მაღალი წნევის შემცირება შეუძლია კამის თესლის ფხვნილს:
ხმელი თესლი დააფქვიეთ ყავის საფქვავში, ფხვნილის მდგომარეობამდე. მიიღეთ 0.5 ჩ.კ. დღეში სამჯერ, ჭამის დროს. შეგიძლიათ, წყალი დააყოლოთ. კურსი ორკვირიანია. 7-10-დღიანი შესვენების შემდეგ გაიმეორეთ.
შეგიძლიათ, მოამზადოთ ნაყენიც: 1 ჩ.კ. ფხვნილს დაასხით 1 ჭიქა მდუღარე წყალი, დააყენეთ 2 საათით და გადაწურეთ. დაყავით სამ ულუფად, მიირთვით დღის განმავლობაში, ჭამამდე. მკურნალობის კურსი ორკვირიანია.
კამის თესლი, ასევე, აუმჯობესებს საჭმლის მონელებასა და სისხლძარღვების მდგომარეობას.
მაღალი წნევის დროს გვეხმარება მზესუმზირა (ნაჭუჭიანი). 0.5-ლიტრიან ქილა გარეცხილ ნედლეულს დაასხით 2 ლ წყალი, აადუღეთ, ხარშეთ ნელ ცეცხლზე 2 საათით. როცა გაგრილდება, გადაწურეთ.
ნახარში შეინახეთ მაცივარში. დალიეთ 100 მლ დღეში სამჯერ, ორი კვირის განმავლობაში. 7 დღის შემდეგ, კურსის გამეორება შეგიძლიათ. ეს საშუალება რბილად ამცირებს არტერიულ წნევას.
