როგორ შევინახოთ ახალი პური დიდხანს და რა გავაკეთოთ, რომ არ გაფუჭდეს და რამდენიმე დღეში ობით არ დაიფაროს? გონივრულად იქცევიან ისინი, ვინც პურს მაცივარში ინახავენ და ღირს ასე მოქცევა? დღეს პაპარაცის რედაქცია გიამბობთ, როგორ შეინახოთ პური ისე, რომ დიდხანს იდეალური მდგომარეობა შეინარჩუნოს. ცხელ ამინდში განსაკუთრებით აქტუალურია.

პური მაცივარში

„პურის გარეშე ცხოვრება არ შემიძლია. სუპერმარკეტში მეუღლესთან ერთად კვირაში 1–2–ჯერ მივდივარ, ამიტომ პურს, როგორც სხვა პროდუქტებს, ყოველთვის ვიმარაგებთ,“ – წერს ვანო. „ბოლო დროს შევამჩნიეთ, რომ პური რაღაც სწრაფად ძველდება. თუ ჭამას ვერ ვასწრებთ, უკვე 3-4 დღეში ობი ჩნდება. ვფიქრობ, ადრე უკეთესი ხარისხის პურს აცხობდნენ და უფრო დიდხანს ინახებოდა. ახლა ერთი უბედურებაა. არადა ყოველთვის ერთნაირად ვინახავთ – უბრალოდ სამზარეულოს კარადაში.

ამ დღეებში რაღაც უსიამოვნო ამბავი თავს გადაგვხდა. სიდედრი გვესტუმრა და სასადილოდ დავსხედით. პური დავჭერი და უსიამოვნოდ გავოცდი. ჯერ კიდევ გუშინწინ ნაყიდ, დალუქულ შეფუთვაში პური უკვე ობით იფარებოდა. რას იზამ! ჩემს უკმაყოფილო წაძახილზე სიდედრი მოვიდა, პურს დახედა და განაცხადა, რომ ჩვენ, ახალგაზრდებმა პურის სწორად შენახვა არ ვიცით. უკვე მორიგი საყვედურის და უსარგებლო დარიგების მოსასმენად მოვემზადე, მაგრამ ამჯერად სიდედრმა სასიამოვნოდ გამაოცა. მაჩვენა, თუ როგორ უნდა შევინახოთ პური, რომ დიდხანს ახალი დარჩეს.

სიდედრის მეთოდი საკმაოდ მარტივი აღმოჩნდა. ყიდვისთანავე პურს შეფუთვას აშორებს. შემდეგ უბრალო პარკს 6-8 ადგილს ხვრეტს, პურს მასში დებს და ფუთავს. ახლა ყველაზე მთავარი. კარადაში შენახვის ნაცვლად, სიდედრი პურს მაცივარში ინახავს. მეთოდი გამოვცადე და კმაყოფილი დავრჩი. ამ პირობებში პური მთელი კვირა შეგიძლიათ შეინახოთ“ – ამბობს ბედნიერი ვანო.

ღირს თუ არა პურის შენახვა მაცივარში – რა თქმა უნდა, მაცივარში პურის შენახვა ყველას არ სურს, რადგან ბევრი თავისუფალი ადგილი არაა, თან გემოც იცვლება. თუმცა თუ ბევრი პური გაქვთ და უახლოეს მომავალში მათ ჭამას ვერ ასწრებთ, გამოცდილი მეთოდის გამოყენებას გირჩევთ.პურის შესანახად პარკის გარდა შეგიძლიათ ნაჭრის ქსოვილი და ქაღალდის შეფუთვა გამოიყენოთ. თუ პარკში მარლაში გახვეულ ცოტა მარილს ჩადებთ, ობი მხოლოდ იმ შემთხვევაში გაჩნდება, თუ მაცივარი რაიმე მიზეზით გაითიშება.საინტერესოა, რომ პური შეგიძლიათ საყინულეშიც შეინახოთ. მართალია, ამისთვის მისი დაჭრა და თითოეული ნაჭრის ფოლგაში გახვევა მოგიწევთ. ასეთ პირობებში პროდუქტი 1 თვე ინახება. მაცივრის ზედა თაროზე დაახლოებით 3 კვირა შეგიძლიათ შეინახოთ.უკვე ობმოდებული პური მაცივარში არ შეინახოთ. სოკო მაცივარში შენახულ სხვა პროდუქტებსაც დააზიანებს. ასევე მაცივარში ცხელი ცომეული არ შეინახოთ.

თქვენ ინახავთ პურის ნაწარმს მაცივარში? რა შედეგი მიიღეთ? გაგვიზიარეთ თქვენი გამოცდილება.