ახალწლამდე 1 თვეღა დარჩა. ეს იმას ნიშნავს, რომ ძალიან მალე დაიწყება საახალწლო ეიფორია და გაჩნდება სამომავლო გეგმების დასახვის სურვილი. რა თქმა უნდა, 2020 წელმა მშვენივრად მიგვახვედრა, რომ ყველაფრისთვის უნდა იყო მზად. თუმცა, ნუ ჩაიქნევთ ხელს. დღეს ჩვენ მოგიმზადეთ 2021 წლის უახლესი ფინანსური ჰოროსკოპი. გულწრფელად გვჯერა, რომ იგი დაგაიმედებთ და გაგახარებთ.

2021 წლის ფინანსური ჰოროსკოპი

თეთრი მეტალის ხარი განსაკუთრებულ პატივს იმ ადამაინებს სცემს, რომლებიც ფულს რაციონალურად უდგებიან. დამდეგი წლის მფარველი გააბედნიერებს მათ, ვინც მზადაა, თავსიი ფინანსური მდგომარეობის საკეთილდღეოდ იშრომოს. იმედია, ეს ჰოროსკოპი დაგეხმარებათ თქვენი ფინანსური მდგომარეობის გამოსწორებაში.

ვერძი

ეს საკმაოდ ურთიერთსაწინააღმდეგო პიროვნებაა. მზადაა, იმუშაოს მუხლჩაუხრელად, ოღონდ საკუთარი დანაზოგი ჰქონდეს. თუმცა, ამავდროულად, თუ რამე ნივთი მოეწონა, მარტივად დახარჯავს მისთვის ბოლო თეთრსაც კი. ხარს ასეთი სწრაფი ცვლილებები არ მოსწონს.

მას მეტი დისციპლინა მართებს და უნდა დაგეგმოს ხარჯები წინასწარ. გარდა ამისა, ახალ წელს მას წარმატება ელის ბიზნესში, რომელიც, თავიდან, უპერსპექტივოდ ეჩვენებოდა. არაა რეკომენდებული მიწასთან ან უძრავ ქონებასთან დაკავშირებული გარიგებების დადება.

კურო

დაწყებული საქმის დასასრულებლად, კუროს არ ჰყოფნის ხოლმე მოთმინება და შეუპოვრობა. მისი ნიჭი და მახვილი გონებაც კი ვერ გადაარჩენს ბიზნეს-სფეროში მიმდინარე გართულებებს. უმჯობესია, დროებით გვერდზე გადადოთ ყველა შესაძლო ცდუნება და მხოლოდ სამუშაოს მიუძღვნათ თავი. პრიორიტეტების სწორად განლაგების შემთხვევაში, სარფიან გარიგებებს მომავალი წლის ზაფხულისთვის უნდა ელოდოთ.

ტყუპები

ბიზნესი ვერ იტანს პანიკას. ამიტომაც, ტყუპებმა, თავისი ფაქიზი სულიერი მოწყობით, ამტანობა უნდა ისწავლოს. ხოლო მან, ვინც სტაბილურ სამსახურსაა მიჩვეული, უნდა სცადოს შემოსავლის დამატებითი წყაროს პოვნა. ამ ნიშნის მდიდარი პოტენციალი წარმატებას ახალ წამოწყებებშიც ჰპირდება.

კირჩხიბი

იგი ბუნებით ფრთხილია და უყვარს ეკონომიის გაკეთება. მეტალის ხარი სათანადოდ დააფასებს ამ თვისებებს და კირჩხიბს იღბალს მოუტანს. ახლა სწორედ ის დროა, დაფიქრდეთ ხანგრძლივ ინვესტიციებზე ან დიდი ხნის წინ დაგეგმილ რემონტზე. თუმცა, ამ ნიშანს არ ვურჩევთ პირადი ხარჯების გაზრდას. თუ მეტი ფულის კეთებას შეძლებთ, შესთავაზეთ დახმარება სხვებს.

ლომი

მას ფუფუნებაში უნდა ცხოვრება. ამიტომაც უყვარს შემოსავლის ახალი წყაროების ძებნა. დამდეგ წელს შესაძლებელია სერიოზული წინსვლა სამსახურში, რაც მნიშვნელოვნად გააუმჯობესებს თქვენი ცხოვრების დონეს. თუმცა, არ გირჩევთ ცდუნებებზე წამოგებას: მოერიდეთ საეჭვო გარიგებებს და არ გარისკოთ ძვირფასი ნივთები.

