ოჯახური თანაცხოვრება შეიძლება ნებისმიერ დროს გაფუჭდეს. უმეტესად, უსიამოვნება ხდება რძალსა და დედამთილს შორის.
დღეს მოგიყვებით ერთი ასაკოვანი ქალბატონის ისტორიას, რომელმაც მარტო გაზარდა ორი ვაჟი და საბოლოოდ სულ მარტო დარჩა. შეძლებს თუ არა საბოლოოდ ურთიერთობების დალაგებას, ვნახოთ…
ოჯახური ურთიერთობები
“… ქმარს დიდი ხნის წინ დავშორდი. უფროსი ბიჭი 10 წლის იყო, უმცროსი – 4-ს. ბავშვებს მარტო ვზრდიდი. მეორე ოჯახი არ შემიქმნია. ვშრომობდი და რაღაცნაირად ვუმკლავდებოდი ყველაფერს. დედაც მეხმარებოდა, ბავშვებს უვლიდა, სკოლაში დაყავდა, აჭმევდა. მე კი დილიდან დაღამებამდე ვმუშაობდი.
“კარგი ბიჭები დადგნენ, ლამაზები, ჭკვიანები, მიიღეს უმაღლესი განათლება, უმცროსმა შვილმა ინსტიტუტში რომ ჩააბარა, მე საზღვარგარეთ წავედი ბინის ფულის მოსაგროვებლად. დაახლოებით 10 წელი დამჭირდა, სამაგიეროდ დავბრუნდი და სახლის ყიდვა შევძელი კარგ უბანში.
იმ პერიოდში ჩემი უფროსი ვაჟი დაქორწინდა. თავიდან რძლის მშობლებთან ცხოვრობდნენ, პარალელურად ქალაქგარეთ სახლს აშენებდნენ და მალე გადასვლას აპირებდნენ.
უმცროსმა შვილმაც გადაწყვიტა დაქორწინება. სარძლო გავიცანი, მშვიდი და გაწონასწორებული გოგონა ჩანდა. უყვარდათ ერთმანეთი და მეც შვილივით მივიღე. ბინა ვაჩუქე, დავეხმარე ლამაზი ქორწილის გადახდაშიც. უკვე შვილიშვილზე ვოცნებობდი, მაგრამ…
სტუმრად მეორე დღეს
ქორწილის მეორე დღეს ვესტუმრე, მონახულება და მოკითხვა მინდოდა. რძალმა მაგიდასთან დამსვა და გამომიცხადა, რომ აჯობებს დღესასწაულებზე გვესტუმრო და არა ყოველდღეო.
ეს საქმეა? სახლი მე ვუყიდე, ქორწილი გადავუხადე და მადლიერება ასე უნდა გამოხატოს? ქორწილამდე სხვანაირად მექცეოდა რძალი და ეხლა სულ სხვანაირი იყო.
ჩემი ილუზიები მოსიყვარულე და თბილ ოჯახზე უცბად გაქრა, რადგან მივხვდი, ჩემი შვილის მხარდაჭერის გარეშე ვერ გაბედავდა. მხოლოდ დღესასწაულებზე? ასეთი უნდა იყოს დედასთან ურთიერთობა?
უფროსი შვილი აღშფოთდა ეს რომ გაიგო, მაგრამ ამით არ შემიმსუბუქდა წყენა.
ვფიქრობდი სიბერეში მაინც ვიქნებოდი საყვარელ ადამიანებთან ერთად, მაგრამ არ გამოვიდა. ახლა არ ვიცი რა უნდა ვქნა… ”
როგორც ჩანს, ოჯახური ურთიერთობები ყოველთვის კარგად არ ვითარდება. ალბათ, სანამ დედა საზღვარგარეთ იყო, შვილებთან კავშირი დაიკარგა.
იქნებ, ახალგაზრდა ოჯახს ცოტა დრო ჭირდება და არ არიან მზად ყოველდღე სტუმრების მისაღებად? იქნებ დედამაც ჯობია თავი შეიკავოს ხშირი ვიზიტებისგან? ხომ არ ჯობია თავის საქმეებსა და ინტერესებზე ორიენტირდეს? იქნებ საზღვარგარეთაც წავიდეს, იმუშაოს, იმოგზაუროს?
