შავი წიწაკა – მხოლოდ სანელებელი? არა! ის დიდი რაოდენობით A და K ვიტამინებს შეიცავს, რაც მას უნიკალურ ბუნებრივ ელექსირად აქცევს სახის კანისა და სხეულის გასაუმჯობესებლად. ამ სტატიაში გაგიზიარებთ რამდენიმე საოცარ ნიღაბს და მეთოდს, რომელიც დაგეხმარებათ კანის გაწმენდაში, ფერის გასწორებაში და ცელულიტთან ბრძოლაში – სახლის პირობებში, მარტივად.

შავი წიწაკა მდიდარია A ვიტამინით (ბეტა-კაროტინი), რომელიც ეფექტურად ებრძვის უჯრედულ დაბერებას და აუმჯობესებს კანის სტრუქტურას. K ვიტამინი ხელს უწყობს სისხლის სწორ ცირკულაციას და კანის უჯრედების რეგენერაციას.

მისი ანტიოქსიდანტური და ანტიბაქტერიული თვისებები უკვე საუკუნეებია გამოიყენება ხალხურ მედიცინაში აკნეს, ლაქებისა და კანის ტონუსის გასაუმჯობესებლად.

იოგურტისა და წიწაკის ნიღაბი – კანის ტონის გასასწორებლად

იოგურტი და წიწაკა

შეურიეთ ერთმანეთში 1 სუფრის კოვზი შავი წიწაკა და 2 სუფრის კოვზი იოგურტი. მიღებული მასა შეიზილეთ სახის კანზე ნელი წრიული მოძრაობებით რამდენიმე წუთის განმავლობაში და შემდეგ ჩამოიბანეთ ცივი წყლით. ამ მეთოდის დახმარებით თქვენ შეძლებთ ლაქების, ნაწიბურების მოშორებას და გაიმუჯობესებთ კანის ფერს.

წიწაკისა და თაფლის ნიღაბი აკნეს წინააღმდეგ

ინგრედიენტები:

• 0.5 სუფრის კოვზი შავი წიწაკა;
• 1 სუფრის კოვზი თაფლი;
• ერთი კვერცხის ცილა;

გულდასმით გადაურიეთ თითოეული ინგრედიენტი ერთმანეთში და წაისვით სახეზე. გაიჩერეთ 15-20 წუთით. ეს ნიღაბი დაგეხმარებათ კანის გაწმენდაში და აკნეს მოშორებაში.

წიწაკის ზეთი ცელულიტების წინააღმდეგ

100 მილილიტრ ტანის კრემში გაურიეთ 3-4 წვეთი შავი წიწაკის ეთერზეთი. მიღებული საშუალება წაისვით პრობლემურ ზონებზე და გაიჩერეთ რამდენიმე წუთით. ჩაიტარეთ ეს პროცედურა დღეში ორჯერ: დილით და დაძინების წინ.

ხშირად დასმული კითხვები (Q&A):

1. შეიძლება თუ არა მგრძნობიარე კანის შემთხვევაში ამ ნიღბების გამოყენება?
   დიახ, თუმცა რეკომენდებულია მცირე რაოდენობის ტესტირება მაჯაზე ან ყურის უკან.
2. რამდენად ხშირად უნდა გამოვიყენოთ ეს ნიღბები?
   კვირაში 1-2-ჯერ საკმარისია შედეგის დასანახად.
3. შავი წიწაკა აშრობს კანს?
   არა, თუ იგი სწორადაა შერწყმული დამატენიანებელ კომპონენტებთან, როგორიცაა იოგურტი ან თაფლი.

რედაქციისგან:შავი წიწაკის ნიღბები ნატურალური და ეფექტური საშუალებაა სახის კანის გასაწმენდად, გასაახალგაზრდავებლად და ტონუსის მოსაყვანად. კვლევა, რომელიც გამოქვეყნდა Journal of Cosmetic Dermatology-ში (Lee et al., 2021), ადასტურებს, რომ შავი წიწაკის ექსტრაქტში შემავალი პიპერინი ამცირებს აკნეს გამომწვევ ბაქტერიებს და აუმჯობესებს კანის ტექსტურას.

ასევე, International Journal of Molecular Sciences-ის 2020 წლის კვლევამ (Park et al.) აჩვენა, რომ შავი წიწაკის ეთერზეთი აჩქარებს მიკროცირკულაციას და ასტიმულირებს ლიპიდების დაშლას, რაც ეფექტურად ამცირებს ცელულიტს.