ბალახის ნაყენებისა და ნახარშების მომზადების თავისებურებები

0
170

სამკურნალო ბალახების ნაყენს ან ნახარშს ეფექტური სამკურნალო თვისებები რომ ჰქონდეს, იგი აუცილებლად გარკვეული წესების დაცვით უნდა მომზადდეს.

ნედლეული, რომელიც ტანინებს შეიცავს

მუხის ქერქი, პოტენტილას ფესურა, ყვანჩალას ფესურა, თავსისხლას ფესვები და ფესურა, ბადანის ფესურა.

  • ნახარში უნდა გადაიწუროს ცხელი, ოთახის ტემპერატურაზე არ უნდა გაჩერდეს, რამდენადაც ტანინები ცხელ წყალში იხსნება და გაგრილებისას ილექება.
  • არ შეიძლება ნაყენის დაყენება მეტალის ჭურჭელში – ასე მძიმე მეტალების ტანატები ჩნდება.

ნედლეული, რომელიც ანტრაგლიკოზიდებს შეიცავს (საფაღარათე საშუალებები)

რევანდის ფესვი, ხეჭრელის მერქანი, სინამაქის ფოთლები.

  • მათგან ნახარშები მზადდება – მხოლოდ ამ გზით შეიძლება ანტრაგლიკოზიდების მიღება.
  • იწურება ცხელი, გაგრილების გარეშე.
  • სინამაქის ფოთლების ნახარში სრულად უნდა გაგრილდეს გადაწურვამდე, რადგან იგი შეიცავს გუმფისს, რომელიც აღიზიანებს კუჭის ლორწოვან გარსს.

ნედლეული, რომელიც ეთერზეთებს შეიცავს

კატაბალახას ფესვები და ფესურა, პიტნისა და სალბის ფოთლები, გვირილის ყვავილები, ბეგქონდრის ფოთლები.

  • ნაყენი მზადდება მჭიდროდ დახურულ ჭურჭელში, რათა ეთერზეთები ჰაერში არ გაითქვიფოს.
  • დაყენებისას ნედლეულს არ უნდა მოურიოთ.
  • ნაყენი გადაწურეთ, როცა სრულად გაგრილდება.

ნედლეული, რომელიც შეიცავს ლორწოსა და სახამებელს

ტუხტის ფესვი.

  • მზადდება მხოლოდ ნახარში.
  • დაუმატეთ 1 გ სოდა 10 გ ნედლეულს, აუცილებელი ტუტოვანი რეაქციისთვის.

ნედლეული, რომელიც საპონინებს შეიცავს (ამოსახველებელი, ანთების საწინააღმდეგო საშუალებები)

ძირტკბილას ფესვი.

  • მზადდება ცივი დაყენების მეთოდით, ოთახის ტემპერატურაზე.
  • უნდა დაყენდეს 30 წუთით, მუდმივად ურიოთ.
  • დაყენების შემდეგ, ნედლეული გადაწურეთ, არ დაჭყლიტოთ, თორემ ნაყენში მოხვდება სახამებელი და მცენარეული უჯრედები.

ნედლეული, რომელიც ლორწოსა და ცხიმიან ზეთს შეიცავს

სელის თესლი.

  • ამზადებენ 1:30 ფაფას (1 გ სელის თესლი 30 მლ წყალზე).
  • არ შეიძლება დაქუცმაცებული თესლის გამოყენება, მასში ცხიმიანი ზეთები მწარდება და ფაფას უსიამოვნო გემო და სუნი ენიჭება.
  • ფაფა მიიღება ცხელ წყალში თესლის 15 წუთით შენჯღრევით, რის შემდეგაც მარლის ორ ფენაში უნდა გადაწუროთ.

მომზადებული ნახარშები და ნაყენები უნდა შედგათ მაცივარში და მიირთვათ ორი დღის განმავლობაში.

პასუხი

დაწერეთ კომენტარი
ჩაწერეთ თქვენი სახელი