ამჯერად, გადავწყვიტეთ შინაურული ფხვიერი ნამცხვარი მარგარინით ძალიან ძველი და გამოცდილი რეცეპტით მოგვემზადებინა. ასეთ ფხვიერ ნამცხვარს ჯერ კიდევ ჩვენი ბებიები აცხობდნენ. ყველაზე ჩვეულებრივი ინგრედიენტები დაგჭირდებათ, აი, ამ დესერტის ფორმა ყველას არ ექნება.
თუ იღბლიანი ხართ და სადღაც ასეთი მინი-პრესი შენახული გაქვთ, სამზარეულოში თამამად გაეშურეთ. დღეს უნიკალური კულინარიული გამოცდილების მიღებას შეძლებთ: წარსული ეპოქის ტკბილეულის გასინჯვა.
სახლში გამომცხვარი ფხვიერი ნამცხვარი მარგარინით
ინგრედიენტები:
- 3 ჭიქა ფქვილი
- 3 კვერცხი
- 200 გრ მარგარინი
- 3 ს/კ არაჟანი
- 1 ჭიქა შაქარი
- 0,3 ჩ/კ სოდა
- 0,25 ჩ/კ მარილი
- მურაბა გემოვნებით
მომზადება:
1. კვერცხის ცილა ქაფის მიღებამდე ათქვიფეთ. კვერცხის გული შაქარს აურიეთ.
2. გამდნარი მარგარინი, არაჟანი და სოდა (ძმარში გაზავებული) დაუმატეთ.
3. თანდათანობით ფქვილი დაუმატეთ, არაჟნის კონსისტენციის მიღებამდე კარგად აურიეთ.
4. ფორმის ერთი ფილა 0,75 მოცულობაზე ცომით გაავსეთ. მაგალითად ისე, როგორც ვაფლის მომზადების დროს.
5. შუაში შეგიძლიათ დაუმატოთ ცოტა კენკრის მურაბა, ქიშმიში, კაკალი და ა.შ.
6. ფორმას თავსახური დაახურეთ და ზომიერ ცეცხლზე მომზადებამდე აცხვეთ.
მადის აღმძვრელი და გემრიელი ფხვიერი ნამცხვარი შეგიძლიათ დამოუკიდებელ დესერტად ან ჩაისთან ერთად შეჭამოთ. ყველაზე მეტად მოეწონება მათ, ვისაც ძალიან მოტკბო გემო არ უყვართ და ტკბილეულზე ძალიან დამოკიდებული არ არიან.
დესერტის ფორმა ცომისა და ცხიმისგან დაუყონებლივ გაწმინდეთ, რომ არ მიახმეს. აბრაზიული საწმენდი საშუალებები არავითარ შემთხვევაში არ გამოიყენოთ. ხშირი გამოყენების დროს უბრალოდ სუფთა ჩვრით გაწმინდეთ. თუ ამ მარტივ რეკომენდაციებს დაიცავთ, ფორმა კიდევ დიდხანს გემსახურებთ თქვენც და თქვენს შვილიშვილებსაც.
