რომელი რჩევებია დღემდე აქტუალური ძველი ჟურნალიდან „რაბოტნიცა“

0
77

ერთხელ დედასთან ერთად ბებიას სახლში სხვენს ვალაგებდი. აქ, უამრავი საბჭოური საყოფაცხოვრებო ნივთი ინახება, თითქმის ორიგინალური სახით: ძველმოდური მაგიდის გადასაფარებელი, გაფუჭებული ტექნიკა და უამრავი მაკულატურა. ეს ყველაფერი მრავალწლიან მტვერშია დაფარული. ზოგჯერ ასეთ ერთფეროვან საქმეში საინტერესო ასპექტებიც არსებობს.

ერთ–ერთი ყუთი ბოლომდე ჟურნალ „რაბოტნიცას“ ნომრებით იყო სავსე. აღმოჩნდა, რომ ბებიას ნახევარი საუკუნის წინ ასეთი პერიოდული გამოცემის კითხვა უყვარდა. ამბობს, რომ ბევრი ყოველდღიური სიბრძნე სწორედ ამ ჟურნალიდან ისწავლა: „მის გარეშე საბჭოური ყოფა გაუსაძლისი იქნებოდა“.

რა თქმა უნდა, ჟურნალ „რაბოტნიცას“ ბევრი რჩევა მორალურად მოძველებულია, მაგრამ ზოგიერთს დღემდე ვიყენებ. ყველაზე მოქმედ რჩევებს გიზიარებთ!

  1. სანამ ნაქსოვ ტანსაცმელს გარეცხავთ, ცოტა ძმარ გარეულ ცივ წყალში ჩაალბეთ. ამ შემთხვევაში თქვენი ნივთი არ დაიშლება. ტანსაცმელი რბილი რომ დარჩეს, გავლების დროს წყალს 1 ჩ/კ გლიცერინი დაუმატეთ.
  2. უთოში წყლის ჩასასხმელში ნადები რომ არ გაჩნდეს, მასში გამოხდილი წყალი ჩაასხით. თუ ასეთი წყალი ხელთ არ გაქვთ, ცოტა თოვლი ან ყინული გაადნეთ, რომელიც შეგიძლიათ საყინულიდან აიღოთ. ასეთი წყალი ნადებს გაჩენის საშუალებას არ მისცემს.
  3. „რაბოტნიცა“ გირჩევთ, რომ ძველი მუშამბა არ გადააგდოთ. მისგან შეგიძლიათ გრძელვადიანი თარგები გამოჭრათ. მასთან მუშაობა მოსახერხებელია და დაკარგვაც არ დაგენანებათ.
  4. რეზინის ჩექმები ყოველთვის სასიამოვნოდ რომ გამოიყურებოდეს, გამოყენების შემდეგ ჯერ სველი ჩვრით, შემდეგ მშრალით გაწმინდეთ. ასეთი ფეხსაცმელი გათბობის ბატარეისგან მოშორებით დადეთ. ჩექმები რომ ბრწყინავდეს, ზეთით ან გლიცერინით გაწმინდეთ.
  5. ქოლგის გასაჯანსაღებლად ნახევრად გახსნილი ქოლგა სარეცხი ფხვნილის ხსნარში დატოვეთ. 10 წუთში ღრუბლით მისი კიდეები გაწმინდეთ. ქოლგა შხაპის წყლით გარეცხეთ.
  6. ქოლგაზე სერიოზულ ჭუჭყს ნიშადურის სპირტით მოიშორებთ. ნახევარი ჭიქა სითხე 1 ლ წყალში გახსენით. ზემოთ მოცემული პროცედურა გაიმეორეთ.
  7. თუ ქათქათა ბრინჯის მოხარშვა გსურთ, წყალს ცოტა ძმარი დაუმატეთ. მთელ ქვაბზე 0,5 ჩ/კ ძმარი საკმარისი იქნება.
  8. შპალერზე ცხიმიან ლაქას ბენზინით მოიშორებთ. ჩვრის ქსოვილი მასში დაასველეთ და ლაქას დაადეთ. 3 წუთში ცხიმი დაიშლება და ქსოვილში შეიწოვება.
  9. გსურთ უჟანგავი ფოლადის კოვზებს. ჩანგლებს და დანებს ბზინვარება დაუბრუნოთ? კარტოფილის ქერქის ნახარშში აადუღეთ.
  10. მინის ჭიქებს ბზინვარება რომ მიანიჭოთ, გარეცხვის შემდეგ ლიმონის ქერქის და წყლის ნარევში ჩაალბეთ. შემდეგ ვაფლის პირსახოცით გაამშრალეთ.
  11.  თუ ქვაბზე რაიმე მიგეწვათ, ცივი წყალი დაასხით და საპონი მოაყარეთ. დილით საჭმლის ნარჩენებს და მიმწვარს ადვილად მოაშორებთ.
  12. ქვაბს მიმწვარი შეგიძლიათ დიასახლისის საპნით მოაშოროთ. საპონი წყალში გახსენით და აქ ჭურჭელი მოათავსეთ. 15 წუთით ადუღეთ, შემდეგ გააგრილეთ. ამის შემდეგ მიმწვარი უბრალოდ ჯაგრისით მოაშორეთ.

ხშირად მსგავს მაკულატურას ერთი ხელის მოსმით ვიშორებ და არც ვნანობ, მაგრამ ამ ჟურნალებზე მთელი ღამე ვათვალიერებდი. ასე საბჭოური ყოფაცხოვრება უკეთ გავიგე. იმ დროს ქალების ცხოვრება ხომ უფრო რთული იყო, ვიდრე ახლა. მეთანხმებით? კომენტარებს ველოდებით!