როგორ დავამარილოთ ღორის ქონი ცხელი მეთოდით

0
1310

ღორის ქონის დამარილების დღევანდელი რეცეპტი საკმაოდ მარტივი და უპრეტენზიოა. ერთადერთი აუცილებელი პირობა: თავად ღორის ქონი ახალი უნდა იყოს. მეორე მოთხოვნასთან „თამაში“ შეიძლება.

ღორის ქონი მაღალკალორიული და ბევრი ცხიმის შემცველი პროდუქტია, მაგრამ ამასთან ისეთ სასარგებლო თვისებებს ფლობს, როგორიცაა იმუნიტეტის გაძლიერება, ნივთიერებათა ცვლის გაუმჯობესება და ქოლესტერინის დარეგულირება.

ღორის ქონის დამარილების რეცეპტი

ინგრედიენტები:

  • ღორის ქონი
  • 1 ლ წყალი
  • 2 დაფნის ფოთოლი
  • 16 მარცვალი ბაჰარის წიწაკა
  • 1 ჩ/კ შავი წიწაკა
  • 8 კბილი ნიორი
  • 8 ს/კ მარილი

მომზადება:

1. დასამარილებლად შეგიძლიათ აიღოთ როგორც ღორის ქონი ხორცის ნაწილით, ასევე მის გარეშე. მთავარია, ახალი იყოს.

2. ღორის ქონს სუფთა წყალი დაასხით ისე, რომ მან მთელი ზედაპირი დაფაროს. შემდეგ ეს წყალი მოსამზადებლად გამოიყენეთ. ჩვენ 1 ლ წყალს ვიყენებთ.

3. წყალი აადუღეთ და ყველა ინგრედიენტი დაუმატეთ ღორის ქონის და ნივრის გარდა. 5 წუთით გააჩერეთ, თავსახური დაახურეთ და ცეცხლი გამორთეთ.

4. მეორე ქვაბში მონაცვლეობით მოათავსეთ ღორის ქონის და გახეხილი ნივრის ფენა.

5. ღორის ქონს მარილწყალი დაასხით და თავსახური სიმძიმით დაახურეთ. ასე 3 დღე დამარილება აცადეთ.

6. დამარილებული ღორის ქონი ამოიღეთ, სალფეთქით გაამშრალეთ და საყინულეში 3 საათით შეინახეთ. შემდეგ ღორის ქონი პაკეტებში გადაანაწილეთ, ასე ღორის ქონის ნაჭრები ერთმანეთს არ მიეკვრება. ღორის ქონი საყინულეში შეინახეთ.

უფრო პიკანტური გემო რომ მიიღოთ, გაყინვის წინ ღორის ქონს წიწაკის და მშრალი ნივრის ნარევი წაუსვით. ზოგიერთი ფერისთვის მარილწყალში სუფთა ხახვის ფურცლებს ამატებს.

ახალ ღორის ქონს დაახლოებით 800 კალორია აქვს 100 გრ პროდუქტზე, რაც მას ძალიან კალორიულს ხდის. თუმცა დღეში 30-40 გრ თქვენს სხეულის ფორმებზე გავლენას ვერ მოახდენს. კიდევ ერთი რჩევა: ღორის ქონი უცხო სუნს ადვილად იწოვს, ამიტომ საყინულე სუფთად შეინახეთ, ხოლო ღორის ქონი კარგი საკეტის მქონე პაკეტში ან კონტეინერში შეინახეთ. გემრიელად მიირთვით!