გახსოვთ, როგორ ვუსმენდით გრამფირფიტაზე ჩაწერილ ზღაპრებს და სიმღერებს ბავშვობაში? პირადად მე, ხშირად ვუსმენდი ფირფიტებს. ეხლა მას აუდიოზღაპრებს უწოდებენ. ეს ფირფიტები იყო ჩემი ბავშვობის ნაწილი, რომელიც სიყვარულით და სითბოთი იყო სავსე. ნაცნობმა გადამყიდველმა ბენიამინმა ბებიას სთხოვა ამ ფირფიტების ჩვენება და უკვე ხუთი საათია სარდაფში იმყოფება, ამბობს, რომ ზოგიერთი ნიმუში ფასდაუდებელია.

საბავშვო ფირფიტები

დღეს პაპარაცის რედაქცია მოგიყვებათ, თუ რატომ ნადირობენ ანტიკვარის შემგროვებლები ძველ ფირფიტებზე. ასევე, გთავაზობთ გაიხსენოთ თქვენი საყვარელი ძველი ფირფიტები.
ჩემი პირველი ნაცნობობა საბავშვო ფირფიტებთან ვლადიმერ ვისოცკის ხმით შედგა. მაშინ ჯერ კიდევ არ ვიცოდი ვინ იყო ის, მაგრამ ვიცნობდი მის თბილ, მშვიდ ხმას, რომელიც გრამფირფიტიდან სასიამოვნოდ მიმღეროდა. ყველა სიმღერა ზეპირად ვიცოდი.თავად ეს ფირფიტები საბავშვო ზღაპრები ვისოცკის შესრულებით რთული ბედის აღმოჩნდა. მასზე მუშაობდნენ სამი წელი, კრძალავდნენ, აკრიტიკებდნენ, საბოლოოდ მაინც გამოსცეს. ფირფიტა მაშინვე 70-იანი წლების ბესტსელერი გახდა. მასში გაერთიანებული იყო სიმართლე, საიდუმლო, სიმსუბუქე, სიყვარული, გონება და იუმორი.ეხლა ამ ზღაპრების მოსმენა ინტერნეტში არის შესაძლებელი, მაგრამ გრამფირფიტიდან სულ სხვანაირად ჟღერდა.

საყვარელი ფირფიტები – ბავშვობაში მიყვარდა ნოსოვის “არვიცია”, განსაკუთრებით კი “არვიცია მთვარეზე”.გახსოვთ ლამაზი, სასიამოვნო სიმღერები “ბრემენელი მუსიკოსებიდან”?აი, მარშაკის “კატის სახლი კი რატომღაც არ მიყვარდა.იცით, სად იყო ვინილის ყველაზე მსხვილი წარმოება მსოფლიოში? ეს იყო საბჭოთა კავშირში. ერთი ქარხანა 90-იან წლებში უშვებდა დაახლოებით 100 მილიონ ფირფიტას. ეს ფირფიტები შემდეგ შეცვალა CD დისკებმა.რაში მდგომარეობს ფირფიტების ფასეულობა ეხლა? ის ისტორიის ნაწილია, აღარ გამოდის, რაც ნიშნავს, რომ ვინტაჟია, რარიტეტი.2000-იან წლებში ბევრი რამ შეიცვალა. უნიკალურობამ, არაიდეალურობამ და უბრალოებამ, რაც ახლავს ფირფიტების წარმოებას და შენახვას, გახადა ფირფიტები კულტურული ფლაგმანი, ხოლო ჩანაწერების სისუსტე მისი უპირატესობა გახდა.ნამდვილი მელომანებისთვის ვინილის ფირფიტების ცხოვრება ადამიანის სიცოცხლესავით ხანმოკლეა. ციფრული ჩანაწერებისგან განსხვავებით, რომლის წაშლა ან გამრავლება ხელის ერთი მოძრაობით არის შესაძლებელი.ვინილის მოყვარულებს ურჩევენ ნახონ ლისაბონში Feira da Ladra ან ქურდების ბაზარი, სადაც საუკეთესო კოლექციები იყიდება მსოფლიოს სხვადასხვა კუთხიდან.

რჩევა რედაქციისგან: ბოლო ათწლეულში ტექნოლოგიურმა განვითარებამ მნიშვნელოვან საფეხურს მიაღწია. თუმცა, დარჩა ნოსტალგია და ხანდახან დიდი სურვილი ბავშვობაში დაბრუნების.ძველ ზღაპრებზე რამდენიმე თაობა გაიზარდა, სწორედ ეს ზღაპრები ასწავლიდნენ პატარა ადამიანებს სამართლიანობას, სიკეთეს, ურთიერთობას, პატიოსნებას. ჩემი აზრით, საბავშვო ფირფიტები ნამდვილი განძია და მისი ფასი ბევრმა ადამიანმა იცის.თქვენ გქონდათ ბავშვობაში ვინილის ფირფიტები? უსმენდით ხოლმე ზღაპრებს? რომელი იყო თქვენი ყველაზე საყვარელი ფირფიტა?