რისი გადაფასება ხდება და რისგან თავისუფლდება სული სიბერეში

0
125
photo credit: pixabay

ცხოვრება აუცილებლად აზრიანი უნდა იყოს. დილით გასაღვიძებლად, მოძრაობისა და განვითარებისთვის სტიმული გვჭირდება, მაგრამ მზად უნდა იყოთ იმ მომენტისთვის, როცა ეს ყველაფერი უმნიშვნელო გახდება. ასეთია ადამიანის ცხოვრება – ყველაფერი მიედინება, ყველაფერი იცვლება. ღირებულებების გადაფასება მუდმივად ხდება.

photo credit: pixabay

Paparazzi.ge-ს რედაქცია ეცდება გაარკვიოს, თუ რა ხდება გაცნობიერების მომენტში, როცა აღარ გაქვთ მიზეზი, ვინმეს თავი მოაწონოთ, დაფიქრდეთ იმაზე, რას ამბობთ, მწვერვალები დაიპყროთ. ამ საკითხში გასარკვევად ნეიროფიზიოლოგის და ტვინის მკვლევარის ნატალია ბეხტეროვის სიტყვებს დავეყრდნობით. მან ნამდვილად იცის, თუ როგორ შეუძლია ადამიანს ფიქრი.

ღირებულებების გადაფასება

მინიშნებებიდან კონკრეტულ ფორმულირებამდე. რა შეიძლება აძლევდეს სტიმულს ადამიანს, როცა სასიცოცხლო გეგმა უკვე შესრულებულია. ვგულისხმობთ, რომ კარიერა მოწყობილია, ოჯახური ცხოვრება დალაგებული, ბავშვები გაზრდილნი და უკვე საკუთარ თავგადასავლებს ეძებენ. თითქოსდა, ყველაფერი დასრულდა, რისთვის ეს გიჟური რბოლა გრძელდებოდა.

photo credit: pixabay

ნატალია ბეხტეროვა ამბობს, რომ წლებს უცვლელად მიაქვს ყველაფერი, რასაც ჩვენ ზედაპირულად მივიჩნევდით. ადამიანი თითქოსდა თავიდან იბადება, რადგან ახლა  წინსვლა არ სჭირდება, რომ მზის ქვეშ ადგილი დაიმკვიდროს. ის დროა, როცა მთლიანად შეგიძლიათ იყოთ ისეთი, როგორიც ხართ, თამაში შეწყვიტოთ და იგრძნოთ ის, რაც გსურთ.

როცა ყველაფერს მოიშორებთ, რაც ადრე გამოძრავებდათ, იგრძნობთ ბედნიერებას, რომელიც რაღაც თბილსა და წამიერში იმალება. ის, რასაც ადრე გლობალურად და უხილავად მიიჩნევდით, ახლა მყიფე და გასაგები გახდა. მაგალითად, საღამოს ღია ფანჯარასთან ყვავილები. დილის ვარჯიშები ორშაბათს და ოთხშაბათს. ახლობლისგან მისალოცი ბარათი.

ყოველდღე ცხოვრებას ვიწვევთ და ყოველთვის დარწმუნებული ვართ, რომ საკუთარი მიღწევებით, ახალი ბინით და ავტომობილით კმაყოფილი ვიქნებით. უდავოდ, მაგრამ მაინც გავიხსენებთ იმას, თუ როგორ აცხობდა დედა მსოფლიოში უგემრიელეს ღვეზელს. თქვენ შეიძლება ათობით ბინა და ავტომობილი შეიძინოთ, მაგრამ კვლავ პატარა ბიჭა ან გოგო ვეღარ გახდებით.

გარდაუვალი გვახსენებს, რომ ცხოვრება ისეთი არაა, როგორიც გვეგონა. დროა, ცხოვრებას ხმაური მოაშოროთ, მხოლოდ სიკეთე და სარგებელი დატოვოთ. აღმოჩნდა, რომ ბოროტი და ხარბი საერთოდ არ ხართ. შეგიძლიათ სხვებს დაეხმაროთ, დაარიგოთ და ხვალინდელი დღის იმედი ჩაუნერგოთ.

photo credit: pixabay

თქვენი ცხოვრების შესახებ მოუყვეთ და ანუგეშოთ, პრობლემების მოგვარებაში დაეხმაროთ. მხოლოდ იმიტომ, რომ ახლა ეს თქვენთვის აშკარაა. ეს ყველაფერი უკვე იყო და კვლავ განმეორდება. უბრალოდ თითოეულს აქვს საკუთარი ნაბიჯების რაოდენობა და დრო, რომ თითოეულზე ავიდეს.

საკუთარ თავში სიკეთის შეგრძნება ბედნიერებაა!  ეს ამბობს, რომ ცხოვრებამ ვერ გაგტეხათ. გრძნობის და განცდების უნარი თქვენთან დარჩა. სწორედ ამიტომ საკუთარი სითბოს, ზრუნვის და სიყვარულის გაზიარებას დაიწყებთ. როგორც ჩანს, თანამედროვე სამყაროში ხალხს ეს არ სჭირდება. სინამდვილეში, ნებისმიერ ადამიანს მხარდაჭერა, საკუთარ შესაძლებლობებში რწმენა და უბრალო ადამიანური სიყვარული სჭირდება.

photo credit: pixabay

სიკეთის გარდა შეიძლება მადლიერება იგრძნოთ. ყველაფერი შეიძლება სხვაგვარად ყოფილიყო, მაგრამ ასე იყო საჭირო და მარილი იმაშია, რომ გადადგმული ნაბიჯების ერთი წამითაც არ გრცხვენიათ. ყველაფერი სწორი იყო, ისე, როგორც საჭირო იყო. ბედნიერებაა იგრძნოთ მადლიერება, რომ ამქვეყნად დაიბადეთ. ახლა თქვენ მთლიანად ამ ლამაზი სამყაროს ნაწილი ხართ.

რედაქციისგან

ამბობენ, რომ ადამიანებს ასაკში გონების ნამდვილი განათება ელოდებათ. რაღაც მომენტში ღირებულებების გადაფასება ხდება, რომელიც საჭირო კარს აღებს. დახურული ზარდახშა, რომელიც ბავშვობიდან ღრმად ქვეცნობიერში ინახებოდა, მოულოდნელად იხსნება და მფლობელს საგანძურს აჩვენებს. დაე, ეს გრძელი მოგზაურობა იყო, მაგრამ საკუთარი ცხოვრებით ცხოვრება გვიანი არასდროსაა.

photo credit: pixabay

ღირებულებების გადაფასება ცხოვრების ნებისმიერ მომენტში შეიძლება მოხდეს, განსაკუთრებით მაშინ, თუ ეს სტრესს უკავშირდება. დაე, ეს მოხდეს მხოლოდ მაშინ, როცა კიდევ ერთი პორცია ბედნიერება დაგჭირდება!