ჯანსაღი კვება ენერგიის, სულიერი სიმშვიდისა და კარგი ფიზიკური ფორმის მთავარი საფუძველია. სწორად შერჩეული საკვები ხელს უწყობს მეტაბოლიზმის გაუმჯობესებას, საჭმლის მონელების რეგულაციას და საერთო ჯანმრთელობის შენარჩუნებას. ამ მენიუში წარმოდგენილია დაბალანსებული კვების გეგმა, რომელიც უზრუნველყოფს ორგანიზმს საჭირო ნუტრიენტებით, ეხმარება წონის კონტროლში და ხელს უწყობს ყოველდღიური ენერგიის შენარჩუნებას.
7.00 -7.30 საუზმე არჩევანის მიხედვით
- მოხარშული შვრიის ფანტელები გახეხილი ვაშლით, თაფლით და დარიჩინით.
- მსუბუქი ომლეტი მწვანილით
- ხაჭო სმეტანით
- გრეჩიხის ფაფა 1 პომიდორით.
9.00- 9.30 მეორე საუზმე არჩევანის მიხედვით
- ერთი ნებისმიერი ხილი
- იოგურტი დანამატების გარეშე
- 2 კვერცხი
- ახალი ბოსტნეულის წვენი
11.00-12.00 წახემსება არჩევანის მიხედვით
- გამომცხვარი ვაშლი ხაჭოთი
- ერთი ფინჯანი კეფირი
- ხილის სალათა
- კენკრა
13.30-14.30 სადილი არჩევანის მიხედვით
- ბოსტნეულის სუპი
- ქათმის კრემ-სუპი
- ვეგეტარიანული ბორში
მეორე არჩევანით
- ინდაურის ფილე ბოსტნეულით
- თეთრი თევზი ბოსტნეულით
16.00-16.30 სამხარი არჩევანით
- ვაშლი
- კიტრის სალათა სმეტანითა და კამათი
- ხილის სალათა
- ერთი მუჭა თხილეული
18.00-18.45 ვახშამი არჩევანით
- კლამარის რგოლები მწვანე ბოსტნეულით
- ბოსტნეულის სალათა, გრილზე გამადებული ინდაურის ხორცი
- ბოსტნეულის მწვადი
- მოცარელას სალათა პომიდორით
20.00-22.00
- კეფირი
- კვერცხი
- ვაშლი
რედაქციისგან:კვების ეს გეგმა ხელს უწყობს ნელა მონელებადი ნახშირწყლების მიღებას (მაგალითად, შვრია და გრეჩიხა), რაც ენერგიის თანაბარ მიწოდებას უზრუნველყოფს. პროტეინების და ბოსტნეულის კომბინაცია (ქათამი, ინდაური, თევზი, ბოსტნეულის სალათები) მეტაბოლიზმის სტაბილურობას უწყობს ხელს (Johnston et al., 2018). დღეში რამდენიმე მცირე ულუფად საკვების მიღება ასევე დადებითად აისახება საჭმლის მონელებაზე და ინსულინის ბალანსზე (Jensen et al., 2013).
თუმცა, თუ ფიზიკური აქტივობა ინტენსიურია, შეიძლება საჭირო გახდეს ნახშირწყლების რაოდენობის გაზრდა დღის მეორე ნახევარში. გარდა ამისა, ვახშმის შემდეგ გვიანი კვება (კვერცხი, ვაშლი, კეფირი) უმჯობესია მოხდეს ძილის წინ მინიმუმ 1.5-2 საათით ადრე, რათა საჭმლის მონელების პროცესმა ძილის ხარისხზე უარყოფითად არ იმოქმედოს.
