კუჭის სწორი ფუნქციონირებისთვის რკოს ყავა დალიეთ.

„ბებია მიყვებოდა, რომ ადრე საკვებში რკოს იყენებდნენ. ის ნამდვილად სასარგებლოა? პატივისცემით, ი.მ.“.

წერილს ბიოლოგიის მეცნიერებათა კანდიდატი ლიუბოვ დუდჩენკო პასუხობს:

დიახ, რკო სასარგებლო ნივთიერებებს, მათ შორის ზეთს, სახამებელს და ტანინებს შეიცავს. შემწვარი რკო ყავის სახით გამოიყენება დიეტურ კვებაში, კუჭის კატარის, ფაღარათის, წყლულოვანი დაავადების, ასევე მტანჯველი მენსტრუაციის დროს.

რკოს ნაყენი:  1 ჩ/კ შემწვარი რკოს ფხვნილს 1 ჭიქა მდუღარე წყალი დაასხით, 20-30 წუთით დააყენეთ. „ყავა“ დღის განმავლობაში სამ მიღებაზე დალიეთ.

ასეთ ყავას ანთების საწინააღმდეგო და შემკვრელი მოქმედება გააჩნია. გარდა, სასქესო ორგანოების ანთებითი დაავადების დროს დღეში ერთხელ შეგიძლიათ ამ ნაყენით გამორეცხვა ჩაიტაროთ.

შარდსასქესო სისტემის დაავადების დროს 1/3 ჩ/კ ფხვნილი დღეში 2-ჯერ მიიღეთ და წყალი დააყოლეთ.

ხალხურ მედიცინაში მუცლის თიაქრის სამკურნალოდ უძველესი დროიდან ფოთლების და ქერქის წითელი ღვინოზე ნაყენი გამოიყენება. მინის ქილა მუხის ფოთლებით და ქერქით გაავსეთ (თანაბარი პროპორციით აიღეთ), წითელი ღვინო დაასხით ისე, რომ ქილის შევსებას 2 თითი აკლდეს. 2 კვირა დააყენეთ. ამ ნაყენით ღამით საფენები გაიკეთეთ.