„გთხოვთ, მირჩიეთ ყაბზობის საწინააღმდეგოდ რაიმე რეცეპტები. ვფიქრობ, მისი ერთ-ერთი მიზეზი ინსულტის გადატანის შემდეგ ნაკლებად მოძრავი ცხოვრების წესია. პატივისცემით ვალენტინა“.
წერილს კლუბ „ჯანმრთელობის“ დირექტორი და ფიტოთერაპევტი ბორის სკაჩკო პასუხობს.
სამწუხაროდ, ინსულტის შედეგად ბევრი ორგანოს და სისტემის დარღვევა ხდება. კერძოდ, საჭმლის მომნელებელ სისტემაში რეცეპტორების მგრძნობელობა მცირდება. სწორედ ამიტომ, ამ შემთხვევაში ყაბზობის საწინააღმდეგო საშუალებების გამოყენება შეიძლება არაეფექტური იყოს.
რა თქმა უნდა, ქალმა პირველ რიგში ყურადღება კვების რეჟიმს უნდა მიაქციოს, რომელიც ხშირი (დღეში 5-6-ჯერ) და მცირე პორციებით უნდა იყოს, რომ სისხლძარღვებში ქოლესტერინის დაგროვება არ გამოიწვიოს. საკვები მრავალფეროვანი უნდა იყოს. რაციონში აუცილებლად უნდა შედიოდეს ცხიმები, კერძოდ ზეთი, მცენარეული უჯრედისი ბოსტნეულის და ხილის ხარჯზე. სჯობს მოთუშული, გამომცხვარი ან მოხარშული სახით მიირთვათ.
ამასთან, ბევრი სისტემის დაზიანების გათვალისწინებით, როცა დიეტის მეთოდები ყოველთვის არ ამართლებს, პოსტინსულტის მქონე პაციენტებმა დროდადრო ყაბზობის მოსაშორებლად ისეთი საშუალება უნდა გამოიყენონ, როგორიცაა მიკროოყნა. მაგალითად, 200 მლ ოთახის ტემპერატურის წყალში 1 დესერტის კოვზი მარილი დაუმატეთ. ოყნა გაიკეთეთ და ეცადეთ, რომ წყალი 5-10 წუთით გაიჩეროთ.
ყაბზობის მოსაშორებლად გირჩევთ სპეციალური სანთლების გამოყენებას, რომელიც 15-20 წუთში ნაწლავების მოძრაობას გამოიწვევს. ეს სანთლები შეგიძლიათ აფთიაქში შეიძინოთ.
