გასულ შაბათ–კვირას ბებიამ ოლღა შობუტინის რეცეპტით ხვეულები გამოაცხო. მდიდრული გამოვიდა: ფენოვანი, როგორც პატარა კრუასანი. შიგთავსი უბრალოდ აღმაფრთოვანებელია! ბებიას თქმით, ეს ძველი, დროში გამოცდილი რეცეპტია, რომელიც დაავიწყდა, მაგრამ ჯადოქარმა ოლღამ მომზადების რამდენიმე დეტალი შეახსენა. პაპარაცის რედაქცია გიზიარებთ ცომიდან ხვეულების მომზადების ინსტრუქციას, რომელიც წყალში ხეტიალობს. ყველაზე რთული პირსახოცში გახვეული ცომის წყალში ჩაშვებაა, დანარჩენი ადვილია!
ბებოს მომზადებული ხვეულები
ინგრედიენტები:
- 420 გრ ფქვილი
- 300 გრ ალუბალი კურკის და წვენის გარეშე
- 2 კვერცხი
- 80 მლ რძე
- 2 ს/კ არაჟანი 20% ცხიმიანობით
- 120 გრ კარაქი
- 50 გრ შაქარი
- 8 გრ ვანილის შაქარი
- 20 გრ დაპრესილი საფუარი
- მწიკვი მარილი
ინგრედიენტები ხვეულებზე წასასმელად:
- 1 კვერცხი
- 1 ს/კ რძე
მომზადების წესი:
- თბილ რძეში საფუარი გახსენით. კარაქი წყლის ორთქლზე გაადნეთ.
- თასში კვერცხი მწიკვ მარილთან, შაქართან და ვანილის შაქართან ერთად ათქვიფეთ. არაჟანი და საფუარის ხსნარი დაუმატეთ. შემდეგ გამდნარი კარაქი და თანდათან ფქვილი დაუმატეთ.
- ცომი დაახლოებით 5 წუთით ერთგვაროვანი რბილი მასის მიღებამდე მოზილეთ. ცომი წებოვანი არ უნდა იყოს და სასიამოვნო შეგრძნება უნდა ჰქონდეს. მზა ცომი გადაიტანეთ ბამბის შემცველ ქაღალდის პირსახოცში ან სელის სალფეთქში ან უბრალოდ ნატურალური ქსოვილის ნაჭერში, რომელიც წინასწარ მარილიან წყალში უნდა ჩაალბოთ და გაწუროთ.ქსოვილის ბოლოები შეკარით (არა მჭიდროდ, რომ ცომს ამოსვლის საშუალება ჰქონდეს). ახლა ცივი წყლით სავსე ღრმა თასში ჩადეთ. 1 საათით ცომის ამოსასვლელად გააჩერეთ.
- ალუბალი უკურკოდ შიგთავსისთვის იდეალურია. ალუბლის წვენი გადაასხით და სალფეთქით გაამშრალეთ.
- ამოსული ცომი საწურზე გადაიტანეთ, რომ წყალი დაიწუროს. ფქვილმოყრილ მაგიდაზე ცომი მოზილეთ მანამ, სანამ მაგიდას და ხელებს აღარ მიეკვრება. ცომი 4 ნაწილად დაყავით. შესაფუთი პარკი დააფარეთ და ამოსასვლელად 15 წუთით გააჩერეთ.თითოეული ცომის ბურთი თხელ ფირფიტად გააბრტყელეთ. ცომის ფირფიტა 8 ნაწილად დაყავით. თითოეული ცომის ნაჭრის ფართო ნაწილში 2 ალუბალი დადეთ.
- ცომი დაახვიეთ. მზა ხვეულები პერგამენტ დაფარებულ საცხობ ფორმაზე გადაიტანეთ ისე, რომ ხვეულის კუდი ქვემოთ იყოს. შესაფუთი პარკი დააფარეთ და 15 წუთით ამოსასვლელად გააჩერეთ. ასე გააკეთეთ ცომის დანარჩენ ნაწილებთან.
- გამოცხობის წინ კვერცხი და რძე ათქვიფეთ და ხვეულებს წაუსვით. ზემოდან თითოეულ ხვეულას ცოტა შაქარი მოაყარეთ. თუ უფრო ტკბილ შიგთავსს იყენებთ, შაქრის მოყრა საჭირო არაა. ხვეულები 180 გრადუსამდე გახურებულ ღუმელში 17-20 წუთით აცხვეთ.
- ესეც ასე. საფუარის ცომზე მომზადებული ხვეულები ალუბლით მზადაა. გემრიელად მიირთვით!
რედაქციისგან
ასევე გირჩევთ ხაჭოს ხვეულები მოამზადოთ, რომელიც თავისი გემოთი წლის ნებისმიერ სეზონზე გაგახარებთ. თან ბევრი დრო და ფული არ სჭირდება.
„ბებიამ ხვეულები დააცხო! სუფთასთან მოდით!“ – ბავშვებს ვეძახი და თავად ჩაის ვადუღებ. ასეთი ოჯახური ჩაის სმა ძალიან მიყვარს.
სხვათა შორის, ბებია ასეთ ხვეულებს უცხობდა დედაჩემს, მაშინ 10 წლის იყო, ახლა კი 56. ცომი ძალიან კარგად ამოდის, ადრე „მყვინთავს“ ეძახდნენ. ასეთი ხვეულა შეგიძლიათ ნებისმიერი შიგთავსით მოამზადოთ. პირადად, ვაშლის ჯემით ძალიან მიყვარს, მეუღლეს კი ყაყაჩოთი მოსწონს. დარწმუნებული ვარ, თქვენი საყვარელი ხვეულა გახდება
