მკერდი ქალის სხეულის ერთ-ერთი ყველაზე მგრძნობიარე და მნიშვნელოვანი ნაწილია, რომელიც ხშირად ცვლის თავის ფორმას, ზომას და მდგომარეობას სხვადასხვა ფაქტორების გამო. ცვლილებები შეიძლება იყოს ბუნებრივი ან იყოს სერიოზული დარღვევების ნიშანი. ამ სტატიაში განვიხილავთ 8 ყველაზე გავრცელებულ ცვლილებას, რომლებსაც ქალები ხშირად ამჩნევენ და განვმარტავთ, როდის არის ეს ცვლილება ნორმის ფარგლებში და როდის მოითხოვს ყურადღებას.
თითოეულმა ქალბატონმა იცის, რომ მკერდი სხელის მნიშვნელოვანი ნაწილია, რომელსაც ჩვენი ზრუნვა ესაჭიროება. იმ შემთხვევაში, თუ საკუთარ მკერდს მცირე ცვლილებებს მაინც შეამჩნევთ, არავითარ შემთხვევაში დატოვოთ ისინი უყურადღებოდ. დღეს ჩვენ მოგიყვებით მკერდის ყველაზე გავრცელებული ცვლილებებისა და მათი მნიშვნელობების შესახებ.
1. მკერდის ზრდა
ფაქტორები, რომლებიც მკერდის ზრდას განაპირობებს:
- წონის მომატება;
- ორსულობა;
- ჰორმონალური პრეპარატების მიღება, რომლებიც ესტროგენს ან პროგესტერონს შეიცავს.
მკერდის ზრდაში საშიში არაფერია!
2. მკერდის ზომის შემცირება
თუ თქვენი მკერდის ზომა მნიშვნელოვნად შემცირდა, ეს ნიშნავს, რომ ან წონაში დაიკელით ან თქვენს ორგანიზმში ესტროგენის დონე შემცირდა. იმ შემთხვევაში, თუ ამ მოვლენას თან ახლავს აკნე და თმის ცვენა, ეს დიდი ალბათობით პოლიკისტოზური საკვერცხეების სინდრომზე მეტყველებს, რაც ორგანიზმში მამაკაცის ჰორმონის ზრდით ხასიათდება.
3. ჩამოწელვა
ექიმების თქმით, მკერდის ფორმის დარღვევა და მისი ჩამოწელვა უკავშირდება მშობიარობას და დაბერების პროცესს. იმისთვის, რომ ეს პრობლემა თავიდან ავირიდოთ, საჭიროა ბიუსტჰალტერის სწორად შერჩევა და საკუთარი წონის გაკონტროლება.
4. მუწუკების გაჩენა
მკერდის ინტერსტიციული ცვლილებები სავსებით ნორმალური მოცლენაა, რომელიც მენტრუაციულ ციკლს უკავშირდება. იმ შემთხვევაში, თუ მუწუკები სიმეტრიულია და ჩნდება იღლიების გარშემო ან მკერდის ”ფასადზე” – სანერვიულო არაფერია, თუნდაც იმ შემთხვევაში, თუ ამ მოვლენას საშინელი ტკივილები ახლავს თან.
5. ტკივილი მკერდის არეში
არსებობს ამ პრობლემის გამომწვევი უამრავი ფაქტორი. იმ შემთხვევაში, თუ თქვენ დიდი რაოდენობით კოფეინს მიირთმევთ, სავსებით შესაძლებელია განიცდიდეთ ორივე მკერდის ტკივილს. სხვა, შედარებით იშვიათი ფაქტორები:
- რკინის დეფიციტი;
- მკერდის სიმსივნე;
- ფარისებრი ჯირკვლის დაავადებები;
6. ჩაბრუნებული ძუძუს თავები
იმ შემთხვევაში, თუ თქვენ ყოველთვის ჩაბრუნებული ძუძუს თავები გქონდათ, ამაში საშიში და უცნაური არაფერია. ეს მოვლენა უნდა აღიქვათ სერიოზულად იმ შემთხვევაში, თუ ის თქვენთვის არატიპიური და ახალია. ძუძუს თავების ჩაბრუნება შეიძლება მეტყველებდეს სიმსივნურ წამონაზარდზე, რის გამოც აუცილებელია ექიმთან მისვლა და გამოკვლევების ჩატარება. ეს პრობლემა ასევე შეიძლება შეექმნათ იმ გოგონებს, რომლებიც ბიუსტჰალტერს ზედმეტად ხშირად ატარებენ.
