდვრის შესანახად. ასეთი მომზადების შედეგად პომიდორს შენარჩუნებული ექნება ყველა გემოვნური თვისება. უფრო მეტიც, შენარჩუნდება ყველა სასარგებლო მიკროელემენტი და ვიტამინი. რასაც ვერ ვიტყვით პომიდვრის კონსერვაციაზე.
