არავისთვის წარმოადგენს სიახლეს ის ფაქტი, რომ კოფეინი ანტიცელულიტური კოსმეტიკური საშუალებების ერთ-ერთი მთავარი და ყველაზე ეფექტური შემადგენელი კომპონენტია. ყავის მარცვლებისგან დამზადებული ეს ნივთიერება სტიმულირებს ნივთიერებათა ცვლის პროცესებს, გამოჰყავს ორგანიზმიდან ტოქსინები და ადნობს კანქვეშა ცხიმს.
სახლის პირობებში მომზადებული ეს საშუალება, რომლის მთავარ ინგრედიენტს ამ შემთხვევაშიც კოფეინი წარმოადგენს, გაცილებით ეფექტურია, ვიდრე სხვადასხვა კოსმეტიკურ მაღაზიებში შეძენილი ძვირადღირებული საშუალებები. პაპარაცის რედაქცია გთავაზობთ ანტიცელულიტური ნარევის მომზადების რეცეპტს, რომელიც თავისი ეფექტურობით გაგაოცებთ!
ინგრედიენტები:
- 200-250 მლ გლიცერინი;
- 5-7 ს.კ დაფქული ყავა;
- 5-7 ს.კ გამომშრალი დაფქული წყალმცენარეები (შეგიძლიათ შეიძინოთ ჯანსაღი კვების მაღაზიებში);
- 1 ს.კ დაფქული ჯანჯაფილი;
- 3-5 ს.კ ალოე ვერას გელი;
- 1/2 ჭიქა ზეითუნის ზეთი;
- 40 წვეთი ფორთოხლის ეთერზეთი;
- 40 წვეთი გრეიფრუტის ეთერზეთი;
მომზადება:
- სუფთა, მშრალ ჭურჭელში აურიეთ ერთმანეთში ყავა, წყალმცენარეები, ჯანჯაფილი და დარიჩინი. ჩაამატეთ გლიცერინი, მჭიდროდ დააფარეთ თავსახური და მიღებული ნარევი დააყოვნეთ 10-14 დღით. ამ დროის განმავლობაში პერიოდულად შეანჯღრიეთ ქილა, ხოლო 14 დღის გასვლის შემდეგ გაფილტრეთ თქვენ მიერ მომზადებული ნარევი.
- მიღებული სითხე – კონცენტრირებული ექსტრაქტი. შეინახეთ ის მაცივარში ჰერმეტულად. ამ კონცენტრატით შეგიძლიათ გაამდიდროთ ნებისმიერი სახის კოსმეტიკური საშუალება: სკრაბები, ლოსიონები, კრემები და ა.შ.
- აურიეთ ერთმანეთში ეთერზეთები და ზეითუნის ზეთი. მიღებულ ნარევში ჩაამატეთ ალოე ვერას გელი და 7-10 ს.კ მომზადებული ყავის ექსტრაქტი.
- მიღებული საშუალება შეგიძლიათ გამოიყენოთ მასაჟის ან ანტიცელულიტური გადახვევის დროს.
დარიჩინისა და ჯანჯაფილისთვის დამახასიათებელია გამათბობელი ეფექტი, რის შედეგადაც უმჯობესდება სისხლის ცირკულაცია ქსოვილებში. ამის წყალობით, აქტიური ინგრედიენტების ეფექტურობა ჯერადად იზრდება.
გაუზიარეთ მეგობრებს ეს უნიკალური ანტიცელულიტური საშუალება!
რედაქციისგან: კოფეინი და ეთერზეთები ფართოდ გამოიყენება კოსმეტიკურ პროდუქტებში მათი ლიპოლიტიკური და დერმატოტონიკური თვისებების გამო. 2013 წელს Skin Pharmacology and Physiology-ში გამოქვეყნებულმა კვლევამ (Herman & Herman, 2013) აჩვენა, რომ კოფეინი ხელს უწყობს ცხიმოვანი უჯრედების დაშლას (ლიპოლიზს) და აუმჯობესებს მიკროცირკულაციას, რაც ანტიცელულიტური ეფექტის მნიშვნელოვანი კომპონენტია. გარდა ამისა, ფორთოხლისა და გრეიფრუტის ეთერზეთები ცნობილია მათი დრეინაჟული და ანტიოქსიდანტური თვისებებით.
თუმცა, მნიშვნელოვანია, რომ ასეთი საშუალებების გამოყენებისას მომხმარებელმა გაითვალისწინოს კანის ინდივიდუალური მგრძნობელობა. გამათბობელი ინგრედიენტები, როგორიცაა ჯანჯაფილი და დარიჩინი, შესაძლოა გამოიწვიოს კანის გაღიზიანება, განსაკუთრებით მგრძნობიარე ან კაპილაროზისკენ მიდრეკილ კანსთვის. კვლევები მიუთითებენ, რომ საუკეთესო შედეგს იძლევა ანტიცელულიტური ნარევების რეგულარული გამოყენება ფიზიკურ აქტივობასა და ბალანსირებულ კვებასთან ერთად. დამოუკიდებელი მოქმედებით, მსგავსი საშუალებები მხოლოდ დროებით კოსმეტიკურ ეფექტს იძლევა.
