თითოეული ჩვენგანი ამ სამყაროს ორი ადამიანის – მშობლების დამსახურებით მოევლინა. ოჯახური მდგომარეობა სხვადასხვაგვარია, თუმცა მშობლებს არავინ ირჩევს. ერთნი შორდებიან, მეორენი შვილებს ტოვებენ, თუმცა, არსებობს ნამდვილად მტკიცე ოჯახებიც.
არავინ იცის, რატომ მოიქცა ადამიანი ასე. თუმცა, ნებიმიერი მორწმუნე ქრისტიანის მთავარი მიზანია წმინდა ვალის მოხდა, პატივისცემა და მოკრძალება იმ ადამიანებისადმი, რომლებმაც სიცოცხლე გვაჩუქეს, როგორც სიცოცხლეში, ისე მათი გარდაცვალების შემდეგაც.
ლოცვა გარდაცვლილი მშობლებისთვის
ახალგაზრდობაში გვეჩვენება, რომ მშობლებს ჩვენი არ ესმით. თუმცა, რაც უფრო გემატებათ ასაკი, მით უკეთ იაზრებთ, რამდენად მართალი იყვნენ ისინი. ჩვენ მათი ბრძნული რჩევები ყველაზე მეტად მაშინ გვჭირდება, როცა ისინი გვერდით აღარ გვყავს.
დანაშაულის გრძნობის დასამალავად და უთქმელი სიტყვების სათქმელად, ბევრი აწყობს ხალხმრავალ დაკრძალვასა და ქელეხს, დღეებს ატარებს სასაფლაოზე და იქ ძვირადღირებულ სახსოვარ ქვებს დებს. თუმცა, გარდაცვლილ ადამიანს ეს უკვე აღარაფერში სჭირდება. გაცილებით უფრო მნიშვნელოვანია გარდაცვლილებისთვის ლოცვა, ლიტურგიაზე მოხსენიება და წყალობის დარიგება მათ სახელზე. ტყუილად არ ამბობენ, რომ ადამიანი ცოცხალია, სანამ იგი ახსოვთ.
მართლმადიდებლობაში გარდაცვლილისადმი პატივისცემის გამოხატვის ბევრი გზა არსებობს. შეგიძლიათ, წახვიდეთ ეკლესიაში და მღვდელს ლიტურგიაზე გარდაცვლილის სახელის ხსენება სთხოვოთ, ან საკურთხი ან პანაშვიდი შეუკვეთოთ, შეგიძლიათ, მისი სულისთვის სახლიდან ილოცოთ.
ლოცვა გარდაცვლილი მშობლებისთვის
-“უფალო იესუ ქრისტე, ღმერთო ჩუენო, მფარველო ობოლთაო, შესავედრებელო მწუხარეთაო, ნუგეშინისმცემელო მოტირალთაო, მოვივლტი შენდამი ობოლი ესე და სულთქუმითა და ცრემლითა გევედრები: შეისმინე ვედრებაჲ ჩემი და ნუ მიიქცევ პირსა შენსა სულთქუმათაგან გულისა ჩემისა, და ცრემლთაგან თუალთა ჩემთასა. გევედრები, მოწყალეო უფალო, დააცხრე მწუხარებაჲ ჩემი მშობლისა ჩემისა (სახელი) განშორებისა გამო, დააწესე სული მისი სასუფეველსა შენსა, რამეთუ მიიცვალა შენდამი ჭეშმარიტითა რწმენითა, კაცთ-მოყვარებისა და მოწყალებისა შენისა მსასოებელი. მოვიდრეკ მუჴლთა ჩემთა წინაშე წმიდისა მის ნებისა შენისა, რომლითაცა განშორებულ ვიქმენ მისგან და გევედრები, არ მოაკლდეს სულსა მისსა წყალობაჲ და კეთილმოწლეობაჲ შენი.
