დღეს Paparazzi გასწავლით, როგორ იზრუნოთ თმაზე სახლის პირობებში, რომ თმის ცვენა შემცირდეს, ზრდა დაჩქარდეს და უფრო ჯანსაღი გახდეს.
სახლის პირობებში თმაზე ზრუნვა სწორი დაბანით და გაშრობით იწყება.
- დაბანამდე თმა კარგად დაივარცხნეთ, რომ წყლის პროცედურის დროს არსებული კვანძები კიდევ უფრო ძლიერ არ აბურდოთ.
- თავი დაბინძურების ხარისხის მიხედვით დაიბანეთ.
- თუ თმა ცხიმიანია და ხშირად დაბანას მოითხოვს, ნაზი შამპუნი შეარჩიეთ, რომლის გამოყენებაც ყოველდღიურად შეიძლება.
- თმის დასაბანად სჯობს გამოხდილი ან ჭის წყალი გამოიყენოთ. ხოლო ონკანის წყალი აუცილებლად აადუღეთ და გამოყენებამდე დააყენეთ.
- შამპუნი ხელისგულებით ააქაფეთ და არა თავზე. ამასთან თმა ძლიერ არ დაისრისოთ და თავის კანი ფრჩხილებით არ დაკაწროთ.
- შამპუნი და სხვა საშუალებები თბილი წყლით ჩამოიბანეთ, რადგან ძალიან ცხელი წყალი კანის ცხიმის გაძლიერებულ წარმოებას სტიმულირებს.
- სავლები, ბალზამი ან კონდიციონერი აუცილებლად გამოიყენეთ. თმის ბოლოებში ან ნახევარ სიგრძეზე წაისვით. ეს საშუალებები სჯობს გრილი წყლით ჩამოიბანოთ.
- პირსახოცით თმის დახვევა ან დასრესვა არ ღირს. უბრალოდ თმა მსუბუქად გაწურეთ და პირსახოცი შემოიხვიეთ. ამასთან „დოლბანდი“ მაქსიმუმ 15 წუთით გაიჩერეთ.
- გირჩევთ, თმა ბუნებრივი გზით გაიშრობთ, ფენის და, მით უფრო, უთოს გამოყენების გარეშე. თუ თერმომოწყობილობის გამოყენება აუცილებლად გჭირდებათ, ცივი რეჟიმი ჩართეთ.
- ძილის წინ გამშრალი თმა დაივარცხნეთ და თავისუფლად ჩაიპწენით, რომ ძილის დროს აბურდვა თავიდან აიცილოთ.
- კვირაში ერთხელ თავის კანის მასაჟი აუცილებელია, რომ სისხლის მიმოქცევა გაუმჯობესდეს. ასე თმის გაძლიერებას და ზრდას ხელს შეუწყობთ.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
