ამ სალათის მთავარ კომპონენტებს ბოსტნეული წარმოადგენს, რომლებიც ამდიდრებს ჩვენს ორგანიზმს ვიტამინებით, მინერალებითა და ბოჭკოებით.
სწორედ მისი დახმარებით თქვენ შეძლებთ მსხვილი ნაწლავის მთლიანად გაწმენდას, რაც თავის მხრივ წონის კლებას განაპირობებს.
თქვენ დაგჭირდებათ:
- კომბოსტო;
- სტაფილო;
- ჭარხალი;
- ზეითუნის ზეთი;
- ლიმონის წვენი;
მომზადების წესი:
გახეხეთ კომბოსტო, ჭარხალი და სტაფილო თანაფარდობით 3:1:1. შეგიძლიათ საკუთარი გემოვნებით დაამატოთ კამა, ოხრახუში ან ნიახური. ჩაამატეთ ბოსტნეულში ლიმონის წვენი და ერთი კბილი ნიორი.
მიღებულ სალათს მოასხით მცირე რაოდენობით ზეითუნის ზეთი. არავითარ შემთხვევაში დაამატოთ მარილი. მის ნაცვლად შეგიძლიათ გამოიყენოთ სოიოს სოუსი, რომელიც შეიცავს საკმარისი რაოდენობით მარილს და მიანიჭებს უკეთეს გემოს თქვენ მიერ მომზადებულ სალათს. გარდა ამისა, სოიოს სოუსი გამდიდრებულია საკვები ნივთიერებებით და რაც მთავარია, ის უსაფრთხოა ჩვენი ჯანმრთელობისთვის.
რედაქციისგან:ბოსტნეულის შემცველი დიეტები ხელს უწყობს ნაწლავების გამართულ მუშაობას და საჭმლის მონელების პროცესს. მოცემული სალათი მდიდარია ბოჭკოებით, რაც მსხვილი ნაწლავის ფუნქციონირებას აუმჯობესებს და ხელს უწყობს ბუნებრივ დეტოქსიკაციას (Slavin, 2013).
ჭარხალი შეიცავს ბეტაინს, რომელიც ღვიძლის დეტოქსიკაციას ეხმარება, ხოლო კომბოსტო და სტაფილო მნიშვნელოვან ანტიოქსიდანტებსა და ანთების საწინააღმდეგო ნაერთებს შეიცავს (Wallace et al., 2018). ზეითუნის ზეთი კი მონოუჯერი ცხიმოვანი მჟავების გამო აუმჯობესებს საჭმლის მონელებას და ანთებით პროცესებს ამცირებს.
სოიოს სოუსი უნდა შეირჩეს სუფრის მარილის ალტერნატივად ზომიერი გამოყენებისთვის, თუმცა მნიშვნელოვანია მისი შემცველობა ნატრიუმით, რაც ზოგიერთისთვის არასასურველი შეიძლება იყოს. სალათის რეგულარული მოხმარება ხელს უწყობს ორგანიზმის ბუნებრივ გაწმენდას და საერთო ჯამში, აძლიერებს საჭმლის მომნელებელ სისტემას.
