გოგრის თაფლიანი წვენი ამშვიდებს ნერვულ სისტემას და ეხმარება ორსულს ტოქსიკოზისას.

სადღაც წავიკითხე გოგრის თაფლიანი წვენის სარგებლობის შესახებ. ჯანმრთელობის რომელ პრობლემებს ებრძვის ეს სასმელი? პატივისცემით, ნ.გ.

წერილს პასუხობს ბიოლოგიურ მეცნიერებათა კანდიდატი, ლუბოვ დუდჩენკო:

გოგრის წვენი თაფლით – ძალიან კარგი დამამშვიდებელი საშუალებაა, რომელიც გვეხმარება უძილობის დროს, ფეხმძიმეებში კი ამსუბუქებს ტოქსიკოზის ნიშნებს.

0.5 ჭიქა წვენზე იღებენ 5-7 გ თაფლს (1 ს.კ.) და მიირთმევენ ღამით. ამ მიზნით, ძილის წინ შეგიძლიათ 100 მლ გოგრის თაფლიანი ნახარშის მირთმევა.

ნახარში: 150-200 გ წვრილად დაჭრილ რბილობს დაასხით 0.5 ლ წყალი და ადუღეთ 10 წუთით, დააყენეთ 30 წუთით და გადაწურეთ.

წვენი სასარგებლოა მამაკაცებისთვისაც, პროსტატის ჯირკვლის ჰიპერტროფიის დროს. ამ შემთხვევაში, პაციენტმა 1 ჭიქა გოგრის წვენი დღეში 3-4-ჯერ უნდა მიიღოს. გარდა ამისა, შედეგს გააუმჯობესებს დღეში 2-3- ს.კ. გოგრის გაფცქვნილი თესლის მოხმარებაც.

1:1 გოგრის წვენისა და თაფლის ნარევი დაგეხმარებათ შარდკენჭოვანი დაავადებების დროსაც. დალიეთ 1 ს.კ. დღეში სამჯერ.

ყაბზობით თანხლებული კოლიტების დროს, ღამით უნდა დალიოთ 0.5 ჭიქა გოგრის წვენი, თუნდაც თაფლთან ერთად.

ღვიძლისა და თირკმლების დაავადებების დროს მიირთმევენ 1 ჭიქა გოგრის წვენს დილით, უზმოზე, ან დღის განმავლობაში რამდენჯერმე, ჭამამდე 30 წუთით ადრე.