მახსოვს ის დრო, როდესაც ჩემი მეუღლე ღამის ცვლის შემდეგ დაღლილი მოდიოდა სახლში და პირველ რიგში დასაძინებლად მიდიოდა. ამ პერიოდში მე ჩუმად ვაკეთებდი საქმეებს და ვცდილობდი მისთვის ხელი არ შემეშალა. ცოტა ხნის წინ გავიგე საწინააღმდეგო შემთხვევის შესახებ, სადაც ღამის ცვლაში მუშაობდა ქალი, ხოლო ქმარი უკმაყოფილო იყო იმით, რომ მისი ცოლი მთელი დღე ლოგინში გორაობდა. პაპარაცის ამ სტატიაში ვიმსჯელოთ, რამდენად შეიძლება ასეთი დამოკიდებულებით კარგი ურთიერთობის შენარჩუნება და რამდენად შეძლებს ცოლ-ქმარი პრობლემასთან გამკლავებას.

ღამის ცვლის შემდეგ

“მე და ჩემს ქმარს რთული პერიოდი გვაქვს. დიდი ხანი ვეძებდი სამსახურს. საბოლოოდ დავთანხმდი პირველივე ნორმალურ შემოთავაზებას. ეხლა ვარ ღამის მენეჯერი ქსელურ ონლაინ მაღაზიაში. ფიზიკური სამუშაო არ მიწევს, მაგრამ მაინც დიდი ენერგია მიაქვს. ვმუშაობ 12 საათი ყოველ დღე, კვირაში ხუთჯერ.ბუნებრივია, ღამის ცვლის შემდეგ მხოლოდ ერთ რამეზე ვოცნებობ: ძილზე! მაგრამ დილით უნდა მოვამზადო ბავშვი სკოლისთვის, მხოლოდ შემდეგ შემიძლია დაძინება. ბავშვის მოსვლამდე მძინავს, ჩემს ქმარს კი არ მოსწონს, რომ ერთად არ ვატარებთ დროს.მძინავს დაახლოებით 5 საათი, შემდეგ ჩემი გოგონა მოდის სკოლიდან და ვდგები. უნდა მოვუმზადო საჭმელი, დავეხმარო გაკვეთილების მომზადებაში, მერე სახლის საქმეებს მივხედო და ამასობაში სამსახურში წასვლის დროც მოდის. მე უკვე მივეჩვიე ამ რეჟიმს, მაგრამ მაღელვებს ის, რომ ქმარი უკმაყოფილოა და არ ესმის, რომ ჩემთვის სასიცოცხლოდ მნიშვნელოვანია გამოძინება.

ყველაზე სასაცილო ის არის, რომ როდესაც არ მძინავს, სულ ერთად ვართ. ის კი სულ მსაყვედურობს, რომ ჩემი ძილით მასთან ურთიერთობა გავწყვიტე. არა ერთხელ ავუხსენი, რომ ისედაც ცოტა მძინავს და არ მყოფნის დასვენება, ძლივს მივდივარ საღამომდე და მერე ისევ სამსახურში უნდა წავიდე.მე სანამ ვმუშაობ, მას ტკბილად ძინავს, მერე სახლიდან მუშაობს. რა თქმა უნდა, წყინდება ნახევარი დღე რომ მარტოა, მაგრამ მე რა ვქნა? მთელი ცხოვრება ღამის მენეჯერობას ხომ არ ვაპირებ? უბრალოდ, ეხლა გვაქვს ის პერიოდი, რომ ფინანსურად გვიჭირს და დავეხმარო უნდა ოჯახს. ისედაც ძლივს ვუმკლავდები ამ რთულ გრაფიკს და ქმრის საყვედურები უფრო მირთულებს სიტუაციას.მეგობრები მირჩევენ, რომ ეს არ არის ჯანსაღი ურთიერთობა და უნდა დაველაპარაკო ქმარს სერიოზულად. დედა კი თავის სიძეს ეგოისტს ეძახის. არ მინდა ვინმე ფიქრობდეს, რომ ცუდი ქმარი მაყავს, მაგრამ ყოველ დღე მეცლება ენერგია და მასთან ერთად მოთმინება. როგორ გავაგებინო საყვარელ ადამიანს, რომ მე არ ვარ რობოტი და მაქვს უფლება დავისვენო როცა საჭიროა?

რედაქციისგან: სამწუხაროა, რომ ასეთი გაუგებრობები ხდება რეალურ ცხოვრებაში, მაგრამ ფაქტია, რომ ასეთი მამაკაცები ნამდვილად არსებობენ. წარმოიდგინეთ იგივე სიტუაცია მამაკაცის შემთხვევაში – მუშაობს მთელი ღამე და მერე მთელი დღე ბურღავს ცოლი.სამწუხაროდ, ეს არის მაგალითი იმის, თუ როგორ ანადგურებს მოსიყვარულე ქმარი თავის ცოლს. თუ დალაპარაკება არაფერს მოუტანს, უფრო მეტი ზომა უნდა მიიღოს. როდესაც ქალს მხარდაჭერა არ აქვს მცირე ხნიან რთულ პერიოდში, საეჭვოა, მომავალში დაუდგეს ქმარი გვერდში, როდესაც ცხოვრება უფრო რთულ გამოწვევებს გამოუგზავნის.

საინტერესოა, თქვენ როგორ მოიქცეოდით ასეთ დროს? მოითმენდით თუ არა ასეთ დამოკიდებულებას? გაგვიზიარეთ კომენტარებში