კულინარიული მარილი უნივერსალური რამაა. გასაგებია, რომ, პირველ რიგში, გამოიყენება კერძების შესაზავებლად, დასამწნილებლად, მარინადში მოსათავსებლად… თუმცა, მარილის გამოყენებით შეიძლება წმენდა, გაპრიალება და გარეცხვაც კი შეიძლება. ვერ ვიტყვით, რომ ჩემს ოჯახში მარილს ყველაფერში ყრიან, თუმცა, როცა საკითხი იმის შესახებ დადგა, თუ როგორ გაგვერეცხა ბავშვის სათამაშოები, ეს ვარიანტი ნამდვილად გამოგვადგა.

მარილის გამოყენების ყველა გზას ვერ ჩამოვთვლით, თუმცა ერთ სასარგებლო ხრიკს ნამდვილად გასწავლით. ახლა ჩვენი რედაქცია სიამოვნებით გიამბობთ, თუ რატომ უნდა ჩაყაროთ მარილი სარეცხის მანქანაში და რატომაა ეს მნიშვნელოვანი მაინცდამაინც რბილი სათამაშოებისთვის. სხვათა შორის, ეს არც ჩვეულებრივ თეთრეულს ავნებს.

როგორ გავრეცხოთ რბილი სათამაშოები

აღნიშნულია, რომ მარილი ქსოვილებს იცავს გახუნებისგან, მაშინაც კი, თუ დიდი ხანია, აღარ იყენებთ. ხშირად ხდება, რომ საყვარელი მაისური პირველივე გარეცხვის შემდეგ კარგავს იერს ისე, რომ ჩასაცმელად უვარგისი ხდება. შესაძლოა, რეჟიმი არასწორად აირჩიეთ ან თვითონ ნივთის ხარისხიც არ იყო სახარბიელო. ნებისმიერ შემთხვევაში, თქვენ არაფერს დაკარგავთ, თუ მარილს გამოიყენებთ.

უბრალოდ გახსენით იგი მცირეოდენ წყალში და 30 წუთით ჩაალბეთ ხსნარში თეთრეული. შემდეგ მოათავსეთ ნივთები მანქანაში და ჩართეთ ჩვეულებრივი რეჟიმი. გაგიკვირდებათ, როცა ნახავთ, რომ გახუნებული ფერები ისევ გაჯერდება. ასე მოხდა სათამაშოების შემთხვევაშიც. აი, რატომ ვემხრობით ამ მეთოდს.

ჩემი პატარა მუდმივად ათრევს რბილ სათამაშოებს მთელ სახლში, არც გარეთ გასვლისას ტოვებს შინ. ხან დაუვარდება, ხან ფეხს დააბიჯებს… ჩვენც ვრეცხავთ. ერთი საყვარელი დათუნია ჰყავს, რომელიც პირველი გარეცხვის შემდეგ გახუნდა. დავიწყეთ ფერის გამოსწორების საშუალების ძებნა და მარილი საუკეთესოდ დაგვეხმარა. თუმცა, ამ შემთხვევაში, იგი ძმარს შევურიეთ. დათვი უკვე აღარ ხუნდება და ყოველი წმენდის შემდეგ შესანიშნავად გამოიყურება.

თავიდან, სათამაშოებს სხვა ნივთებთან ერთად ვრეცხავდით, თუმცა შევნიშნეთ, რომ ასე არამხოლოდ ხუნდებოდა, არამედ ფერსაც კარგავდა. გადავწყვიტეთ, ცალკე, ჩალბობის გარეშე გაგვერეცხა, უბრალოდ დავამატებდით ცოტაოდენ მარილს სავლების დანაყოფში. სათამაშოები მას შემდეგ ნორმალურ ფორმას ინარჩუნებს.

გარდა იმისა, რომ ფერი აღარ ხუნდება, შევნიშნეთ მანქანაში ქაფის ნაკლებობაც. ალბათ, იმიტომ, რომ წყალი უფრო ხისტი ხდება. კაფსულების მომხმარებლებს ეს თვისება გამოადგებათ. ასე სუნიც ნაკლები იქნება. ასევე, ჩვენ გვგონია, რომ სათამაშოები უფრო სწრაფად შრება. ალბათ, მარილის მოქმედება ქსოვილზეც ახდენს გარკვეულ გავლენას. სხვათა შორის, ეს დღემდე უცნობია.

ხრიკი რედაქციისგან

უკვე მიხვდით, როგორ უნდა გარეცხოთ სათამაშოები. ახლა კი კიდევ ერთ საინტერესო ხრიკს გთავაზბთ. მარილი დაგეხმარებათ ფეხის ოფლიანობის მოხსნაში, რაც ზაფხულში, დამეთანხმებით, უაღრესად აქტუალურია. ასეთი აბაზანა გამოაშრობს კანს და აუმაღლებს ტონუსს. აბაზანა არ უნდა იყოს ზედმეტად ცხელი და არც ზედმეტი პროცედურაა საჭირო. კვირაში 1-2 პროცედურა სავსებით საკმარისია. თუ ჯანმრთელობასთან დაკავშირებულ პრობლემებზე ეჭვობთ, აუცილებლად გაიარეთ კონსულტაცია ექიმთან.

თქვენ როგორ რეცხავთ რბილ სათამაშოებს?