დღეს Paparazzi გიამბობთ, როგორ მოამზადოთ ნაზი და წვნიანი ვენური შნიცელი მარჯვე ბოშა ქალის რეცეპტით.
ვენური შნიცელი
ხორციანი კერძის იდეალური ვარიანტია, რომელსაც მოსამზადებლად დიდი დრო არ სჭირდება. აღსანიშნავია, რომ კლასიკური ვენური შნიცელი ხბოს ხორცისგან მზადდება. თუმცა დღეს მოდიფიცირებულ ვარიანტს გთავაზობთ. ღორის და ძროხის ხორცს გამოვიყენებთ – შნიცელის ორ ვარიანტს მოვამზადებთ. ორივეს მომზადების პროცესი ზუსტად ერთნაირია.
ინგრედიენტები:
- 500 გრ ღორის ხორცი
- 300 გრ ქათმის მკერდი
- 300-400 გრ საფანელი
- 3-4 კვერცხი
- 3 ს/კ ფქვილი
- 500 მლ ზეთი ღრმა ტაფაში შესაწვავად
- მარილი
- წიწაკა
- პაპრიკა
მომზადება:
- ღორის ხორცი დაახლოებით 250 გრ ნაჭრებად დაჭერით. ერთი ქათმის მკერდიდან 1 შნიცელი მზადდება.
- ხორცის ნაჭრები პარკში ჩადეთ, რომ მისი დაბეგვა მოსახერხებელი იყოს და სამზარეულოში არაფერმა იფრინოს. ხორცი ორივე მხრიდან დაბეგვეთ, ცენტრიდან კუთხეებისკენ, რომ კარგად გაიწელოს.
- პარკი გახსენით და ორივე მხრიდან ხორცს მარილი, წიწაკა და პაპრიკა გემოვნებით მოაყარეთ.
- ხორცი დაახლოებით 30-40 წუთით დაამარინადეთ.
- ამის შემდეგ სანელებლებით შეაზავეთ. კვერცხს მარილი და წიწაკა დაუმატეთ და ათქვიფეთ.
- ხორცი ჯერ ფქვილში კარგად ამოავლეთ, შემდეგ კვერცხში და ბოლოს საფანელში.
- ტაფაზე 500 მლ ზეთი დაასხით. ზეთის სიმაღლე ტაფაში მინიმუმ 1 სმ უნდა იყოს.
- გაცხელებულ ზეთში შნიცელი ფრთხილად ჩადეთ. ხორცი სწრაფად მზადდება: ქათმის შნიცელს თითოეულ მხარეს 3-4 წუთი სჭირდება, ხოლო ღორის – 5 წუთი თითოეულ მხარეს.
- მზა შნიცელი ქაღალდის პირსახოცზე გადაიტანეთ, რომ ზედმეტი ცხიმი მოაშოროთ.
- სუფრაზე შნიცელი ბოსტნეულთან, კარტოფილთან ან ბრინჯთან ერთად გაიტანეთ.
ხორცს იდეალურად უხდება ტარტარის სოუსი. ასევე შეგიძლიათ თქვენი გემოვნებით ნებისმიერი სხვა სოუსი გამოიყენოთ. გემრიელად მიირთვით!
