გამოცდილმა მებოსტნეებმა იციან, რომ მომავალი მოსავალი მცენარის სწორად მოვლაზეა დამოკიდებული. სწორედ ამიტომ, სხვადასხვა გამოკვებას განსაკუთრებული ყურადღება ექცევა. ამასთან მეაგარაკეები მაღაზიაში ნაყიდ სასუქს უპირატესობას ყოველთვის არ ანიჭებენ. პრიორიტეტში გამოცდილი ხალხური ხრიკები რჩება. მაგალითად, ბანანის ქერქით ან კარტოფილის ნათლით გამოკვება. ამჯერად გიამბობთ, როგორ და რატომ უნდა გამოიყენოთ შვრიის ნატურალური სასუქი.
აქვე გაფრთხილებთ: მსგავსი სასუქი ყველას არ უხდება. შვრიის ნატურალურ სასუქს არსებობის უფლება აქვს და ის ნამდვილად მუშაობს. თქვენ დაგჭირდებათ ჩვეულებრივი სწრაფი მომზადების შვრიის ფანტელები. უკვე 1-2 კვირაში ყველაზე სუსტ მცენარეშიც სიცოცხლე გაჩნდება. მაცდუნებელია, არა?
ნატურალური სასუქი შვრიით
გამოკვების არსი იმაში მდგომარეობს, რომ ფანტელების მიწაში მიმოყრის შემდეგ მასში ბევრი ჭიაყელა ჩნდება. პირველ რიგში, ისინი მიწის ღრმად დამუშავებას ხელს უწყობენ. თავად ნიადაგი შესანიშნავად ნიავდება და ფხვიერდება. მეორეც, მცენარის ფესვებს ჰაერთან წვდომა აქვთ. გარდა ამისა, ნიადაგში გაზის ცვლა უმჯობესდება. შედეგად, მთელი მიწა ჭიაყელას ნარჩენი პროდუქტებით მდიდრდება.
როგორ და როდის გამოვიყენოთ შვრიის სასუქი
შვრიის ნატურალური სასუქი შეგიძლიათ ზაფხულის დასაწყისში, ივნისში გამოიყენოთ. ამისთვის შვრიის ფანტელები დააბლენდერეთ ან დაფქვით. შედეგად წვრილი ფხვნილი უნდა მიიღოთ. შემდეგ კვლებს შვრიის ნარევი თხელ ფენად მოაყარეთ. 1 კვადრატულ მეტრზე ზუსტად 1 მუჭა სასუქი დაგჭირდებათ. შემდეგ მიწა ფოცხით დაამუშავეთ, რომ საშუალება ჩააღრმავოთ.
სასუქის ალტერნატიული ვარიანტები
ამავე პრინციპით შეგიძლიათ დაფქული ხორბალი გამოიყენოთ. მსგავსი სასუქი კიტრთან კარგად მუშაობს. ნაყოფი სწრაფად მწიფდება და ტკბილ გემოს იძენს.
ასეთი გამოკვება ყველაზე მეტად ბოსტნეულის კულტურას მოსწონს. მაგალითად, ჭარხალს და წიწაკას. თუ გამოუცდელი მეთოდის გამოყენებით გარისკვა არ გსურთ, ის მხოლოდ ერთ კვალზე გამოიყენეთ. შვრიის ნატურალური სასუქი თქვენს ყველა მოლოდინს გაამართლებს. თუ ხალხური რჩევით მსგავსი გამოკვება უკვე სცადეთ, გამოცდილება გაგვიზიარეთ. თქვენი კომენტარების წაკითხვა ჩვენთვის ძალიან საინტერესო იქნება! უხვ მოსავალს გისურვებთ!
