გაზაფხულზე ყველაზე მეტად ველოდები მომენტს, როცა ბოსტანში დაკრეფილი ახალი ბოლოკით სალათის მომზადებას შევძლებ. ეს ზაფხულის მოახლოების პირველი ნიშანია. როდის დავრგოთ ბოლოკი, რომ ნანატრი მოსავალი სწრაფად ავიღოთ? უკვე დროა?
დღეს „პაპარაცი“ გიამბობთ, თუ როდის სჯობს ბოსტანში ბოლოკის დარგვა და როგორ დავრგოთ სწორად.
როდის დავრგოთ ბოლოკი
მეტნაკლებად გამოცდილი მებოსტნეები ხვდებიან, რომ ბოლოკის დარგვა გაზაფხულზე ღირს. შეგიძლიათ მოგვიანებით დარგოთ, მაგრამ ახლა უხვი მოსავლის მისაღებად ყველაზე ხელსაყრელი მომენტია. ამასთან გაზაფხულის პირველი ბოლოკის მიღება სულისთვის დიდი სიხარულია.
ბევრი მებოსტნე შეცდომით ფიქრობს, რომ ბოლოკი შეუძლიათ დარგონ და შემდეგ გაზრდამდე დაივიწყონ. თუმცა ასეთ უპრეტენზიო მცენარესაც ზრუნვა სჭირდება. ყველაზე მთავარია დარგვის ვადა სწორად შეარჩიოთ. ხშირად ეს დრო რეგიონის მიხედვით მარტის ბოლოდან მაისის ბოლომდე პერიოდში მერყეობს.
სწორედ ამიტომ, დარწმუნებით ვერ გეტყვით, ღირს თუ არა უკვე ბოლოკის დარგვა. ჩვენ ხომ არ ვიცით, სად აპირებთ მის დარგვას. სამაგიეროდ, შეგიძლიათ ორიენტაცია თერმომეტრით გააკეთოთ. ბოლოკისთვის ყველაზე მნიშვნელოვანია ოპტიმალური ტემპერატურის რეჟიმი.
როგორ დავრგოთ ბოლოკი სწორად
ბოლოკის დასარგავად ჰაერის ოპტიმალური ტემპერატურა – ნულს ზემოთ 15-20 გრადუსია. ეს საუკეთესო დიაპაზონია ამ გაზაფხულის ბოსტნეულის დასათესად. ბოლოკი 10 გრადუს ტემპერატურაზეც შეგიძლიათ დარგოთ, მაგრამ ამ შემთხვევაში აღმონაცენებს 1 კვირა ან უფრო მეტხანს უნდა დაელოდოთ. ნორმაში ბოლოკი 4-5 დღეში აღმოცენდება.
ასე რომ, როდის სჯობს ღია მიწაში ბოლოკის დარგვა? გამოცდილი მებოსტნეები გირჩევენ, არ იჩქაროთ და თბილ დღეებს დაელოდოთ. ხშირად საუკეთესო დრო აპრილის შუა პერიოდია. ბოლოკის ღია ნიადაგში დარგვის არ შეგეშინდეთ, თუ ყინვები მაინც არის. ის მშვიდად გაიზრდება.
არ დაგავიწყდეთ, რომ ბოლოკს პერიოდულად მორწყვა სჭირდება. ბოლოკი ცივი წყლით არ მორწყათ, წინააღმდეგ შემთხვევაში მცენარის ზრდა შეფერხდება. იდეალური იქნება მზეზე დაყენებული წყალი.
როგორ დავრგოთ ბოლოკი სათბურში
ბევრი მებოსტნე, რომელთაც სათბური აქვთ, ბოლოკსაც აქ რგავენ. ზუსტად უნდა იცოდეთ, თუ როდის ღირს სათბურში ბოლოკის დარგვა და ეს სწორად როგორ გააკეთოთ. რა თქმა უნდა, ბოლოკი სათბურში შეგიძლიათ ნაადრევ გაზაფხულზე დარგოთ. ყველაფერი დამოკიდებულია იმაზე, თუ გათბობის რა სისტემას იყენებთ. თუ სათბური გათბობით უზრუნველყოფილია, შეგიძლიათ ბოლოკი იანვარშიც დარგოთ, ხოლო დამატებით გათბობის არ მქონე სათბურში – მარტში.
ამასთან, ბოლოკის სწორი სახეობის შერჩევა მნიშვნელოვანია. სათბურის ჯიშები სათბურში ადრე დასარგავად იდეალურია, ხოლო ღია ნიადაგისთვის უფრო გამძლე ჯიშები გამოიყენეთ. ამას ყურადღება უნდა მიაქციოთ, წინააღმდეგ შემთხვევაში ბოლოკმა შეიძლება მოსავალი არ მოგცეთ.
ზედმეტი არ იქნება, თუ ბოლოკს დარგვამდე გააღვივებთ. ასე მოსავალს სწრაფად მოგცემთ. ზოგიერთი მებოსტნე დარწმუნებულია, რომ ბოლოკი ასე კიდევ უფრო უკეთესი გამოდის.
ბოლოკის გამოკვება
საჭიროა თუ არა ბოლოკის გამოკვება? პრინციპში, ბოლოკს მცირე ვეგეტაციური პერიოდი აქვს და ცოტა გამოკვება სჭირდება. თუმცა ცარიელ მიწაში მისი დარგვა უგუნურება იქნება დარგვამდე მიწას 1 ვედრო კომპოსტი და 1 ჭიქა ხის ნაცარი დაუმატეთ. ეს საკმარისი იქნება, რომ ბოლოკის კარგი მოსავალი მიიღოთ.
მორწყვებს შორის პერიოდში ბოლოკის ფოთლები ხის ნაცრით დაფარეთ, რომ მცენარე ფოთოლჭამია ხოჭოსგან დაიცვათ. თუ ნიადაგი დარგვამდე არ გამოკვებეთ, შეგიძლიათ პირველი ფოთლების გამოჩენის შემდეგ გაამდიდროთ. ამ დროს აზოტის სასუქი გამოიყენეთ.
მეორეჯერ ძირნაყოფის გამოჩენის შემდეგ გამოკვებეთ. ამ შემთხვევაში ფოსფორი-კალიუმის სასუქი გამოიყენეთ, მაგრამ არავითარ შემთხვევაში აზოტის სასუქი. ყურადღება მიაქციეთ, რომ ბოლოკი ძალიან სქელი არ გაიზარდოს, რადგან ამ დროს ღერო იზრდება და ძირნაყოფი პატარა და ცარიელი იქნება.
ახლა უკვე იცით, თუ როდის ღირს ბოლოკის დარგვა. თუ ამ რეკომენდაციებს დაიცავთ, მალე პირველი მოსავლის აღებას შეძლებთ. გაფიქრებითაც კი ჰაერში ბოლოკის ახალი და ოდნავ მკვეთრი სუნი ჩნდება. უხვ მოსავალს გისურვებთ!
