მერკანტილურებად უმეტესად ქალებს მიიჩნევენ. უფრო სწორი იქნებოდა, ასე მოვიხსენიოთ ის ადამიანები, ვინც არ ინტერესდება პარტნიორის შინაგანი სამყაროთი და მხოლოდ მისი საფულე უნდა. გოგონა მდიდარი ოჯახიდან – გემრიელი ლუკმაა ბევრი ახალგაზრდისთვის.
გოგონა მდიდარი ოჯახიდან
ის, რომ არსებობს ადამიანების ნაწილი, რომლისთვის სულერთია გრძნობები და ემოციები ურთიერთობებში, უდავო ფაქტია. ბევრი ადამიანი – ქალიც და მამაკაციც, ცდილობს გაზარდოს თავისი ანგარიში ბანკში. თუმცა, დამკვიდრდა ვერსია, ეს მხოლოდ ქალების საქმეა.შეიძლება, ამის მიზეზი ძველი დროიდან მოდის, როცა ნორმალურად ითვლებოდა მამაკაცი ქალს რომ არჩენდა. სანამ სამყარო სერიოზულ ტექნოლოგიურ წინსვლას მიაღწევდა, მამაკაცის ფიზიკური ძალა წამყვან როლს თამაშობდა.ადამიანთა მოდგმა რომ არ გადაშენებულიყო, საჭირო იყო ქალებს ახალი სიცოცხლე მიეცათ ადამიანებისთვის. შემდეგ გაეზარდათ და აღეზარდათ ეს პატარა ადამიანები. ოჯახის პატრონობა ძლიერ მამაკაცს შეეძლო და ქალი მთლიანად მასზე იყო დამოკიდებული, განსაკუთრებით, ორსულობის დროს.
თანამედროვე ურთიერთობები და ბალანსი – საბედნიეროდ, დრო შეიცვალა. პროგრესი საგრძნობლად შეეხო ყველა სფეროს. ეხლა ყველაფერს ფული წყვეტს და არა ფიზიკური ძალა. თანხის გამომუშავება უკვე ქალსაც შეუძლია. ვეღარავინ მიუთითებს დამოუკიდებელ ადამიანს სად იცხოვროს, ვის გაყვეს ცოლად და რამდენი ბავშვი გააჩინოს. ემანსიპაციის დამსახურებით, ქალებს შეუძლიათ განათლების მიღება და საკუთარი თავის რჩენა.შეიცვალა ბალანსი ოჯახშიც. ცოლ-ქმარს თანაბარი ურთიერთობა აქვს და ეს ჯანსაღი ურთიერთობების იდეალური ვარიანტია. თუმცა, არც ის არის ცუდი, როცა ერთ-ერთი პარტნიორი მეტს გამოიმუშავებს და ზრუნავს ოჯახზე.ცუდი ის არის, როცა ურთიერთობა შორს არის ურთიერთ გაგებისგან და ერთი ადამიანი იყენებს მეორეს. ერიხ ფრომი თავის წიგნში “სიყვარულის ხელოვნება” წერდა, რომ ვერ იქნება საუბარი ვერც თანასწორობაზე და ვერც ბედნიერებაზე, სანამ ერთი ადამიანი მეორეს სარგებლის მომტანი ინსტრუმენტია. სანამ ცოლი ან ქმარი ერთმანეთისგან რესურსის გამოძალვით არის დაკავებული, ოჯახური ბედნიერება შეუძლებელი ხდება. ეს არც არის ოჯახი, ეს უფრო მონობის თანამედროვე ვარიაციაა.
რატომ არის გულახდილობა ასე მნიშვნელოვანი? – ისევ დავაზუსტებ, რომ თუ არა თანაბარი წყობა ოჯახში შეთანხმებულია და ყველა ბედნიერია ამით, არაფერია ცუდი. თანამედროვე ურთიერთობები მრავალფეროვანია და შეიძლება ქმარი მუშაობდეს და ცოლი არა, ან პირიქით. მთავარია, რომ ადამიანები შეთანხმებულად და პატივისცემით ექცეოდნენ ერთმანეთს.მხოლოდ ფული არ არის, რასაც ადამიანები სძალავენ ერთმანეთს. ბევრად უფრო დამანგრეველია ენერგიის გამოძალვა. ფულს კვლავ გამოიმუშავებ, მაგრამ ნერვულ უჯრედებს ვეღარ აღიდგენ. ასეთი ურთიერთობები განსაკუთრებულად ტოქსიკურია და დამანგრეველი ადამიანის ორგანიზმისთვის.არ დაგავიწყდეთ კიდევ ერთი მნიშვნელოვანი მომენტი: თუ პარტნიორი მეტს გამოიმუშავებს, მეტი ფული აქვს და შესაბამისად, მეტი ძალაუფლება, არ ნიშნავს იმას, რომ მეტი უფლება აქვს თქვენზე. ხშირად ხდება, როცა ასეთი პარტნიორი თავს მეტი უხეშობის და არასწორი ქცევის უფლებას აძლევს.
ასე არ შეიძლება! თუ ადამიანი დათანხმდა თქვენთან თანაცხოვრებაზე, ვალდებულია პატივი გცეთ და უყვარდეთ. თუ ეს არ იქნება, არჩევანი თქვენზეა. გისურვებთ წარმატებას. გაგვიზიარეთ თქვენი მოსაზრებები კომენტარებში.
