როცა ცუდ ხასიათზე ვარ, იოგურტით და ნაღებით ნაზ და მსუბუქ დესერტს ვამზადებ. ჩემი და ამბობს, რომ გემოთი „ანა პავლოვას“ ნამცხვარს არ ჩამოუვარდება. მე კი ნაყინს მაგონებს, ოღონდ უფრო გემრიელია. თავად დესერტის სახელიც „101 დალმატინელი“ ემოციებს იწვევს. ამავე სახელწოდების დისნეის მულტფილმი მახსენდება, რომელზეც ბავშვობაში ვგიჟდებოდი, და სულში სითბო და სიხარული მეუფლება.
დღეს Paparazzi.ge-ს რედაქცია ღრუბელივით ნაზი დესერტის „101 დალმატინელი“ მომზადების ინსტრუქციას გიზიარებთ. ასეთი ტკბილეული ძალიან მიყვარს, რადგან ცომთან დიდხანს მუშაობა და რაიმეს ცხობა საჭირო არაა!
იოგურტის დესერტი
ინგრედიენტები:
- 500 გრ იოგურტი
- 400 გრ ნაღები (30%)
- 120 გრ შაქარი
- 10 გრ ვანილის შაქარი
- კენკრა
- 50 გრ შოკოლადის ბურბუშელა
მომზადება:
1. თეთრი, სქელი, კრემის მსგავსი კონსისტენციის იოგურტი გამოიყენეთ, ხოლო ნაღები – 33% ცხიმიანობით, ნაკლები არა. ნებისმიერი კენკრა ან ხილი შეგიძლიათ გამოიყენოთ.
2. იოგურტი შაქართან და ვანილის შაქართან ერთად შაქრის სრულ გახსნამდე ათქვიფეთ. ცალკე თასში ნაღები ათქვიფეთ.
3. ათქვეფილი ნაღები იოგურტის მასას აურიეთ.
4. დესერტის მოსამზადებლად საწური და თხელი სამზარეულოს პირსახოცი დაგჭირდებათ. თქვენ შეგიძლიათ ჩაიდანი საწურით გამოიყენოთ. საწურის ნაცვლად შეგიძლიათ მარლა გამოიყენოთ. ცოტა ხნის წინ სწორედ ასე მოვამზადე. პირსახოცი რაც უფრო თხელი იქნება, მით უკეთესი!
პირსახოცი საწურის შიგნით მოათავსეთ და მასში კრემი ჩაასხით. ზემოდან თეფში დაადეთ, თეფშზე კი საიმედო სიმძიმე. მე მურაბით სავსე პატარა ქილას ვადებ. დესერტი მთელი ღამე მაცივარში გააჩერეთ.
5. დილით ქვაბის ძირში შრატს დაინახავთ. შრატი საჭირო არაა, თავად ხაჭოს მასა უბრალოდ შეუდარებელია. თეფშზე გადაიტანეთ. დესერტი საყვარელი კენკრით ან ხილით გააფორმეთ, ასევე შოკოლადის ბურბუშელები არ დაგავიწყდეთ.
6. ესეც ასე, ნაზი დესერტი იოგურტით და ნაღებით მზადაა. გემრიელად მიირთვით!
ახლა უკვე იცით, როგორ მოამზადოთ საოცრად ნაზი იოგურტის დესერტი ნაღებით და ვანილის შაქრით. ამ დესერტზე მარწყვის ან კონსერვირებული ატმის დამატება მიყვარს. თავად თქვენი გემოვნებით დაამატეთ.
თუ დესერტი ბოლომდე არ გამაგრდა, ფხვიერი ნამცხვრის კრემად გამოიყენეთ. გირჩევთ, სცადოთ!