ქალწული

საინტერესო ფაქტი. სამყაროში ყველაზე მეტი მილიონერი ზოდიაქოთი ქალწულია. ესაა რაციონალური, წინდახედული და დისციპლინირებული ნიშანი. ასეთმა ადამიანებმა იციან, როგორ გამოიმუშავონ და შეინახონ ფული. ამიტომ, გასაკვირი არაა, რომ მომავალი წლის მფარველი ამ თვისებებს დააფასებს. რასაც არ უნდა საქმიანობდეს ქალწული, მას აუცილებლად ელის წარმატება. წლის ბოლოს მოსალოდნელია საინტერესო ფინანსური შემოთავაზება, რომელიც წლის ბოლოსთვის კარგ შემოსავალს მოიტანს.

სასწორი

სასწორი გულუხვია და შეუძლია, ბოლო თეთრები გასცეს, თუ ამას შემთხვევა მოითხოვს. მომავალ წელს სწორედ ეს თვისება შეუქმნის საფრთხეს მის ფინანსურ მდგომარეობას. შესაძლოა, გამოჩნდეს ადამიანი, რომელიც სასწორის სიმარტივით კარგად ისარგებლებს. ამიტომ, ამ ნიშნის წარმომადგენელი უფრო მკაცრი უნდა გახდეს და მეტად მიენდოს თავის ინტუიციას.

მორიელი

მიჩვეულია ფულთან საქმის დაჭერას, რაც ძალიანაც კარგად გამოსდის. იგი თავდაჯერებულად მიისწრაფვის თავისი მიზნებისკენ ბიზნესში და არ უშინდება პრობლემებს. თუმცა, 2021 წელს არ იჩქაროთ გადაწყვეტილებების მიღება და ფულის დაბანდება. მეტიც, შესაძლოა, დადგეს მძიმე პერიოდი, როცა სესხის აღება მოგიხდებათ. თუმცა, წლის ბოლოს ფინანსური სიტუაცია დასტაბილურდება.

მშვილდოსანი

ეს წელი მისთვის საბედისწერო იქნება. იგი საკუთარ თავში აღმოაჩენს მანამდე შეუსწავლელ პოტენციალს და წამოიწყებს თავის საქმეს. ადრე თუ გვიან, ეს სასურველ შემოსავალს მოუტანს და მშვილდოსანს მეტ თავდაჯერებულობას მისცემს. ერთადერთი, რაც მას ხელს შეუშლის, ემოციურობა და არათანმიმდევრულობაა. ამიტომ, ამ ნიშანმა საგულდაგულოდ უნდა დაგეგმოს ტავისი მოქმედებები და შეადგინოს მკაფიო გეგმა.

თხის რქა

2021 წელი იდეალური დროა თხის რქისთვის, რათა, ბოლოს და ბოლოს, დაკავდეს თავისი სურვილებითა და სანუკვარი ოცნებებით. ყველაფერი სწრაფად და ხარისხიანად რომ განხორციელდეს, მებრძოლი და ენერგიული განწყობა დაგჭირდებათ. თუმცა, არც ის უნდა დაივიწყოთ, რომ ფული გონივრულად უნდა დახარჯოთ. ახალ წელს, ამ ნიშნის წარმომადგენლები უფრო ბრძენი და ძლიერი გახდებიან.

მერწყული

ფინანსური თვალსაზრისით ყველაფერი კარგად რომ წარიმართოს, მერწყულმა ადამიანებთან ურთიერთობა უნდა დაალაგოს. საქმიან პარტნიორებთან საერთო ენის გამონახვის უნარი წამოწყებულ საქმიანობაში წარმატებას მოუტანს. 2021 წელს, მერწყულს შეიძლება გაუჩნდეს ახალი ნაცნობები, რომლებიც მას სარფიან გარიგებას შესთავაზებენ. მეტიც, ისინი ძირფესვიანად შეცვლიან მის დამოკიდებულებას ფინანსებისადმი.

თევზები

მომავალ წელს თევზებს მრავალი პერსპექტივა ექნება ფინანსების სფეროში. თუმცა, ეს მხოლოდ იმ შემთხვევაშია შესაძლებელი, თუ ამ ნიშნის წარმომადგენლებს არ ეშინიათ საკუთარი თავის რამე ახალში გამოცდა. აქ მნიშვნელოვანია დახმარების თხოვნის უნარი, როცა იგი საჭიროა. გარდა ამისა, ახლოა სამსახურებრივი დაწინაურება, რომელსაც თევზები დიდი ხანია ელის.