ქალი ოჯახურ ცხოვრებაში ხშირად ისეთ ვალდებულებებს იღებს, რომლის განაწილებაც ქმართან ურიგო არ იქნებოდა. არავის უკვირს, როცა მამაკაცი თავის საყვარელ ადამიანს ამბიციებით ჩრდილავს, თავისი ოცნებისკენ მიდის მაშინ, როცა მეუღლე გვერდით დგას და მხარს უჭერს. რომანტიკულად ჟღერს, მაგრამ არავინ ფიქრობს ამ ქალის გაწეულ საქმეზე, თუ რაზე მოუწია უარის თქმა საყვარელი ადამიანისთვის.
ქალი თანამედროვე ცხოვრებაში
სადღაც კონორ მაკგრეგორის ინტერვიუ წავიკითხე, სადაც ამბობდა, რომ წარმატებას მეუღლეს უნდა უმადლოდეს. „ძალიან ამაღელვებელია“ – გავიფიქრე მე. თუმცა მოიცადეთ. შემდეგ მაკგრეგორი ამბობს: „მან კაფეში მუშაობით ოჯახურ ბიუჯეტში დიდი ნაწილი შემოიტანა. სანტექნიკოსად მუშაობა შევწყვიტე, რომ ოცნება ამეხდინა. ის სავარჯიშოდ მატარებდა, ჩემს კვებას ყურადღებას აქცევდა და ყოველთვის ჩემი სჯეროდა. ის მხარს მიჭერდა, როცა არავინ ვიყავი. ახლა დი არ მუშაობს, მაგრამ ბიზნესის საქმეებში მეხმარება“.
მაკგრეგორის ისტორიაში ბევრი სიყვარული, მხარდაჭერა და ურთიერთგაგება იგრძნობა, მაგრამ რატომღაც მისი ცოლი მეცოდება. ნუთუ საკუთარი მიზნები არასდროს ჰქონდა? ნუთუ არასდროს ოცნებობდა? როგორ გახდა მაკგრეგორის ოცნებები საერთო? ასეთი სამოტივაციო ისტორია ბევრია. თითოეული წარმატებული მამაკაცის უკან დგას ქალი. ღირს კი, მაგრამ რა გავაკეთოთ?
პრობლემა იმაშია, რომ ბევრ ქალს სჯერა, რომ თუ არც თუ ისე ამბიციური მეუღლის ახირებებს ხელს შეუწყობენ, ადრე თუ გვიან დაჯილდოვდებიან. ეს ასე არაა. როცა მაკრეგორის და მისი მეუღლის იდეალურ სურათს ვხედავთ, რამდენიმე საკითხი უნდა გაითვალისწინოთ.
თავგანწირვა და მადლიერება
პირველ რიგში, ყველა მამაკაცი კონორ მაკგრეგორის არ ჰგავს. უფრო უცნობი მებრძოლია, რომელიც მსოფლიო აღიარებას ვერ მოიპოვებს და მის ცოლს ბრილიანტებს ვერ აჩუქებს. ქალი ყოველთვის თანაუგრძნობს, ნებისმიერ შემთხვევაში მხარს დაუჭერს, მაგრამ ეს იმას არ ნიშნავს, რომ მისი შრომა ანაზღაურდება. უფრო, პირიქით.
მეორეც, მეუღლე გაწეული შრომისთვის, მხარდაჭერისა და რწმენისთვის მადლობელი იქნება თუ არა დამოკიდებულია მასზე და მის აღზარდაზე. ყველა კაცი არ იქნება ცოლის ერთგული მას შემდეგ, რაც წარმატებას მიაღწევს და მით უმეტეს ყველა არ აღიარებს, რომ წარმატებაში ლომის წილი მისი ცოლის დამსახურებაა. როგორი სამწუხაროც არ უნდა იყოს, წარმატების შემდეგ, თუ ასეთი რა მოხდება, მამაკაცის თვითშეფასება ცამდე იზრდება, და სიღარიბეს მოკლებული ცოლქმრული ცხოვრების წლები ახალგაზრდა საყვარლის ფეხქვეშ დაეცემა.
რა თქმა უნდა, ღირსეული მამაკაცი დააფასებს ქალის ზრუნვას და მასზე დახარჯულ ახალგაზრდობას, შესაძლოა მისი მიზნების მისაღწევად გაშვებულ შესაძლებლობებს. თუ მამაკაცში არ გაგიმართლათ, მოტივაცია, გამოკვება და მხარდაჭერა უსარგებლო იქნება. ასეთი მამაკაცი არასდროს გახდება ისეთი, როგორსაც საკუთარ თავს წარმოსახვაში ხდება.
ეს იმას ნიშნავს, რომ მამაკაცის მხარდაჭერა საჭირო არაა. ამასთან საკუთარი სურვილების დავიწყება არავითარ შემთხვევაში არ შეიძლება. თუ წყვილს საერთო მიზნები აქვს, ხოლო მხარდაჭერას სიხარული მოაქვს, ასეთ ოჯახში ურთიერთგაგება, სიყვარული და მადლიერება ყოველთვის იქნება.
