ნაზი, ჰაეროვანი ხვეულა ნაღების ნოტებით გულგრილს არავის დატოვებს. ხვეულას განსაკუთრებული ხიბლი იმაშია, რომ მისი მომზადება ძალიან ადვილია. რეცეპტი მეგობრებმა უკვე დაიტაცეს.
შეუდარებელი გამომცხვარი ხვეულა ჩაისთან მისაყოლებლად: ხრაშუნა გარედან, რბილი შიგნიდან და უგემრიელესი შიგთავსით. ამ ხვეულას ერთი ნაკლი აქვს: თეფშიდან ძალიან სწრაფად ქრება!
ხვეულები ფხვიერი ცომით
ცომის ინგრედიენტები:
- 1 ჭიქა არაჟანი
- 250 გრ კარაქი
- 0,5 ჩ/კ სოდა
- ფქვილი (რამდენიც ცომს დასჭირდება)
შიგთავსის ინგრედიენტები:
- ყაყაჩო
- ნიგოზი
- შაქარი
მომზადება:
1. პირველ რიგში, თასში 2 ჭიქა ფქვილი ჩაყარეთ და აქვე დანით დაჭრილი გაგრილებული კარაქი დაუმატეთ. კარაქი და ფქვილი ხელით აურიეთ.
2. მიღებულ ნარევს სოდა და არაჟანი დაუმატეთ, აურიეთ. შემდეგ იმდენი ფქვილი დაუმატეთ, რომ პელმენის ცომის მსგავსი მასა მიიღოთ. დაამრგვალეთ და მაცივარში 30 წუთით შედგით.
3. ყაყაჩოს შიგთავსი მოამზადეთ. ამისთვის ყაყაჩო ყავის საფქვავში დაფქვით, ცოტა ცხელი წყალი დაასხით და 10 წუთით გააჩერეთ. შემდეგ გემოვნებით შაქარი დაუმატეთ და აურიეთ.
4. კაკლის შიგთავსის მოსამზადებლად დაქუცმაცებულ ნიგოზს შაქარი აურიეთ. კაკლის დასაქუცმაცებლად საგორავი გამოიყენეთ, უბრალოდ დაფაზე გააბრტყელეთ. ასე პროცესს დააჩქარებთ და უფრო მეტ ძვირფას ზეთს მიიღებთ.
5. ცომი მაცივრიდან გამოიღეთ, ფქვილი მოაყარეთ და ძალიან თხელ ფენად (1 მმ სისქე) გააბრტყელეთ. სამკუთხედად დაჭერით.
6. შიგთავსი დაუმატეთ და ხვეულა დაახვიეთ.
7. ხვეულები 180 გრადუსამდე გახურებულ ღუმელში 15 წუთით აცხვეთ. ეცადეთ, დიდხანს არ გააჩეროთ, რომ ხვეულები ზედმეტად არ გამოშრეს. მზა ხვეულებს შაქრის ფხვნილი მოაყარეთ.
ხვეულების შიგთავსად შესანიშნავად გამოგადგებათ ხილი-კენკრის ჯემი ან პოვიდლო, დაქუცმაცებული ჩირი, დაფქული დარიჩინი ხაჭოს ერთად ან ნებისმიერი რამ თქვენი გემოვნებით.
გემრიელად მიირთვით და ამ რეცეპტის სოციალურ ქსელში მეგობრებისთვის გაზიარება არ დაგავიწყდეთ!