ვიცი, უფალო, რამეთუ შენ ხარ მსაჯული ქუეყანისაჲ. ამისთჳსცა სალმობიერითა და შემუსრვილითა გულითა ჩემითა ვჴმობ შენდამი, მსაჯულო მოწყალეო, ნუ დასჯი სასჯელსა შინა სამარადისოჲსა გარდაცვალებულსა ამას მონასა (მხევალსა) შენსა (სახელი), მშობელსა ჩემსა, რომელი არა დავივიწყო, არამედ გევედრები, შეუნდვენ მას შეცოდებანი მისნი ნებსითნი და უნებლიეთნი, სიტყჳთნი და საქმითნი, მეცნიერებით და უმეცრებით, ქმნილნი საწუთოჲსა ამას შინა, და წყალობით და კაცთმოყუარებითა შენითა, ლოცვითა ყოვლადწმიდისა ღმრთისმშობელისაჲთა და ყოველთა წმიდათა შენთაჲთა, შეიწყალე და იჴსენ იგი სამარადისოჲსა სატანჯველისაგან.
ჵ მოწყალეო მამაო მამათა და შვილთაო, მომმადლე მე ძალი, რაჲთა აღსასრულადმდე ცხორებისა ჩემისა და ვიდრე უკუანაჲსკნელად აღმოფშჳნვადმდე, დაუცხრომელითა ლოცვითა ჩემითა მოვიჴსენო გარდაცვალებული მშობელი ჩემი (სახელი) და გევედრები შენ, მსაჯულსა სიმართლისასა: დაამკჳდრე იგი ადგილსა ნათლისასა, ადგილსა მწვანვილოვანსა და ადგილსა განსასუენებელსა, სადა-იგი წარხდომილ არს სალმობაჲ, ჭირი და სულთქუმაჲ.
ღმერთო, მოწყალეო, მიითუალე მჴურვალე ესე ლოცვაჲ ჩემი მიცვალებულისა მონისა (მხევლისა) შენისათჳს (სახელი), მიაგე მას მისაგებელი შენი კეთილი მისისა მის ჩემდა მომართ ქმნილისა ღუაწლისა და მზრდელობისათჳს, რომელსა იქმოდა იგი სარწმუნოებითა და ქრისტეანობითი ღმრთისმოსაობითა, რამეთუ მასწავა მე უწინარეს ყოვლისა ცნობაჲ შენი – უფლისა ჩემისაჲ, ეგრეთვე კეთილ-კრძალულებითი ლოცვაჲ და სასოებაჲ შენდა მომართ ჟამსა განსაცდელისასა, ჭირისასა და სალმობისასა, და დაცვაჲ მცნებათა შენთაჲ, იყო რაჲ იგი კეთილმზრუნველ სულიერსა წარმართებასა ჩემსა და მჴურვალედ მვედრებელ წინაშე შენსა, და გამომთხოველ ჩემთჳს ნიჭთა შენთასა; მიაგე მას წყალობითა შენითა ყოველი კეთილი და სახარულევანი სამარადისოჲსა სასუფეველსა შინა შენსა. რამეთუ შენ ხარ ღმერთი წყალობისაჲ და მოწყალებისაჲ, და კაცთმოყუარებისაჲ, შენ ხარ სიმშჳდე და სიხარული მონათა შენთა ზედა და შენდა დიდებასა აღვავლენთ მამისა და სულისა წმიდისა თანა, აწ და მარადის და უკუნითი უკუნისამდე. ამინ.”
სიკვდილი ტრაგედიაა. მასზე ფიქრისგან ყოველთვის ვიკავებთ თავს და ვაგრძელებთ ჩვეულებრივად ცხოვრებას. თუმცა, იმქვეყნად წასვლა ჩვენი სულიერი არსებობის განუყოფელი ნაწილია. გარდაცვლილი მშობლებისთვის ლოცვა მნიშვნელოვანი ქმედებაა, რომელიც აუცილებლად უნდა შეასრულოს ცოცხალმა ადამიანმა.
