წყალი, თავის მხრივ, ორგანიზმიდან ტოქსინების რეგულარული გამოტანის საშუალებაა, თუმცა, მასში ხელმისაწვდომი ინგრედიენტების დამატებით, ამ პროცესის მნიშვნელოვნად გააქტიურებას შეძლებთ.
წყალი ღვიძლის დეტოქსიკაციისთვის
დეტოქსიკაცია ვაშლით
ინგრედიენტები:
- ვაშლი
- ცეილონის დარიჩინის ფხვნილი ან 1 ჩხირი
- 2 ლ წყალი
- რამდენიმე წვეთი ლიმონის წვენი
დაჭერით ვაშლი და მოათავსეთ იგი წყლით სავსე დოქში. დაუმატეთ დანარჩენი ინგრედიენტებიც და დააყენეთ 20-30 წუთით, მიირთვით დღის განმავლობაში. ასევე, შეგიძლიათ დარჩენილი დარიჩინი და ვაშლი დატოვოთ 3 დღით დოქში, უბრალოდ ყოველდღიურად დაამატოთ ახალი წყალი და ლიმონის წვენი.
დეტოქსიკაცია კიტრით
ინგრედიენტები:
- 3 ლ წყალი
- 1 მცირე ზომის ლიმონი
- საშუალო ზომის კიტრი
- 10-15 ფოთოლი პიტნა
ჩაყარეთ ქილაში თხლად დაჭრილი ლიმონი, ასეთივე კიტრი და პიტნა. დაასხით წყალი და შედგით მაცივარში არანაკლებ 4 საათით ან მთელი ღამით. მიირთვით დღის განმავლობაში და დატკბით შედეგებით.
დეტოქსიკაცია ჯილიან მაიკლსის მეთოდით
ინგრედიენტები:
- 3 ლ სუფთა წყალი
- 2 ს.კ. ძახველის წვენი ან კენკრა
- 2 ს.კ. ლიმონის წვენი
- 1 ჩ.კ. ბაბუაწვერას ფესვი
მოათავსეთ თერმოსში ბაბუაწვერას ფესვი და დაასხით 1 ლ მდუღარე წყალი. დააყენეთ 2-3 საათით, დაუმატეთ დანარჩენი ინგრედიენტები და მიირთვით მიღებული ნაყენი დღის განმავლობაში.
დეტოქსიკაცია მარწყვით
ინგრედიენტები:
- 1 ფინჯანი მარწყვი
- 2 ფინჯანი საზამთრო
- 2 ღერო როზმარინი
- 1 მწიკვი ჰიმალაური მარილი
- 2 ლ გაფილტრული წყალი
დაჭერით მარწყვი, როზმარინი და საზამთრო. მოათავსეთ ეს ყველაფერი დიდ ქილაში, დაასხით წყალი და მოურიეთ. გააცივეთ 4-6 საათით და გემრიელად მიირთვით.
დეტოქსიკაცია ვაშლის ძმრით
ინგრედიენტები
- 1/3 ლიმონი
- 1/2 კიტრი
- 4 ღერო პიტნა
- 2 ლ გაფილტრული წყალი
- 2-3 ს.კ. ვაშლის ძმარი
დაჭერით ლიმონი და კიტრი მაქსიმალურად თხელ ნაჭრებად. დააქუცმაცეთ პიტნის ფოთლები ღეროებიანად. ყველა ინგრედიენტს დაასხით წყალი და გააჩერეთ მთელი ღამით. მიირთვით დღის განმავლობაში.
დეტოქსიკაცია ლიმონით
ინგრედიენტები:
- 2 ლ გაფილტრული წყალი
- 2 ს.კ. ლიმონის წვენი
- 1 ს.კ. თაფლი
- 1 მწიკვი კაიენური წიწაკის ფხვნილი
შეურიეთ ყველა ინგრედიენტი და მიირთვით დღის განმავლობაში.
დეტოქსიკაცია წყლით
ინგრედიენტები:
- 2 ლ წყალი
- 6 ლებანი გრეიფრუტი
- 1/2 ფორთოხალი ან 1 მანდარინი
- 1/2 კიტრი
- 2 ფოთოლი პიტნა
მოათავსეთ ყველა ინგრედიენტი წყალში. დააყენეთ 2 საათით და მიირთვით დღის განმავლობაში.
გისურვებთ ჯანმრთელობას!
