ფანჯრის საწმენდად ბევრი მეთოდი და ეფექტური საშუალებები არსებობს, თუმცა ყველა დიასახლისს უფლება აქვს ფანჯრის საწმენდად მეთოდი თავად აირჩიოს. Paparazzi გთავაზობთ საინტერესო ხრიკს, რომლის დახმარებით ფანჯრებს სწრაფად და მარტივად მოაწესრიგებთ. მინა სისუფთავით იბზინებს. ასეთი მეთოდი გამოადგება მათ, ვისაც ქიმიის სუნი არ უყვარს. საშუალებას ხელთ არსებული საშუალებებით სახლის პირობებში მარტივად გააკეთებთ.
როგორ გავწმინდოთ ფანჯარა სწორად – შემოდგომა–ზამთრის პერიოდის შემდეგ ფანჯარაზე საკმაოდ ბევრი ჭუჭყი და მტვერი გროვდება. განსაკუთრებით მაშინ, როცა სახლი გზის სავალ ნაწილთან ან რომელიმე მსხვილ ტექნიკურ საწარმოსთან ახლოს მდებარეობს. ზოგჯერ რთულია ასეთი ჭუჭყის მოშორება ლაქების ან ზოლების გარეშე.ხელნაკეთი საწმენდი საშუალების მარტივი და სასარგებლო რეცეპტი არსებობს. მისი დახმარებით სერიოზულ ჭუჭყსაც სწრაფად და მარტივად მოიშორებთ. კომპონენტებს ნებისმიერ სახლში მარტივად იპოვით. ინგრედიენტების სია მარტივია, ასე რომ ფანჯრების წმენდას შეუდექით.
საწმენდი საშუალების კომპონენტები
2 ლ წყალი
1 ს/კ სახამებელი
0,5 ჩ/კ ლილა
2 ს/კ ნიშადურის ან ამიაკის სპირტი
3 ს/კ ძმარი
პროცესს შეუდექით – ყველა ინგრედიენტი წყალს კარგად აურიეთ. ახლა ღრუბელი ან სპეციალური სალფეთქი აიღეთ, ხსნარში კარგად დაასველეთ და ფანჯრის წმენდა დაიწყეთ. თუ თქვენთვის საწმენდი საშუალების შეფრქვევა უფრო მოსახერხებელია, მიღებული სითხე სპრეი ბოთლში ჩაასხით.ზოგიერთი დიასახლისი ფანჯრის საწმენდად გლიცერინს იყენებს. ის დანარჩენ ჭუჭყთან ერთად უნდა მოიშოროთ. ძლიერ დაჭუჭყიანებულ ფანჯარას საწმენდი საშუალება შეასხურეთ და ცოტა ხანი მოიცადეთ. რამდენიმე წუთში მტვერს და ჭუჭყს ზედმეტი ძალისხმევის გარეშე მოაშორებთ. უფრო მეტიც, არანაირი ლაქები და ხაზები რომ არ დარჩეს, მიკროფიბრის სალფეთქი აიღეთ და მინა გაამშრალეთ.
როგორ გავწმინდოთ ფანჯარა სწორად სპეციალისტების რეკომენდაციებით – ფანჯრის გაწმენდამდე რაფიდან ყველაფერი აიღეთ და გარეცხეთ. უფრო მეტიც, ფანჯრის ჩარჩოები არ გამოგრჩეთ. თავდაპირველად, ჩარჩოები გაწმინდეთ, ბოლოს მინაზე გადადით. სპეციალისტები გირჩევენ, რომ ფანჯრები ღრუბლიან, უქარო ამინდში გაწმინდოთ. თუ ბინა მეორე სართულზე მაღლა მდებარეობს, არ გარისკოთ და ფანჯარა სპეციალური, გრძელსახელურიანი ჯაგრისით გაწმინდეთ.
ექსპერტები ფანჯრის საწმენდად სოდის გამოყენებას არ გირჩევენ. ის აგრესიულია და შეიძლება ლითონი ან პლასტმასის ელემენტები დააზიანოს. ფანჯარაზე ხაზები რომ არ დარჩეს, გაწმენდის ბოლოს ჯერ ვერტიკალურად იმოძრავეთ, შემდეგ ჰორიზონტალურად.დღესდღეობით ბევრი ახალი საშუალება არსებობს, რომლებიც ფანჯრებს სწრაფად წმენდენ. მაგალითად, მაგნიტური ღრუბელი ან ორმხრივი საფხეკი. მაგნიტური ღრუბელი მასში ჩაშენებულ მაგნიტს გულისხმობს. ასეთი ღრუბლით ფანჯრის გაწმენდას ერთდროულად ორივე მხრიდან შეძლებთ.ორმხრივი საფხეკი პროფესიონალი მწმენდავის მოწყობილობას ჰგავს. ასეთ საფხეკს ერთ მხარეს სპეციალური პარალონის ღრუბელი აქვს დამაგრებული, მეორე მხარეს რეზინის პირი. ასეთი მოწყობილობის გამოყენებით ფანჯარაზე ხაზები ნამდვილად არ დარჩება.ჩვენი სასარგებლო რჩევებით ფანჯრების სწორად გაწმენდას და სისუფთავის შენარჩუნებას შეძლებთ. სახლში წესრიგს და კომფორტს გისურვებთ!
