საზამთროს მოყვანის დეტალური ინსტრუქცია

როგორც წესი, საზამთრო 30 დღის ნერგებით ირგვება. იმის გათვალისწინებით, რომ საზამთროს თევზს საკმაოდ დიდი დრო სჭირდება ამოსაცენებლად, საზამთროს დარგვას უნდა შეუდგეთ აპრილის შუა რიცხვებში.

ნიადაგი საზამთროსთვის

საზამთროს გასაზრდელად, ნიადაგი უნდა იყოს მსუბუქი და ნაყოფიერი. ნიადაგის ნარევის მოსამზადებლად, შეურიეთ 1 წილი ტორფი, 1 წილი ნეშომპალა და 0.5 წილი გარეცხილი ქვიშა. დაუმატეთ 2 ს.კ. ხის ფერფლი 1 ლ ნარევს. კარგად მოურიეთ.

 საზამთროს თესლის მომზადება დასათესავად

უმჯობესია, საზამთრო წინასწარ ამოცენებული თესლით დათესოთ. ამოცენებამდე, გააჩერეთ თესლი მარგანცოვკის მუქ ვარდისფერ ხსნარში 20 წუთით. გარეცხეთ, გაახვიეთ ნოტიო ქსოვილში და დადგით თბილ ადგილას. საზამთროს თესლის ამოცენების ტემპერატურაა 25-30 გრადუსი. ამისთვის თესლს 5-6 დღე დასჭირდება.

თესლი რომ არ ამჟავდეს, პერიოდულად გარეცხეთ თბილ, გამდინარე წყალში. როგორც კი თესლის გაღვივების პირველი ნიშნები გაჩნდება, შეჩვევის პროცესს გირჩევთ: შედგით თესლი მაცივარში 12 საათით, შემდეგ ამდენივე დროით გააჩერეთ სითბოში. პროცედურა შეგიძლიათ 2-3-ჯერ გაიმეოროთ. როგორც კი 1-1.5-სანტიმეტრიანი მორჩი გაჩნდება, შეუდექით დათესვას.

საზამთროს დათესვა

გაავსეთ ტორფის ქოთნები მომზადებული ნიადაგით 3/4-მდე. ჩაალაგეთ თითო გაღვივებული თესლი თითოეულ ქოთანში.

ზემოდან მოაყარეთ 2-3 სმ სისქის მიწის ფენა. ოდნავ დატკეპნეთ, რათა მორწყვისას თესლი არ გაშიშვლდეს.

ფრთხილად მორწყეთ. ქოთნის კედლები ძალიან სწრაფად რომ არ გაშრეს და მუდმივად ნოტიო მდგომარეობაში იყოს, სასურველია, მოათავსოთ ზომით შესაფერის პლასტმასის ქოთნებში.

საზამთროს მოყვანის პირობები

დადგით ეს ქოთნები ყველაზე ნათელ ადგილას, რომელიც სახლში გეგულებათ. საზამთროს ნერგი, ნერგის გაჩენამდე, 25-27 გრადუსში უნდა იყოს. ნერგის წარმოქმნის შემდეგ, საკმარისი იქნება 20-25 გრადუსი დღისით, ხოლო 18-20 – ღამით. მორწყეთ ნერგები მხოლოდ თბილი წყლით.

საზამთროს თესლის შესუქება

ნერგის გაჩენიდან 10 დღეში, შეასუქეთ იგი ნერგის მინერალური სასუქის ხსნარით. მომდევნო 10 დღის შემდეგ კვლავ შეასუქეთ. მორწყეთ და ასუქეთ საზამთროს თესლი მხოლოდ ფესვთან ახლოს, ძირითადი ღეროს გარშემო. თუ სასუქის წვეთები ფოთლებზე მოხვდა, მოწმინდეთ ქაღალდის ხელსახოცით. 4-5 ნამდვილი ფოთლის გაჩენის შემდეგ, თუ ამინდი ამის საშუალებას იძლევა, ნერგი ჩარგეთ ნიადაგში.

საზამთროს დარგვა

საზამთრო ღია ნიადაგში ივნისის მეორე დეკადაში ირგვება, როცა ყინვების შესაძლებლობა ნულამდეა დაცემული. თუ საფარს გამოიყენებთ, საზამთრო უფრო ადრეც დაირგვება, ნერგების გაჩენიდან 3 კვირის შემდეგ.

თავიდან დარწმუნდით, რომ ნიადაგი საკმარისად გათბა. საზამთროს დასარგავად ოპტიმალური ტემპერატურაა 15-18 გრადუსი. უფრო სწრაფად გათბობისთვის, თხრილებს შეგიძლიათ შავი ცელოფანი დააფაროთ.

საზამთროს ფესვთა სისტემა საკმაოდ ღრმაა, ამიტომ დაბარეთ ნაკვეთი ნიჩბის პირის სიღრმემდე. დაუმატეთ 1 სათლი ნეშომპალა ან კომპოსტი, 40-50 გ მინერალური სასუქი და 2 ჭიქა ხის ფერფლი 1 კვ.მ. მიწაზე. კიდევ ერთხელ დაბარეთ. მოამზადეთ თხრილები.

საზამთროს დარგვის სქემა: 2 მცენარე 1 კვ.მ.-ზე. ფრთხილად გააცალეთ ტორფის ქოთანს ზედა ნაწილი, ჩადეთ ნერგი თხრილში. მორწყეთ ნერგი და დააყარეთ მიწა.

კარგი იქნება, თუ ქოთნიდან ამოღებული მიწის ზედა ნაწილი ნიადაგის დონიდან 1 სმ-თი მაღლა იქნება. ნამდვილი სითბოს დადგომამდე და ყვავილობამდე, დაახურეთ თხრილებს ნებისმიერი მასალა.

LEAVE A REPLY

Please enter your comment!
Please enter your name here