ნაზი, გემრიელი, არომატული ღვიძლის ღვეზელი ნებისმიერი შემთხვევისთვის გამოგადგებათ. დაბადების დღე, ზამთრის არდადეგები, უბრალოდ დასვენების დღეები – სამზარეულოში პროდუქტები მოიტანეთ და მზადება დაიწყეთ. შედეგი ყოველთვის შთამბეჭდავია.
კერძი განსაკუთრებით ნაზი გამოვა, თუ ქათმის ღვიძლისგან მოამზადებთ. ასე პრაქტიკულად პირში დნება. ვფიქრობთ, ზედმეტი სიტყვები საჭირო არაა, უბრალოდ მოამზადეთ. ოჯახის წევრები მხოლოდ მადლობას გეტყვიან.
ღვიძლის ღვეზელი
ინგრედიენტები:
- 0,6 კგ ქათმის ღვეზელი
- 3 კვერცხი
- 250 მლ რძე
- 1,5 ჭიქა ფქვილი
- 75 გრ მცენარეული ზეთი
- 2-3 ხახვი
- 2-3 სტაფილო
- 700 გრ მაიონეზი
- 1 ს/კ კამა
- 1 ს/კ ოხრახუში
- 0,5 ჩ/კ მარილი
მომზადება:
1. ქათმის ღვიძლი კარგად გარეცხეთ. ბლენდერში ან ხორცსაკეპ მანქანაში კარგად დააქუცმაცეთ.
2. მიღებულ ფარშს კვერცხი, რძე და ფქვილი, ასევე მცენარეული ზეთი და მარილი დაუმატეთ. ერთგვაროვანი მასის მიღებამდე აურიეთ.
3. პატარა, ფართო ტაფა გაახურეთ და კოვზით თხევადი ღვიძლის ცომი დაასხით. ბლინები გააკეთეთ. სხვათა შორის, ტაფას ზეთი მხოლოდ ერთხელ უნდა წაუსვათ: პირველი ბლინის გამოცხობის წინ. შემდეგ დამატება საჭირო არაა.
4. სტაფილო გახეხეთ, ხოლო ხახვი თხელ ნახევარ რგოლებად დაჭერით. ეს ყველაფერი ტაფაზე ოქროსფერ შეფერილობამდე შეწვით.
5. ახლა ააწყვეთ: ბლინს მაიონეზი წაუსვით, ზემოდან თხელ ფენად შემწვარი ბოსტნეული დაუმატეთ. გაიმეორეთ.
6. ლამაზი ღვეზელი გააკეთეთ, ბლინები ერთმანეთს დაადეთ. ყველაზე ბოლოს გახეხილი ყველი და მწვანილი მოაყარეთ. ასე კერძს გააფორმებთ და ახალ გემოს შემატებთ. მზადაა!
ალბათ, მსგავსი ტორტი ან ღვეზელი უკვე გასინჯული გაქვთ. ჩვენ გსურს, ყურადღება მიაქციოთ მარტივ შიგთავსს, რომელიც ღვიძლს გემოს მატებს და მაიონეზის ფენას აზავებს.
გარდა ამისა, კერძი ქათმის მცირე კალორიულობის გამო საკმაოდ მსუბუქია. ზოგჯერ, ძროხის ან ღორის ღვიძლი კუჭის სიმძიმეს იწვევს. ქათმის ღვიძლით კი ასე არ დაგემართებათ!
