როგორ გავაღიავოთ პიგმენტური ლაქები და ჭორფლები ხელებზე

ყავისფერი ლაქები, რომლებიც ხელებზე ჩნდება, ჩვეულებრივ, დაბერებას გვამცნობს. თუმცა, არსებობს სხვა ფაქტორებიც, რომლებიც მათ გაჩენას უწყობს ხელს.

სწორედ ამიტომ, გთავაზობთ რამდენიმე რეკომენდაციასა და საშინაო საშუალებებს, რომლებიც დაგეხმარებათ სამედიცინო მკურნალობის სრულყოფაში, ხელებზე ჭორფლებისა და ლაქების დასაფარავად ან სრულად გასაქრობად.

რატომ ჩნდება ლაქები და ჭორფლები ხელებზე?

წლებთან ერთად, კანი მელატონინის დისბალანსით იღებება. სწორედ ამის შედეგია ის ლაქები და ჭორფლები, რომლებიც ხნიერ ადამიანებს ხელებსა და სხეულის სხვა ნაწილებზე უჩნდებათ. მაგალითად, კისერზე, სახესა და ფეხებზე.

თუმცა, არსებობს სხვა ფაქტორებიც, რომლებიც სიტუაციას აუარესებს:

• მზის ზემოქმედების მაღალი დონე;
• კანის არასათანადო მოვლა;
• მემკვიდრეობითობა ან გენეტიკა;
• მენოპაუზა;
• ფეხმძიმობა;
• ზოგიერთი მედიკამენტი.

საუკეთესო საშინაო საშუალებები ლაქების მოსაშორებლად

ტრადიციული მედიცინის თანახმად, ლიმონი კანის ლაქებს აღიავებს, თუმცა, თუ მისგან დამზადებულ საშუალებას გამოიყენებთ, წასმის შემდეგ ქუჩაში აღარ უნდა გახვიდეთ, რამდენადაც ლიმონი მზის სხივების ზემოქმედებას ექვემდებარება და კანს უფრო მეტად ღებავს. ამ შედეგს ფიტოფოტოდერმატიტი ეწოდება.

ძმრის კრემი

ვაშლის ძმარი ის ინგრედიენტია, რომელსაც უამრავი ღირსება გააჩნია. გავრცელებული მოსაზრებით, მისი შერწყმა სხვა პროდუქტთან აძლიერებს ორივეს თვისებებს. თუმცა, სანამ ამ რეცეპტს გამოიყენებდეთ, გაიარეთ კონსულტაცია თქვენს ნაცნობ დერმატოლოგთან.

ინგრედიენტები:

• 1 წილი ვაშლის ძმარი
• 1 წილი ხელის ან სხეულის კრემი

მომზადება და გამოყენება

1. შეურიეთ ვაშლის ძმარი კრემს.
2. გამოიყენეთ სხეულის ნებისმიერი ნაწილისთვის.

ბაბუაწვერას ნაყენი

ბაბუაწვერა ძველი დროიდან გამოიყენება კანის პრობლემების სამკურნალოდ. იგი ეფექტურია მზით კანის დაზიანების დროს.

მიუხედავად ამისა, უნდა გახსოვდეთ, რომ ქვემოთ მოცემული რეცეპტი ხალხური მედიცინიდანაა.

ინგრედიენტები:

• 1 ჭიქა (250 მლ) წყალი
• 1 ს.კ. (10 გ) ბაბუაწვერას ბალახი

მომზადება და გამოყენება

1. გაათბეთ წყალი.
2. ჩაყარეთ ბაბუაწვერა.
3. გამოიყენეთ დღეში ორ-სამჯერ.