გთხოვთ, დაწერეთ სპეციალისტის რჩევები ხალხური მეთოდების შესახებ დაავადებების, კერძოდ კატარაქტის და გლაუკომას, სამკურნალოდ და პროფილაქტიკისთვის. პატივისცემით, ფილია.

წერილს პასუხობს ელენა სვიტკო, ნატუროპათი და ხალხური მკურნალი.

თვალის დაავადებების დროს სტაფილო-ზეთის ნახარში დაგეხმარებათ.

ხალხური მედიცინა თვალის დაავადებების სამკურნალოდ და პროფილაქტიკისთვის ბევრ ეფექტურ რეცეპტს ფლობს. რამდენიმე მათგანს გირჩევთ. კარგ გამაჯანსაღებელ ეფექტს იძლევა მოხარშული სტაფილოს მცენარეულ ზეთთან ერთად მიღება. გარდა ამისა, 350 გრ გახეხილი სტაფილო წყლის ორთქლზე 700 მლ მზესუმზირას ან სიმინდის ზეთში 2 საათით ხარშეთ. გადაწურეთ და თვალის ირგვლივ კანზე დღის განმავლობაში შეიზილეთ (მაგრამ არა უგვიანეს დაძინებამდე 1 საათით ადრე, რომ დილით შეშუპება არ გქონდეთ) და დღეში 20 მლ დალიეთ. ეს პროცედურები მხედველობას აუმჯობესებენ.

კატარაქტის პროფილაქტიკის მიზნით გირჩევთ თვალები ტყის ჟოლოს ფოთლების და კორდისკბილას ბალახის (1:1) ნაყენით გაიწმინდოთ. 2 ს/კ ნარევს 0,5 ლ მდუღარე წყალი დაასხით და 5 წუთით დააყენეთ. ნაყენის ნახევარი სავლებად გამოიყენეთ, დანარჩენი დღის განმავლობაში რამდენჯერმე დალიეთ.

კატარაქტის დროს ეფექტურია ჭანგას ფესვების ნაყენი: 1 ს/კ ნარევს 1 ჭიქა მდუღარე წყალი დაასხით და 10 წუთით ხარშეთ. ასეთი პორცია დღეში 3-ჯერ დალიეთ.

ასევე კატარაქტის დროს ეფექტურია ჟუნჟრუკის წვენი. თანაბარი პროპორციით ჟუნჟრუკის და ნემსიწვერას წვენები აურიეთ. 1 წვეთი დღეში ერთხელ ჩაიწვეთეთ. გამაჯანსაღებელი კურსი – 50 დღე.

გლაუკომას დროს 50 გრ კამის თესლი დააქუცმაცეთ და 1 ს/კ თესლი დღეში 3-ჯერ, ჭამამდე 30 წუთით ადრე მიიღეთ, წყალი დააყოლეთ. თვალები კამის წყლით გაიწმინდეთ.

ხალხურ მედიცინაში კატარაქტის და გლაუკომას საწინააღმდეგოდ ასეთი საინტერესო რეცეპტიც არსებობს. კვერცხი მოხარშეთ, ნაჭუჭი არ მოაშოროთ და შუაზე გაჭერით, კვერცხის გული ფრთხილად ამოიღეთ. მის ადგილას 1 ჩ/კ ძიძოს თაფლი ჩაასხით. მეორე ნახევარი დააფარეთ და მთელი ღამე გააჩერეთ. დილით წარმოქმნილი სითხე პიპეტით შეაგროვეთ და თვალში თითო წვეთი დღეში 3-ჯერ ჩაიწვეთეთ. ამავდროულად, 30 წვეთი ყვითელი ტეგანის ნაყენი წყალთან ერთად დღეში 3-ჯერ დალიეთ. პროცედურა გამოჯანმრთელებამდე შეასრულეთ.