ყაბაყმა დიდი ხანია მოინადირა დიასახლისების გული. ამიტომ ზაფხულის სეზონის კერძების დიდი ნაწილი ამ უნივერსალური ბოსტნეულისგან შედგება.
ყაბაყი შეგიძლიათ შეწვათ, გამოაცხოთ, გააკეთოთ მარინადი, შეგიძლიათ გააკეთოთ ყაბაყის ხიზილალაც კი.
paparazzi.ge-ს რედაქცია დღეს შემოგთავაზებთ გამომცხვარი ფარშირებული ყაბაყის რეცეპტს. მისი მომზადება მარტივია და ინგრედიენტები ყველასთვის ხელმისაწვდომი.
ინგრედიენტები:
- 8 საშუალო ზომის ყაბაყი
- 3 თავი ხახვი
- 3 ცალი სტაფილო
- 30 გ. კარაქი
- 50 გ. კამა
- 1 ჭიქა მოხარშული ბრინჯი
- 200 გ. მდნარი ყველი
- მწარე წიწაკა, დაფქული წიწაკა, დაფნის ფოთოლი, სანელებლები გემოვნებით
მომზადების წესი:
- ყაბაყი უმჯობესია იყოს ქორფა. ბრინჯი მოხარშეთ მარილიან წყალში, ბრინჯის მაგივრად შეგიძლიათ მაგრად მოხარშული დაჭრილი კვერცხი შეურიოთ. ნუ შეგეშინდებათ ექსპერიმენტების.
- დაჭერით ხახვი წვრილად, მსხვილ სახეხზე გახეხეთ სტაფილო. მოშუშეთ ორივე ერთად მცენარეულ ზეთში.
- პატარა კუბიკებად დაჭერით მდნარი ყველი. დაამატეთ ტაფაზე და აურიეთ. შემდეგ დააყარეთ წინასწარ მომზადებული ბრინჯი და კარაქი. კარგად აურიეთ და დააფარეთ თავსახური.
- წვრილად დაჭერით მწვანილი და წითელი წიწაკა. დაუმატეთ ნებისმიერი თქვენი საყვარელი სანელებელი და შეურიეთ ბრინჯს. აურიეთ კარგად, ერთგვაროვანი მასის მიღებამდე. მასა უნდა იყოს ცოტათი ცხარე და მარილიანი. თქვენი შიგთავსი მზად არის.
- დაჭერით ყაბაყი ქილის ფორმაზე, ამოჭერით გული. შეგიძლიათ დაუტოვოთ თითოეულ ნაჭერს ძირი, მაგრამ ეს უფრო დიდ დროს წაიღებს.
- ყაბაყის ამოჭრილი გულები დაჭერით წვრილად და შეურიეთ შიგთავსში. ამოავსეთ ყაბაყი შიგთავსით, ჩაალაგეთ მულტისახარშში ან ჩვეულებრივ დაბალ ქვაბში, დაასხით 50-100 მლ წყალი და ადუღეთ 25 წუთი სრულ მზადყოფნამდე.
ბოლოს შეგიძლიათ დაამატოთ 1-2 კოვზი არაჟანი ან ტომატი.
ამ წესით მომზადებული ყაბაყი ძალიან გემრიელი გამოდის და საოცარ სურნელს აფრქვევს. ფარში შეგიძლიათ სხვადასხვა ინგრედიენტებით ჩაანაცვლოთ. გემრიელად მიირთვით!
