სალონში ვიზიტი – უამრავი ქალბატონისთვის დროის გატარების საუკეთესო საშუალება.

რამდენად იცოდით, რომ არსებობს სილამაზის სალონის სინდრომი? ისეთი სასიამოვნო პროცედურის დროს, როგორიც თავის დაბანაა, შესაძლებელია მოვლენები საშინლად განვითარდეს…

რა საფრთხეს გვიქადის სილამაზის სალონები? 

კისრის არასწორი მდგომარეობა პროვოცირებს სისხლძარღვების შეკუმშვას, რამაც თავის მხრივ შესაძლოა ინსულტი გამოიწვიოს.

ამ დროს თრომბების ჩამოყალიბების რისკი საკმაოდ მაღალია. სისხლძარღვების დაზიანების შედეგად სისხლი უკან ბრუნდება და ადგილი აქვს გაუვალობას. იმ შემთხვევაში, თუ სისხლის კოლტები ტვინში მოხვდება, დიდი ალბათობით, შესაძლოა ინსულტი დაგვემართოს.

ელიზაბეტ სმიტმა, რომელიც ორი შვილის დედა გახლავთ, 2014 წლის იანვრის თვეში ინსულტი გადაიტანა. საავადმყოფოში სურათების გადაღების შემდეგ ექიმები მივიდნენ იმ დასკვნამდე, რომ ამ საშინელი მოვლენის მიზეზს სალონში არსებული თავის დასაბანი სავარძელი წარმოადგენდა.

ქალბატონის რეაბილიტაციის პროცესი რამდენიმე თვეს გრძელდებოდა. 2015 წლის დეკემბრის თვეში ელიზაბეტმა საკმაოდ პრესტიჟულ სალონს სასამართლოში უჩივლა.

ქალბატონის ადვოკატს თავდაპირველად ეჭვი ეპარებოდა იმაში, რომ ინსულტის მიზეზს ამ სალონის ვიზიტი წარმოადგენდა, თუმცა ექსპერტებმა ეს ფაქტი დაადასტურეს.

მიუხედავად იმისა, რომ ასეთი მოვლენები იშვიათობას წარმოადგენს, მაინც დიდი სიფრთხილე გვმართებს, რადგან მსგავსი საშინებელისგან არავინ არის დაზღვეული.

სილამაზის სალონის ვიზიტისას კარგად დააკვირდით სპეციალურ სავარძელს. ის აუცილებლად უნდა იყოს რეგულირებადი და მყარად უნდა იჭერდეს თქვენს კისერს. მოთხოვეთ სტილისტს კისრის ქვეშ რბილი პირსახოცის დაფენა.

ინსულტის პირველი ნიშნები

1. ხმაური ყურებში.

2. მეტყველების უნარის დაქვეითება.

3. კიდურების სისუსტე.

4. ძლიერი თავის ტკივილი და თავბრუსხვევა.

ამ სტატიის მიზანს წარმოადგენს თქვენი გაფრთხილება, თუ რამდენად დიდი სიფრთხილე გმართებთ საკუთარი ჯანმრთელობის შესანარჩუნებლად.

გისურვებთ ჯანმრთელობას!

რედაქციისგან:სილამაზის სალონის სინდრომი (Beauty Salon Stroke Syndrome) უკავშირდება კისრის გადაჭარბებულ გადახრას, რაც შესაძლოა სისხლძარღვების კომპრესიის ან დაზიანების მიზეზი გახდეს. როგორც Cheng et al. (2018) კვლევაში აღნიშნულია, ხერხემლის არტერიის მექანიკური გაჭიმვა ზოგიერთ შემთხვევაში შეიძლება გახდეს ინსულტის პროვოცირების ფაქტორი, განსაკუთრებით ხანდაზმულებსა და გულ-სისხლძარღვთა სისტემის პრობლემების მქონე პირებში.

აღსანიშნავია, რომ მსგავსი შემთხვევები იშვიათია, თუმცა პრევენცია გადამწყვეტ როლს ასრულებს. Schievink et al. (2020) გვირჩევს, რომ სალონში თავის დაბანისას კისერი კომფორტულად მოვათავსოთ და არ დავუშვათ ხანგრძლივი და მკვეთრი გადახრა. ასევე მნიშვნელოვანია თრომბოზის რისკების გათვალისწინება, განსაკუთრებით იმ პირებში, რომლებიც რისკჯგუფში შედიან. მომხმარებლებს და სალონების წარმომადგენლებს სასურველია მეტი ყურადღება მიაქციონ კისრის საყრდენის სტანდარტებსა და რეგულირებადობას, რათა შესაძლო გართულებები თავიდან იქნას აცილებული.