ფენოვანი ცომი ზედმეტი მოძრაობების გარეშე: არაა საჭირო დაფენა და გაბრტყელება, უბრალოდ მოზილეთ

0
199

დიასახლისები, უმეტესად, ერიდებიან ფენოვანი ცომის მომზადებას, რადგანაც თვლიან, რომ ეს ხანგრძლივი და მოსაწყენი სამუშაოა. რა თქმა უნდა, ჯერ იგი უნდა მოზილოთ, გააბრტყელოთ, ფენებად დაალაგოთ და ა.შ. თუმცა, ყველაფერს გაცილებით მარტივად, 10 წუთში გააკეთებთ, თუ ჩვენს რეცეპტს გამოიყენებთ.

ფენოვანი ცომი

ინგრედიენტები

  • 200 მლ მარგარინი
  • 1 კვერცხი
  • 100 მლ არაჟანი
  • 350 გ ფქვილი
  • მწიკვი მარილი

მომზადება

1. ფქვილი შეაზილეთ მარგარინს ისე, რომ მყარი ნამცეცები მიიღოთ.

2. გააცალკევეთ კვერცხის ცილა და გული. დაუმატეთ გული მარგარინსა და ფქვილს.

3. ბოლოს დაუმატეთ არაჟანი. თუ იგი არ გაქვთ, კეფირიც გამოგადგებათ.

4. ახლა მოზილეთ ცომი. იგი ელასტიური და რბილი უნდა გამოვიდეს. თუ ცომი მჭიდროა, დაამატეთ არაჟანი, ხოლო თუ ხელებს ეწებება – ფქვილი. შედგით მაცივარში.

5. ცომი მზადაა. ისღა დაგრჩენიათ, მისგან თქვენებური კულინარიული შედევრი მოამზადოთ.

მე, მაგალითად, მიყვარს ფენოვანი ხაჭაპური და მისთვის საუკეთესო ყველს ვიყენებ ხოლმე. გემრიელად მიირთვით!

პასუხი

დაწერეთ კომენტარი
ჩაწერეთ თქვენი სახელი