ყაბაყი ყველასთვის საყვარელი საზაფხულო ბოსტნეულია, რომელიც ჩვენს ბოსტნებში წარმოუდგენელი რაოდენობით იზრდება. როცა ხვდებით, რომ მთელი ოჯახი ამდენ ყაბაყს ვერ გაუმკლავდება, მოსავლის ნაწილის მეზობლებისთვის დარიგება გიწევს, მაგრამ ყაბაყი მათაც აქვთ. რა გავაკეთოთ? რა თქმა უნდა, კონსერვები ზამთრისთვის შესანახად. ზოგი ყაბაყს ყინავს ან ბოსტნეულის ლეჩოს ამზადებს, სხვები ყაბაყს უჩვეულო აჯიკად აქცევს. თუმცა ზაფხულში გაზქურასთან დიდი დროის გატარების სურვილი არავის აქვს. სწორედ ამიტომ, პაპარაცის რედაქცია გთავაზობთ გემრიელი, დამწნილებული ყაბაყის რეცეპტს, რომელსაც მარტივად მოამზადებთ.
ყაბაყის მწნილი – აღსანიშნავია, რომ მითითებული ინგრედიენტების რაოდენობა რვალიტრიან ქილაზეა გათვლილი. თუ უფრო ნაკლების მომზადება გსურთ, პროპორციები შეამცირეთ.
ინგრედიენტები:
- 5 კგ ახალი ყაბაყი
- 8-10 ახალი პომიდორი
- 3 საშუალო ზომის სტაფილო
- 300 მლ სუფრის ძმარი
- 3,5 ლ წყალი
- 6 ს/კ შაქარი
- 6 ს/კ მარილი
- რამდენიმე ტოტი კამა
მომზადება:
- პირველ რიგში, სტაფილო მცირე ნაჭრებად დაჭერით. თითოეული პომიდორი ოთხად გაჭერით.
- ყაბაყი კარგად გარეცხეთ და 0,5-1 სმ სისქის რგოლებად დაჭერით. ამის შემდეგ მზა ქილებში კამა, სტაფილო, პომიდორი და ყაბაყი ჩააწყვეთ.
- მარინადის მოსამზადებლად წყალი აადუღეთ, შაქარი, მარილი და ძმარი დაუმატეთ. ცოტა აადუღეთ და გაზქურიდან გადმოდგით, ოდნავ გაგრილება აცადეთ.
- ბოსტნეულით სავსე ქილას მარინადი დაასხით. ახლა ქილები დიდ ქვაბში ჩადეთ, რომ გაასტერილოთ. წინასწარ ქვაბის ძირზე სალფეთქი ან ნაჭერი დააფინეთ. წყალი იმდენი ჩაასხით, რომ ქილის ყელამდე მიწვდეს. 10-15 წუთით გაასტერილეთ.
- ახლა ქილები ამოიღეთ, სტერილური თავსახურით მოხუფეთ და გადააბრუნეთ. ამის შემდეგ თბილ გადასაფარებელში შეფუთეთ და გაგრილებამდე გააჩერეთ. მზადაა!
ასეთი გემრიელი ყაბაყის მწნილი პომიდორი ნებისმიერ სუფრაზე სასურველი იქნება. რეცეპტი შეინახეთ, რადგან ამ საოცარი წასახემსებლის მომზადება კიდევ მოგინდებათ. თუ მეზობლებს ან ნაცნობებს გაუმასპინძლდებით, სჯობს იმწამსვე რეცეპტი მისცეთ, რადგან კიდევ ერთ ქილას მოგთხოვენ.
