ჯორჯიას შტატის სახელმწიფო უნივერსიტეტის სპეციალისტების მიერ ჩატარებულმა კვლევებმა გვიჩვენა, რომ ჯანჯაფილის ექსტრაქტი აჩერებს სიმსივნური უჯრედების ზრდას და დროთა განმავლობაში მთლიანად ანადგურებს მათ. ამის პარალელურად, ორგანიზმის ჯანმრთელი უჯრედები უვნებელი და ხელშეუხებელი რჩება, რასაც ვერ ვიტყვით ქიმიოთერაპიაზე.
სხვა სიტყვებით, ჯანჯაფილი ეფექტური ანტისიმსივნური საშუალებაა, რომლისთვისაც გვერდითი მოვლენები არ არის დამახასიათებელი.
ცნობისთვის, აშშ_ს მოსახლეობის საკმაოდ დიდი ნაწილი უარს აცხადებს ქიმიოთერაპიაზე, რადგან დამტკიცებულია, რომ თვითონ ეს პროცედურა ზრდის უჯრედების მეტასტაზირების სიჩქარეს, რაც ნიშნავს, რომ ქიმიოთერაპიით ნადგურდება სიმსივნური უჯრედები ორგანიზმის ერთ ნაწილში, თუმცა წარმოიქმნება მეორეში.
”დიახ, ქიმიოთერაპია გვეხმარება იმ სიმსივნური წამონაზარდის განადგურებაში, რომელიც აღმოვაჩინეთ, თუმცა ამ პროცედურის შედეგად საგრძნობლად იზრდება სხვა ორგანოებში სიმსივნის განვითარების რისკი” – აცხადებს ექიმი რეგჰუ კალური.
ჯორჯიას შტატში ჩატარებული ექსპერიმენები გვიჩვენებს, რომ ჯანჯაფილის ექსტრაქტი 56%_ით ამცირებს პროსტატის კიბოს ზომას. ამის პარალელურად, ორგანიზმში საგრძნობლად მცირდება მიმდინარე ანთებითი პროცესების რიცხვი.
ამ თემასთან დაკავშირებით აშშ_ში ჩატარდა 17 სხვა კვლევა და თითოეულმა მათგანმა გვიჩვენა, რომ ჯანჯაფილი ეფექტური საშუალებაა სიმსივნისა და 101 სხვა დაავადების წინააღმდეგ საბრძოლველად.
ჟურნალ ”PloS”_ში გამოქვეყნებული კვლევის შედეგების თანახმად, ჯანჯაფილი შეიცავს ნატურალურ ნივთიერებას, რომელიც 10 000-ჯერ უფრო ეფექტურია, ვიდრე წამალი, რომელიც ქიმიოთერაპიის დროს გამოიყენება. ნაერთი, რომელიც ”6-shogaol”_ის სახელწოდებითაა ცნობილი, წარმოიქმნება ჯანჯაფილის ფესვის გამოშრობისას და მისი მომზადების დროს.
საინტერესოა ის ფაქტი, რომ ჯანჯაფილის სასარგებლო თვისებები მეფე აბდულის სახელობის ბიოლოგიური მეცნიერების უნივერსიტეტშიც შეისწავლეს (საუდის არაბეთი).
კვლევის მსვლელობის დროს მეცნიერები აკვირდებოდნენ ჯანჯაფილის გადაუმუშავებელი ფესვის ექსტრაქტის გავლენას სიმსივნურ უჯრედებზე, რის შედეგადაც გამოვლინდა ამ უნიკალური საშუალების ანტისიმსივნური თვისება, რომელიც შერჩევითი ციტოტოქსიკურობის სახელწოდებითაა ცნობილი: ის ხელს უშლის სიმსივნური უჯრედების განვითარებას, რის პარალელურადაც, ორგანიზმის ჯანმრთელი უჯრედები ხელშეუხებელი რჩება.
დაგვიტოვეთ თქვენი მოსაზრება კომენტარებში და არ დაგავიწყდეთ სტატიის მეგობრებისთვის გაზიარება!
რედაქციისგან:ჯანჯაფილის ანტისიმსივნური მოქმედება კვლევებით დადასტურებულია, თუმცა მისი როლი კიბოს მკურნალობაში ჯერ კიდევ დამატებით მეცნიერულ შესწავლას საჭიროებს. Shukla et al. (2015) კვლევაში აღწერილია, რომ ჯანჯაფილის აქტიური ნაერთი, 6-shogaol, მართლაც ამცირებს სიმსივნური უჯრედების ზრდას, თუმცა ეს შედეგები ძირითადად ლაბორატორიულ და ცხოველურ მოდელებზეა დაფუძნებული და კლინიკური ცდები ადამიანებში ჯერ კიდევ არასაკმარისია.
მიუხედავად იმისა, რომ ჯანჯაფილი ძლიერი ანთების საწინააღმდეგო და ანტიოქსიდანტური თვისებებით გამოირჩევა, რაც ხელს უწყობს ორგანიზმის ჯანმრთელობის შენარჩუნებას (Zhou et al., 2021), მისი 10000-ჯერ ეფექტურობა ქიმიოთერაპიის პრეპარატებთან შედარებით დაუზუსტებელი ინფორმაციაა, რადგან რეალურ კლინიკურ კვლევებში ქიმიოთერაპია კვლავ ეფექტური მეთოდია სხვადასხვა ტიპის სიმსივნის სამკურნალოდ. მნიშვნელოვანია, რომ მსგავსი კვლევების ინტერპრეტაცია ზუსტ და მეცნიერულად დასაბუთებულ კონტექსტში მოხდეს, რათა არ შეიქმნას მცდარი წარმოდგენა, თითქოს ჯანჯაფილი ქიმიოთერაპიის ალტერნატივაა.
ჯანჯაფილი, როგორც დანამატი, შეიძლება სასარგებლო იყოს ორგანიზმის ზოგადი ჯანმრთელობისთვის, მაგრამ მისი გამოყენება კიბოს მკურნალობის სტრატეგიაში ექიმთან კონსულტაციის გარეშე არ არის რეკომენდებული.
