როგორ გამოვეწყოთ ახალი წლის ღამეს: მოაწონეთ ხარს თავი პირველივე დღეს

0
1914

ახალი წელი უკვე ძალიან ახლოსაა. იმედია, კაცობრიობა შვებით ამოისუნთქებს, როცა თეთრი მეტალის ხარის 2021 წელი დადგება. ასტროლოგების რჩევების გარეშეც აუცილებლად აღვნიშნავთ ახალ წელს ოჯახისა და ყველაზე ახლო მეგობრების წრეში. მიუხედავად იმისა, რომ ასტროლოგები გვირჩევენ დღესასწაულის სახლში აღნიშვნას, ხმაურიანი და მხიარული წვეულებები არ უქმდება! თეთრი ხარი დააფასებს მხიარულებას და დიდ ყურადღებას მიაქცევს იმასაც, თუ რა გაცვიათ. დღეს ჩვენ გეტყვით, როგორ ტანსაცმელში უნდა შეხვდეთ 2021 წელს, რომ ხარმა ბევრი სიხარული და წარმატება მოგიტანოთ.

Photo credit: Depositphotos

რა ჩავიცვათ ახალ წელს

ახლა მოდაში დაუდევრობაა: დახეული ჯინსები, პეჩვორქისა და ოვერსაიზის სტილის ტანსაცმელი. მნიშვნელოვანია, რომ თავი კომფორტულად იგრძნოთ იმაში, რაც გაცვიათ. ახალი წლის საღამოსთვის ტანსაცმლის შერჩევისას, მიაქციეთ ყურადღება ყველაფერს, რაც უკავშირდება ვერცხლს, ოქროს, ლურექსს, სტავრასა და ხელოვნურ ბრილიანტებს უკავშირდება.

თეთრი მეტალის ხარი მიესალმება ნაცრისფრის, ლურჯისა და ხორცისფრის ნათელ პასტელურ ელფერებს. რა თქმა უნდა, თეთრსაც საპატიო ადგილი უჭირავს და სწორედ ეს ფერი უნდა აირჩიოთ, თუ დამდეგ წელს გამდიდრება გსურთ. ასტროლოგები აღნიშნავენ, რომ ტანსაცმლის ფერი სურვილების მიხედვით უნდა შეარჩიოთ. თუ სიყვარული უფრო მნიშვნელოვანია, აირჩიეთ ღია ნაცრისფერი ტანსაცმელი. არავითარი მკვეთრი, მყვირალა ფერები და ნახატები – მსგავსი კეთილშობილ ხარს ნამდვილად არ მოეწონება.

თუ კაბის ჩაცმა გადაწყვიტეთ, უპირატესობა მიანიჭეთ ცამხრიან სილუეტს. ღია ფერის კაბა მბზინავი დანართებით ან ზურგზე ჭრილით შესაფერისი იქნება. გარეგნობას ქალურობასა და სიმსუბუქეს მიანიჭებს მსუბუქი ქსოვილები. მოდაში რჩება ქვედა ბოლოები ასიმეტრიული ნაკერებით. ნაკეცებიანი და გაფუებული შიფონის ბოლოები შესანიშნავად გამოიყურება ნებისმიერი ტიპის ფიგურაზე.

ჩამოთვლილს შორის, მომგებიანი იქნება აბრეშუმის კომბინეზონები. აგრეთვე, შეგიძლიათ ოვერსაიზ კოსტუმის შერჩევა, აუცილებლად ნაზ ფერში, უჩვეულო სამკაულთან ერთად. ატლასის ტოპები თხელ ბრეტელებზე ხარს აუცილებლად მოერწონება. ისინი კარგად შეეხამება განიერ შარვლებს ან გაფუებულ ქვედა ბოლოებს.

თუ ბლუზის ჩაცმას გეგმავთ, იგი მსუბუქი და თავისუფალი უნდა იყოს. ახლა მოდაშია განიერი სახელოები. ნახევრადგამჭვირვალე ტანსაცმელი, კომბინირებული ლუქი თეთრეულის სტილში, ქალს უფრო მყიფე და ჰაეროვან გარეგნობას მიანიჭებს.

თქვენ რას იცვამთ ახალ წელს? დარწმუნებული ვარ, ნებისმიერ ტანსაცმელში შესანიშნავად გამოიყურებით! თუმცა, არ დაგავიწყდეთ მეტალის ხარის კეთილგანწყობის მოპოვება და მისთვის თავის მოწონება ტანსაცმლის ფერებით.