მარწყვის ჩიზქეიქი ჟელეში ჩაძირული ხილით და ხაჭოს ჰაეროვანი კრემით – ეს ნამდვილი სამოთხეა. ჩემთვის კი მაცდური ტკბილეული, რომელსაც ვერანაირ წინააღმდეგობას ვერ გავუწევ.
მარწყვის ჩიზქეიქი
ინგრედიენტები ცომისთვის:
- 300 გ. ორცხობილა
- 100 გ. ნაღების კარაქი
- 21 სმ. დიამეტრის ფორმა
ინგრედიენტები ხაჭოს კრემისთვის:
- 18 გ. ჟელატინი
- 700 გ. ხაჭო
- 200 გ. 30%-იანი ნაღები
- 150 გ. შაქრის პუდრა
- 1 პაკეტი ვანილი
- 10 ცალი მარწყვი
ინგრედიენტები მარწყვის ჟელესთვის:
- 15 გ. ჟელატინი
- 3 ს/კ შაქარი
- 300 გ. მარწყვი
მომზადების წესი:
- დააქუცმაცეთ ორცხობილა ბლენდერში, ჩოფერში ან დაფხვენით ცომის გასაბრტყელებლით. უნდა გამოვიდეს ერთგვაროვანი მასა.
- გაადნეთ ნაღების კარაქი.
- შეურიეთ ორცხობილა და კარაქი ერთმანეთს კარგად.
- ჩააფინეთ ფორმაში პერგამენტის ქაღალდი და მიღებული მასა ჩატკეპნეთ ჭიქის ძირით კარგად. შედგით მაცივარში გასაცივებლად.
- ამოარჩიეთ 10 ყველაზე დიდი და ლამაზი ფორმის მარწყვი. გაჭერით შუაზე.
- დაასხით ჟელატინს 90 მლ წყალი და დატოვეთ გასაფუებლად.
- ათქვიფეთ ბლენდერში ხაჭო, დაამატეთ ნაღები და შაქრის პუდრა. თქვიფეთ ერთგვაროვანი მასის მიღებამდე.
- გაფუებული ჟელატინი დად გით ცხელი წყლის აბაზანაზე და კარგად გაადნეთ.
- შეურიეთ ერთმანეთს ჟელატინი და ხაჭოს კრემი.
- დატკეპნილი ბისკვიტის კიდეებზე წრიულად მოაწყვეთ გაჭრილი მარწყვები და ჩაასხით შუაში ხაჭოს კრემი. შედგით მაცივარში 30 წუთის განმავლობაში.
- ამასობაში მოამზადეთ მარწყვის ჟელე. შეურიეთ 15 გ. ჟელატინი და 50 მლ წყალი. დადგით 10 წუთი.
- განიერ ჭურჭელში ჩაასხით 100 მლ წყალი, შაქარი და მარწყვი. ადუღეთ მაღალ ცეცხლზე 10 წუთი და სისტემატიურად ურიეთ. ბოლოს გადმოდგით, შეაგრილეთ და დააბლენდერეთ. შეურიეთ ჟელატინი და კარგად აურიეთ.
- გააგრილეთ კარგად ოთახის ტემპერატურამდე, გაცხრილეთ წვრილ საწურზე. ამით მოაშორებთ მარწყვის წიპწებს და ჟელე უფრო ერთგვაროვანი ტექსტურის იქნება.
- შეგრილებული მარწყვის ჟელე დაასხით თავზე არაჟნის კრემს და შედგით მაცივარში მინიმუმ 3-4 საათით. თავზე დესერტი შეგიძლიათ მორთოთ ნახევრად გაჭრილი მარწყვებით.კიდევ უფრო ლამაზი იქნება, თუ გაცივების მერე კიდევ ერთ თხელ ფენა გამჭვირვალე ჟელეს დაამატებთ.
- მარწყვის ჩიზქეიქი მზად არის! მარწყვი შეგიძლიათ ნებისმიერი სხვა ხილით ჩაანაცვლოთ.
გემრიელად მიირთვით და წარმატებულ კულინარიულ ექსპერიმენტებს გისურვებთ.