7. რძის გამოყოფა
ამ მოვლენის განმაპირობებელი ფაქტორი სავსებით შესაძლებელია სიმსივნე იყოს. იმ შემთხვევაში თუ თქვენ საკუთარ მკერდს ამ ცვლილებას ამჩნევთ, დიდი ალბათობით თქვენს ორგანიზმში პროლაქტინის დონემ საგრძნობლად იმატა. როგორც წესი, ეს მოვლენა განპირობებულია სხვადასხვა წამლების, მათ შორის ფარისებრი ჯირკვლის სამკურნალო პრეპარატებისა და ანტიდეპრესანტების გამოყენებით. ცნობისთვის, რძის გამოყოფა შეიძლება გაგრძელდეს ბავშვის მკერდით გამოკვების დამთავრებიდან მომდევნო 2 წლის განმავლობაში.
8. ფერის ცვლილება
მკერდის ფერის ცვლილება და ლიმფური კვანძების გადიდება ყველაზე ხშირად ორსულობას უკავშირდება.
ხშირად დასმული კითხვები (Q&A)
- როდის არის ნორმალური მკერდის ტკივილი და როდის უნდა მივმართოთ ექიმს?
თუ მკერდის ტკივილი ციკლურია და დაკავშირებულია მენსტრუალურ ციკლთან, ეს შეიძლება ნორმად ჩაითვალოს. თუმცა, თუ ტკივილი უცაბედად გაჩნდა, არ არის ციკლთან დაკავშირებული, ან მხოლოდ ერთ მხარეს ჩნდება – რეკომენდებულია ექიმთან ვიზიტი. - რას ნიშნავს ძუძუს თავების ჩაბრუნება და როდის ხდება ეს საგანგაშო?
ჩაბრუნებული ძუძუს თავები ზოგჯერ თანდაყოლილი ფენომენია. თუმცა, თუ ადრე ნორმალური ფორმა ჰქონდათ და ახლა ჩაბრუნდნენ, აუცილებელია ექიმის კონსულტაცია, რადგან ეს სიმსივნური პროცესის ნიშანი შეიძლება იყოს. - რძის გამოყოფა არაორსულ ქალში – სერიოზულია?
კი, ეს სიგნალია იმისა, რომ ორგანიზმში პროლაქტინის დონე მომატებულია, რაც შესაძლოა გამოწვეული იყოს ჰორმონული დისბალანსით ან თუნდაც სიმსივნით. აუცილებელია ენდოკრინოლოგის ჩართვა და შესაბამისი ანალიზები.
რჩევა რედაქციისგან:ქალების უმეტესობა მკერდში ცვლილებებს ცხოვრების სხვადასხვა ეტაპზე განიცდის – ეს შეიძლება იყოს სრულიად ნორმალური ან სერიოზული პრობლემის ნიშანი. კვლევების მიხედვით, როგორც Mayo Clinic, ისე Harvard Medical School-ის მონაცემებით, მკერდში ნებისმიერი უცნაური სიმპტომის უგულებელყოფამ შესაძლოა სიმსივნის დაგვიანებული დიაგნოსტიკა გამოიწვიოს (Mayo Clinic, 2022; Harvard Health, 2023).
გარდა ამისა, National Breast Cancer Foundation-ის ანგარიშში ხაზგასმულია, რომ თვითშემოწმების და პრევენციული გამოკვლევების სიხშირის გაზრდა მკერდის კიბოს ადრეულ ეტაპზე გამოვლენას მნიშვნელოვნად აუმჯობესებს (NBCF, 2021). ამიტომ, ნებისმიერი ცვლილება – იქნება ეს მტკივნეულობა, ფორმის ცვლილება თუ გამონადენი – საჭიროებს ყურადღებას და, საჭიროების შემთხვევაში, სპეციალისტთან დროულ კონსულტაციას.
