გრილ ამინდში ვის არ უყვარს ცხელი ჩაის დალევა, მასთან ერთად კი რაღაც გემრიელი ნამცხვარიც არ გვაწყენდა. იქნება ეს ფენოვანი ღვეზელი ქათმითა და სოკოთი, ლორითა და ყველით თუ ხორცით. ნებისმიერი შიგთავსი მოუხდება. სწორედ ამიტომ, ჩვენმა რედაქციამ გადაწყვიტა, გაგიზიაროთ ფენოვანი ცომის რეცეპტი, რომელიც 10 წუთში მზადდება, რათა ნებისმიერ დროს შეძლოთ საკუთარი თავის განებივრება სხვადასხვა გემრიელობით.
ამ ცომის მოსამზადებლად არაა საჭირო არაფრის განფენება, გაბრტყელება და, რაც მთავარია, არ მოითხოვს დიდ დროსა და ძალისხმევას.
ინგრედიენტები
- 650 გ ფქვილი
- 360 გ კარაქი (ან მარგარინი)
- 220 მლ ცივი წყალი
- 1 ჩ.კ. მარილი
- 1 ჩ.კ. 9%-იანი ძმარი (ლიმონმჟავა)
მომზადება
1. გაცერით თასში ფქვილი. შემდეგ ამოავლეთ კარაქი მასში და მაშინვე შედგით საყინულეში. ამის შემდეგ დახეხეთ კარაქი მსხვილად.
2. დახეხეთ ცოტაოდენი კარაქი, შეურიეთ ცომს და ასე გააგრძელეთ, სანამ მთელ კარაქს არ დახეხავთ.
3. ასე უნდა მიიღოთ კარაქიანი ფქვილის ფანტელი.
4. ამის შემდეგ, აიღეთ ცივი წყალი, დაუმატეთ მარილი, მოურიეთ მის გახსნამდე და დაამატეთ ძმარი ან მჟავა. კიდევ ერთხელ მოურიეთ და ნელ-ნელა ჩაასხით ფქვილის ფანტელში.
5. მიეცით ცომს აგურის ფორმა, შეახვიეთ ცელოფანში და შედგით მაცივარში 1 საათით.
6. როცა ცომი გამაგრდება, გააბრტყელეთ სწორკუთხედად, ოდნავ მოაყარეთ ფქვილი. მიღებული სწორკუთხედი დაკეცეთ 3 ფენად. დაახურეთ ცელოფანი და შედგით მაცივარში.
7. 30 წუთში ცომი მზად იქნება გამოყენებისთვის. დაჭერით იგი შუაზე და პარკებით შედგით საყინულეში. თითოეული ბრიკეტის წონა 600 გ-ს შეადგენს.
საჭიროებისას, გაალღვეთ და გამოაცხვეთ ყველაფერი, რაც მოგესურვებათ. გემრიელად მიირთვით!
