სახეზე ფორების პრობლემა, როგორც წესი, ცხიმიანი კანის მქონე ადამიანებს აწუხებთ. სავარაუდოდ, ამ პრობლემის მქონე ადამიანების უმრავლესობა ძალიან ბევრ ხერხს მიმართავს ფორების შესამცირებლად ან საერთოდ მათ გასაქრობად. დღესდღეობით არსებობს უამრავი პრეპარატი, რომელიც თითქოს ჭიმავს კანს და ამცირებს ფორების ზომას, თუმცა რამდენად ეფექტურია ისინი? პაპარაცის რედაქციას თქვენთვის სასიამოვნო სიახლე აქვს: დღეს ჩვენ გასწავლით სახლის პირობებში ნატურალური საშუალების მომზადებას, რომელიც ფორებთან დაკავშირებულ პრობლემებს სამუდამოდ დაგავიწყებთ.
ჩვენს რედაქციაში გადავწყვიტეთ თქვენთვის რამდენიმე რეცეპტის შეგროვება, რომელიც მოცემული პრობლემის გადასაჭრელად გამოიყენება.
წყალი და სოდა
შეურიეთ ორი სუფრის კოვზი სოდა და ორი სუფრის კოვზი წყალი ერთგვაროვანი მასის მიღებამდე. წაისვით ის სახეზე და გაიჩერეთ 15 წუთის განმავლობაში. როდესაც იგრძნობთ, რომ ნიღაბი იჭიმება, ჩამოიბანეთ ის ცივი წყლით.
პომიდორი და ლაიმის წვენი (გამოცდილია)
მოამზადეთ ნაზავი მცირეოდენი პომიდვრის წვენისგან და ლაიმის 2-4 წვეთისგან. ჩაალბეთ ბამბა ამ სითხეში და წაისვით სახეზე. გაიჩერეთ 15 წუთით, შემდეგ კი ჩამიბანეთ ცივი წყლით.
კვერცხის ცილა და ლიმონის წვენი.
ეს სახის კიდევ ერთი ბუნებრივი ნიღაბია, რომლის დამზადებაც ლიმონის რამოდენიმე წვეთის და 2 კვერცხის ცილის შერევით შეგიძლიათ. წაისვით ეს ნიღაბი სახეზე და გაიჩერეთ რამდენიმე წუთით, სანამ არ გაშრება. შემდეგ კი ცამოიბანეთ ცივი წყლით. ეს ნიღაბი დაგეხმარებათ ფორების შევიწროებაში და ასევე სახიდან მკვდარი უჯრედების მოშორებაში.
ლიმონი და ანანასის წვენი.
ნახევარი ლიმონის წვენი შეურიეთ ერთ ფინჯან ანანასის წვენთან. აიღეთ სუფთა ნაჭერი, ჩაალბეთ ის მიღებულ ნაზავში და დაიფინეთ სახეზე. 5 წუთი საკმარისი იქნება. ამ დროის გასვლის შემდეგ ჩამოიბანეთ სახე ცივი წყლით.
კიტრი, ლიმონი და ვარდის წყალი.
გაასუფთავეთ 1 კიტრი და კარგად გაწურეთ ის. დაუმატეთ რამდენიმე წვეთი ლიმონის წვენი და 1 ჩაის კოვზი ვარდის წყალი. აიღეთ სუფთა ნაჭერი, ჩაალბეთ სითხეში და დაიდეთ სახეზე. რამდენიმე წუთის შემდეგ ჩამიბანეთ სახე ცივი წყლით.
ნუში და ლაიმის წვენი.
ჩაასხით წყალი მცირე ჭურჭელში, ჩაყარეთ მასში რამდენიმე ნუში და დატოვეთ მთელი ღამით, რათა მან წყალი შეიწოვოს. დილით გაარჩიეთ ისინი და დაამზადეთ ნუშის პასტა. დაუმატეთ 1 ჩაის კოვზი ლაიმის წვენი და წაისვით სახეზე. ნახევარი საათის შემდეგ დაიბანეთ სახე ცივი წყლით.
იზრუნეთ საკუთარ თავზე და არ დაივიწყოთ სტატიის მეგობრებისთვის გაზიარება!
რედაქციისგან:ფორების პრობლემის ბუნებრივი მეთოდებით მართვა შესაძლებელია, თუმცა მნიშვნელოვანია სათანადო მიდგომა და სიფრთხილე, განსაკუთრებით მგრძნობიარე კანის შემთხვევაში. სოდის გამოყენება შეიძლება დროებით შეამცირებდეს ცხიმიანობას, მაგრამ მისი ხშირი გამოყენება კანის ბუნებრივ pH-ს არღვევს და შესაძლოა გაღიზიანებას ან სიმშრალესაც კი იწვევდეს (Nguyen et al., 2020).
ციტრუსოვანი წვენები, მათ შორის ლაიმი და ლიმონი, მაღალი მჟავიანობის გამო ასტრინგენტურ (შემკვრელ) ეფექტს იძლევიან და ფორების შევიწროებაში გვეხმარებიან, თუმცა მათი პირდაპირი გამოყენება დაუცველ კანზე შესაძლოა მგრძნობელობას ან ფოტოსენსიტიურობას (გარუჯვისადმი მომატებულ მგრძნობელობას) გამოიწვიოს (Lautenschlager et al., 2017). კვერცხის ცილა, ანანასის ფერმენტები და კიტრი კანს ამშვიდებს და აჯანსაღებს, ხოლო ნუში დამატენიანებელ და მკვებავ თვისებებსაც ავლენს.
სახის მოვლისას სასურველია ბალანსირებული მიდგომის არჩევა, სადაც ნატურალურ ინგრედიენტებს ზომიერად და სიფრთხილით გამოვიყენებთ. ყოველი ახალი ნიღბის დატანამდე რეკომენდებულია მცირე ტესტირება კანზე, რათა შესაძლო ალერგიული რეაქციები თავიდან ავიცილოთ.
